Bah Willy, di Brunei oge Arab nu Ibnu Saud, sigana sami istilahna Nepotisme. margi eta mah istilah bahasa inggris atawa sosiologi meureun.
mung margi niley nu diagem beda, di eta nagara mah nya nepotismeu teu kalebet goreng. siga pelacur, di urang mah haram (sanajan aya). di Jepang aya Geisha, kurang leuwih teu beda ti pelacur di urang, tapi halal da budayana memang kitu, nganggap Geisha teh hiji padamelan mulia. di nagara deungeun, nu buligir jeung paligir sami istilahna pornografi, tapi aya da memang legal. majalahna dijual di toko. di urang mah henteu, haram malah. heuheuheu... kadang2 niley di urang oge robah, utamana nu patali jeung pulitik. PRD asalna haram jaman HMS, aki eta turun, PRD jadi halal. hehe. soal nagara eksperimen sabenerna walanda kungsi mere opsi. negera federal tea. ngan harita bangsa indo keur jatuh cinta kana istilah persatuan. kungsi ngadeg sababaraha nagara bagean kaasup negara Pasundan, gubernurna mah menak Garut tea. tapi disangkana pro Belanda. RI garita ibukotana Yogya (sabenerna bisa oge RI teh Mataram. Nepi ka ayeuna federal jeung kesatuan ditempona teh siga patojaiyah. sanajan urang reueus sabab kamerdekaan teh ceuk cenah beunang ngarebut ti penjajahan, lieur oge ngurusna. sabab nu ngaran ngarebut mah nya teu puguh. ayeuna, loba keneh aturan hukum nu make warisan pamarentah kolonial, kaasup Akte Kelahiran, sabab estuning ieu nagara teh dina palebah eta mah, neruskeun pamarentah kolonial walanda. Bung Karno kungsi nyieun ekperimen sagala rupa: demokrasi liberal, ngan bangsa urang keur sumanget berjuangna katerusan, antukna kabinet tara lila. ngan itungan bulan. terus demokrasi terpimpin tea, nasakom, jeung saterusna. sipil hayeuh we berjuang teu puguh, sedeng militer mah bebenah. jadi we militer (AD) bisa asup ka pulitik, sabab organisasina rapih da cara komando tea. oge ieu ciri khas nagara berkembang, militer boga pangaruh kuat, sabab organisasina tea rapih. Suharto teh salahna teu bebenah pikeun jangka panjang. antukna amburadul deui sagala rupana. bisa jadi di urang nu mentalna feodal (rakyat hirup dina mental karajaan) dipaksa kudu hirup di alam demokrasi. ongkoh da hese mun kudu boga tokoh nasional nu baris jadi figur pemersatu. siga sultan yogya pastina jadi figur eta pikeun urang jawa yogya atawa jawa raya. ari di luar jawa saha? asana nu aya ayeuna di urang teh oligarki. kakuasaan ngan aya di sababaraha jelema wungkul di jakarta (kaasup aya di sultan yogya). siga duit atawa pausahaan, ngarumpul di sababaraha konglomerat. sabenerna otda rada mirip federal, tapi aya we panyakitna teh, cenah bupati teh ngajanggelek jaradi raja leutik, aturan atawa pungutan beuki loba, jeung saterusna" lain jadi leuwih gampang urusan, tapi nambah riweuh. aya hadena di urang teu pati loba nu hayang misah, ngan ditungtung wungkul, bari alesanana mah sarua, soal kaadilan babagi duit. tatar sunda we jadi wadal, da jakarta ayana di tatar sunda. ah ngacapruk ieu mah... ----------------- Ukuran nu disebat korupsi, kolusi sareng nepotisme (KKN) teh benten-benten, teu sami di tiap masyarakat. Di nagara ARab Saudi atanapi Brunei,sagala panghasilan nagara lebet kana "rekening" raja. Raja anu ngatur mana nu keur anjeunna (+ kulawarga besarna) jeung mana nu keur rakyat. Sultan Brunei kaasup jalma pangbeungharna di dunya, kitu deui kulawarga karajaan Arab Saudi, nu umumna lubak-libuk ku harta. Naha ieu disebat korupsi? Ceuk urang Arab Saudi atanapi urang Brunei mah, meureun henteu, da memang kontitusina kitu. Raja di Arab Saudi jeung di Brunei ngangkat menteri atawa pejabat luhur sejenna sadayana kulawargana (anak, adi, lanceuk, alo jst). Naha ieu lebet nepotisme? ....ceuk urang ARab Saudi & Brunei mah meureun henteu, da ilaharna kitu. Kumaha ari Raja di Nagara-nagara barat atawa di Jepang? baheulana (200-300 taun katukang) mah memang kitu. Tapi lila-lila kakawasaan raja, dileutikan tepi teu boga kawasa nanaon. Raja di nagara-nagara eta ukur jadi lambang jeung "kaheureuyan" ngagosip rakyatna. Raja teu bisa ngangkat Perdana-menteri, teu bisa ngangkat menteri, komo bari ngumpulkeun panghasilan nagara mah. Jadi, ceuk kuring mah, nu disebut KKN teh, timana heula ningalina. Matak kuring mah teu bisa nyebutkeun aya korupsi di jaman Mataram atawa jaman para "dalem". Da nu disebut korupsi mah hiji ukuran atawa niley nu berkembang di jaman ayeuna, lain jaman pangawasa "absolut" jaman baheula (ayeuna keur di ARab Saudi jeung Brunei mah). Baktos, mj http://geocities.com/mangjamal ------------------------ Yahoo! Groups Sponsor --------------------~--> DonorsChoose.org helps at-risk students succeed. Fund a student project today! http://us.click.yahoo.com/t7dfYD/FpQLAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/