Beurit téh nyaéta mamalia nu kaasup salasahiji spésiés rodénsia dina genus Mus sarta turunan lianna nu kaasup kulawarga Muridæ (Beurit Dunya Buhun, Old World Mice).
Biologi Spésiés beurit nu paling dipikawanoh mah nyaéta beurit imah biasa (Mus musculus), nu ilahar kapanggih di sabudeureun urang di sakuliah dunya, ogé beurit nu sok dipaké di laboratorium, salaku modél organisme na biologi; sarta beurit kukutan (pikeun jalma awam mah, istilah beurit téh disaruakeun jeung "Mus musculus"). Beurit suku-bodas Amérika (Peromyscus leucopus) jeung beurit uncal (deer mouse, Peromyscus maniculatus) ogé kadang hirup di paimahan. Spésiés beurit ieu hirup sacara komensalisme jeung manusa. Najan bisa hirup nepi ka dua taun di lab, rata-rata umurna di luar mah ukur 3 bulanan, utamana alatan dimangsa. Beurit mangrupakeun sato percobaan nu ilahar dipaké dina biologi jeung psikologi utamana kusabab beurit téh mamalia, sahingga loba homologina jeung manusa, tapi bisa dimanipulasi ku hal nu teu bisa dijieun keur manusa. Kauntungan séjénna nyaéta kanyataan yén beurit téh leutik, kaitung murah, sarta umurna nu pondok sahingga gampang katengetkeun. Génom beurit runtuyanana geus ditalungtik, némbongkeun lobana homologi jeung manusa. Taun 2006, dina proyék Biosatellite, beurit rék dikirim ka orbit Bumi dina pesawat nu muter pikeun nangtukeun balukar gravitasi nu sarua jeung di Mars. Di sagigireun kauntungan-kauntungan di luhur, beurit bisa bahya salaku hama nu ngaruksak pepelakan sarta nyebarkeun kasakit ngaliwatan parasit jeung taina. Ucing nu dikukut, nya di antarana pikeun ngamangsa beurit (ngontrol populasina). Lian ti éta, sok dipaké ogé sentég. Beurit sok digolongkeun hérbivora, padahal sabenerna mah omnivora: dahar daging, kaasup bangké beurit séjénna, sarta geus kapanggih nganibal buntutna sorangan nalika kalaparan. Di London, kira aya satengah juta beurit, nu lolobana hirup di solokan-solokan. Beurit teu bisa maca warna, tapi ari ngabédakeun mah bisa dina rupa gradasi antara hideung jeung bodas. Taksonomi genus Mus Genus Mus ngawengku 38 spésiés. Genus Mus Subgenus Pyromys Mus platythrix Mus saxicola Mus philipsi Mus shortridgei Mus fernandoni Subgenus Coelomys Mus mayori Mus pahari Mus crociduroides Mus vulcani Mus famulus Subgenus Mus Mus caroli Mus cervicolor Mus cookii Mus booduga Mus terricolor Mus musculus Mus spretus Mus macedonicus Mus spicelegus Subgenus Nannomys Mus callewaerti Mus setulosus Mus triton Mus bufo Mus tenellus Mus haussa Mus mattheyi Mus indutus Mus setzeri Mus musculoides Mus minutoides Mus orangiae Mus mahomet Mus sorella Mus kasaicus Mus neavei Mus oubanguii Mus goundae Mus baoulei Beurit dina alam fiksi Beurit ngarupakeun salasahiji sato nu populér dina alam fiksi (dina wujud kawas manusa, nu sipatna pikalucueun). Misalna Mickey Mouse nu kawentar di sakulian dunya. Lucuna téh, ongkoh dianggap hama ogé nu bisa mawa panyakit, tapi dedegan beurit dina alam fiksi mah justru némbongkeun watek anu simpatik & protagonis. Baca ogé sentég Mickey Mouse ucing Tumbu kaluar Impact of Mice on endangered species Fancy Mice 'A complete resource for pet owners and show breeders' [EMAIL PROTECTED] 'The Pet Mouse FAQ' [EMAIL PROTECTED] 'Ganesh rides a Mouse' Disalin ti "http://su.wikipedia.org/wiki/Beurit" Kategori: Ingon-ingon | Beurit Dunya Buhun -- sikandar www.urang-sunda.or.id su.wikipedia.org ------------------------ Yahoo! Groups Sponsor --------------------~--> Help save the life of a child. Support St. Jude Children's Research Hospital. http://us.click.yahoo.com/ons1pC/lbOLAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/