Hatur nuhun ua sas, Insya Alloh made milari. Kanggo para teteh/calon teteh, urang pedar sakedik perkawis 'induksi' Induksi atanapi lengkepna Induksi kehamilan, ngandung hartos sagala rupi upaya nu tujuanna nimbulkeun rangsangan awal kanggo mitembeyan proses ngalahirkeun (persalinan) dina yuswa kehamilan nu tos cekap. (antawis 28 minggon-40 minggon atanapi abot bayi tos langkung ti 2500gr). Upami yuswa bobotna teu acan panceg, disebatna teriminasi (mutuskeun kehamilan). Tah carana mang rupi-rupi, umumna mah aya dua kelompok; Lokal sareng sistemik. Maksadna lokal, rangsangan ku jalan manipulasi dina jalan lahir. Tah cara ieu teh tingawitan ngarangsang kucara ngabebaskeun lamad ketuban, masang balon supados jalan lahir ngaageungan atanapi aya sarupaning akar (presari) nu dilebetkeun kana jalan lahi nu upami mendak cairan bakal ngabeukahan. Manipulasi ieu bakal di respon ku mitembeyanna rasa mules, biasana mules langkung alami margi sumpingna mules ti lebet. Nu kadua, cara sistemik tea, nyeta anu disebut di dinfus tea, nu dina infusan teh aya landong nu dilebetkeun (pitocin), teras diteteskeun/titrasi dina tetesan nu beuki lami dosisna beuki ageung dugi ka dosis maksimal. Kumargi nu gaduh peran didieu mah landong tea (nu efekna kontraksi rahim), nya tangtos karaosna langkung peureus (saur nu tos ngalaman, da abdi mah moal kantos ngalaman hehe). Janten karaosna langkung peureus/nyeri sareng tiasa teras-terasan (upami alami mah sumping na mules teh bertahap, ti ngawitan sakedapan oge jarang, lami-lami langkung sering langkung sareng langkung lami). Cara sistemik atanapi kimiawi kieu aya saratna, kedah ngamonitor kondisi bayi ku cara monitor detak jantung bayi, margi aya pangaruhna ka bayi. Upami dina kaayaan detak jantung bayi mingkin remen sareng kakuatanna mingkin rosa (kagambar dina grafik alat nu disebat CTG-Choriotocografi). Bayi kedah enggal dilahirkeun ku jalan operasi sesar (Sectio Cesaria). Kalah kumaha oge nu sae mah nu alami, nya kumargi kitu, upami bobot parantos nincak yuswa 36 minggon, sing sering mapah, oge senam hamil. Parosi ka dokter unggal minggon, sareng rajin ngado'a, supados lahir normal. Sakitu heula. Cag DR.
__________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com ------------------------ Yahoo! Groups Sponsor --------------------~--> <font face=arial size=-1><a href="http://us.ard.yahoo.com/SIG=12hsrccqd/M=323294.6903899.7846637.3022212/D=groups/S=1705013556:TM/Y=YAHOO/EXP=1124050640/A=2896129/R=0/SIG=11llkm9tk/*http://www.donorschoose.org/index.php?lc=yahooemail">DonorsChoose. A simple way to provide underprivileged children resources often lacking in public schools. Fund a student project in NYC/NC today</a>!</font> --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/