Haturan baraya sadaya,
Teu karaos taun 2005 parantos ngantunkeun urang, kiwari urang aya dina taun 2006. Seueur pisan kagiatan-kagiatan nu parantos dilakonan di taun nu kalangkung, utamina ku masarakat anu masih mikukuh kana adat budaya tradisina. Mung hanjakalna seueur kagiatan-kagiatan eta nu di babaraha wewengkon mah teu 'ka-ekspos' (teu kacaturkeun), sangkan luput tina perhatosan urang sarerea.
Kitu oge di awal taun 2006 ieu, parantos aya babaraha wewengkon baris ngayakeun kagiatan adat budaya tradisi-na anu memang tiap taunna oge tos lumangsung di ieu tempat.
Anu pangpayunna nyaeta wewengkon Cigugur, Kuningan, baris midangkeun upacara seren taun dina ping 20 - 22 Januari 2006. Dituluykeun ku kampung budaya Sindangbarang, Ciapus, Bogor dina ping 4 - 5 Pebruari 2006. Salajengna kampung budaya Girijaya, Cicurug, Sukabumi dina ping 16 - 17 Pebruari
2006. Di dua wewengkon terakhir ieu oge bade midangkeun upacara seren taun.
Dina sasih April 2006, giliran seren taun di Kampung Urug jeung Kampung Malasari, Cigudeg Bogor. Biasana di ieu tempat mung benten sa-dinten dina ngarayakeunana.
Kasepuhan Adat Banten Kidul Ciptagelar nu dipupuhuan ku Abah Anom kabagean dina sasih Agustus 2006. Ari di dieu mah, upacara seren taun teh tos kakoncara kamana-mana. Nembe dina sasih September 2006, seren taun bade diayakeun di kasepuhan Citorek.
Saleresna mah upacara seren taun teh digelar oge di wewengkon anu lian, sapertos di kasepuhan adat Sirnaresmi, Cisungsang, Cisitu, Ciptamulya jst, namung duka tah iraha baris dilaksanakeunana.
Disagedengeun upacara seren taun, oge aya sababaraha upacara adat tradisi nu dilakukeun ku masarakat di wewengkon sanesna, sapertos upacara labuh saji di Pelabuhan Ratu,
upacara larung sajen di Ujung Genteng, tradisi kuda kosong di Kota Cianjur, upacara hajat bumi di Batujaya, Karawang, jeung liana deui.
Kusabab bewara ieu masih corengcang (teu acan jentre), ka baraya nu uninga kana agenda budaya adat di taun 2006 ieu, boh waktuna oge wewengkonna, mangga tiasa nambihan/ngalengkepan, oge ngoreksi informasi ieu.
Sawios seuseueurna tiap wewengkon midangkeun acara anu jejerna sami nyaeta upacara seren taun, namung dina prak-prakanana mah aya bentena antawis hiji kampung sareng kampung nu lian. Tangtosna hal ieu nunjukeun yen kabudayan sunda teh beunghar pisan.
Upami acara budaya adat di tatar sunda ieu tiasa dikokolakeun (dikemas) sakumaha kedahna, oge tiasa didamel hiji buku wisata budaya adat tatar sunda - misalna ku Disbudpar Jabar - teras oge dipromosikeun kalawan daria, tinangtos tiasa nambihan kana daya tarik tatar sunda utamina dina widang
pariwisata, nu balukarna tiasa teras mikukuh budaya adat titinggal karuhun - nu seueur pisan "kaarifan lokal" na - oge disagedengeun eta tiasa ngaronjatkeun ekonomi masarakat di eta wewengkon.
Cag,
baktos,
pun hendra
tukangaprakaprakankakabuyutan
Yahoo! Photos
Ring in the New Year with Photo Calendars. Add photos, events, holidays, whatever.
Komunitas Urang Sunda --> http://www.Urang-Sunda.or.id
SPONSORED LINKS
| Corporate culture | Business culture of china | Organizational culture |
| Organizational culture change | Jewish culture |
YAHOO! GROUPS LINKS
- Visit your group "urangsunda" on the web.
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
