Aya sababraha balikan mah, kuring neangan judul anu pas pikeun ieu tulisan. Maksudna mah hayang neangan kecap anu pas, tapi bisa ngagambarkeun eusi tulisan. Ngan weleh teu manggih. Nya kapaksa we dipilih judul jiga di luhur. Hehehe.
Kuring boga panineungan mangsa keur budak, kana nu disebut "ti munding" teh. Jaman harita, upama usum halodo, pagawean rutin tas balik sakola teh sok ngadon ngangon domba, nepi ka burit. Bari nunguan domba, tamba kesel sabatur-batur sok newakan simeut. Terus dibeuleum, lumayan beuleum simeut teh asa hurang. Hehehe. Tah nu jadi panineungan teh pangpangna tempat meuleumna. Nyaeta, pikeun meuleum simeut teh, bahanna taya lian, "ti munding" garing tea. Harita mah teu jadi pikiran, kunaon sababna upama "ti munding" garing diduruk ruhak jeung seuneuna hade pisan. Persis jiga make kompor gas. Mangsa geus nincak sakola ka SMA, kakarek meunang jawaban, kunaon sababna "ti munding" upama diduruk bisa ngahasilkeun ruhak jiga kompor gas. Cenah ceuk guru IPA, kulantaran "ti munding" teh ngabogaan "gas bio". Malah cenah, di lembur batur mah, aya proses nu ngahaja ngala gas bio tina "ti munding" atawa "ti sapi" pikeun kaperluan rumah tangga. Ku meunang beja kitu, asa reugreug rarasaan teh, tetela barudak di lembur geus bisa ngamangpaatkeun gas bio, naja ngan ukur keur meuleum simeut. Hehehe. Ngan tadi sore, panineungan kana "ti munding" teh kagareuwahkeun ku warta dina TV. Numutkeun eta warta, cenah aya sagolongan rumaja, nu pagaweanana ulukutek di kandang sapi. Sanggeus dititenan, eta rumaja teh ngadon nyeuseupan "ti sapi" anu haneut keneh. Dasar gelo, tetela eta mangkeluk teh, geuning nu katagihan narkoba. Ngadon nyeuseupan "ti sapi" keur gaganti nyeusepan lem aibon. Salam, MH ===== Situs: http://www.urang-sunda.or.id/ [Pupuh17, Wawacan, Roesdi Misnem, Al-Quran, Koropak] __________________________________ Yahoo! Mail - PC Magazine Editors' Choice 2005 http://mail.yahoo.com ------------------------ Yahoo! Groups Sponsor --------------------~--> DonorsChoose.org helps at-risk students succeed. Fund a student project today! http://us.click.yahoo.com/O4u7KD/FpQLAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
