Minggu kamari, jalan-jalan ka Cihampelas. Macet. Bandung Lautan Jakarta! Urang Jakarta pindah kabeh ka Bandung. Di Ciwalk keur aya acara "Aki no Matsuri". Barudak Bandung bergaya siga urang Jepang. boh dangdana, boh gayana. Band di panggung ge nyanyikeun lagu-lagu jepang. J-Rock!! cenah. Hidup J-culture! cenah. Ngaran grupna ge macem-macem ti nu maina Spica, Shiroi Hanna, Lucid Rain, Banzai, Jetto dugi ka Sakura Drop jrrd. Cenah mah sakalian ngaresmikeun Japan Bandung Community.. Nu lalajo umumna rumaja kabeh, meni apal kabeh lagu-lagu bangsa kate teh. Beungeut Cihampelas, lagu Jepang. Majalahna, komikna kabeh bau Jepang. Di radio ge mun teu salah mah lombang 90,5 (?) sapanjang poe nyiarkeun lagu-lagu Jepang. Budak Bandung keur nyieun trend anyar sigana mah, jepang.... Meureun, sakeudeung deu pasti wabah Jepang teh bakal nular ka mana-mana kota...
Anak uing ge teu katingaleun meuli bendera jepang, jeung emblim Samurai X. Kuring ngarenghap, nyimpang ka toko kaos, meli kaus gambar angkot Bandung. Rada kahibur, ku sabab nu dagang teh cenah mah mhs ITB make warna sunda di tokona. Di tokona loba buku-buku (mengenai) kasundaan, interiorna ge disusun, aya katerangan sejarah sunda nu lumayan singkat.. Bungkus kaosna unik. Make aksara sunda.. lumayan, aya nu masih inget ka bangsa uing... Kardusna disimpen, teu dipiceun. keur koleksi... Leupas maghrib, ka Dago Tea House. si jalu hayang lalajo grup Goletrak. Mun manggung lucu tah grup teh. Hanjakal Goletrak teu manggung peuting eta teh. Engke cenah tanggal 18 Sept. Malem kamari mah aya ge tari merak, rampak kendang jeung jaipong. Jam satengah sabelas balik ti Dago, di mobil nyetel lagu jepang... Judulna "Itsuli_No_Komoriuta". Bari ngalamun, ngenah lagu teh... mendayu-dayu, matak nineung... untung nu nyanyina Detty Kurnia.. ..lain Mai Kuraki atanapi Nami Tamaki nu cenah mah keur ngetop.... agusher ------------------------ Yahoo! Groups Sponsor --------------------~--> DonorsChoose.org helps at-risk students succeed. Fund a student project today! http://us.click.yahoo.com/O4u7KD/FpQLAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/