kungsi resep nulis rada daria teh basa awal asup sakola ka bandung. harita mah komputer can usum. meredih ka bapa menta mesin tik. maksud teh, paranti nulis tugas kuliah bari rek nulis naon bae, dikirim ka media. harita mah nu ka inget teh nyieun carpon. sugan rada bisa nulungan sorangan dina soal duit. sukses, euweuh nu dimuat hiji2 acan. hehe. pundung meureun, duka euweuh waktu da sakola di senirupa mah nulis teh jarang, seseringna ngagambar.
gede di kampung, ka kantor pos aya lima kilona bari teu aya angkutan umum harita mah, ojeg mah beh dieu. puguh males rek tulas-tulis bari jeung dikirim ka media teh. keur smp kitu, kungsi boga diari. tapi beh dieu diduruk jeung surat2 ti kabogoh basa diputuskeun. ongkoh da diarai teh eusina ku rupa2 tulisan nu sipatna uneg2, kuciwa ku sagala rupa, sakolaan utamana mah. beh dieu, basa lulus sakola, nu kainget gawe teh dumasar karesep nu kungsi nyayang dipikiran. enya nulis. kungsi ngirim lamaran ka majalah berita Tempo. cek rarasaan, sanajan teu pernah nulis daria, pastina aya pelatihan heula-mun katampa. rada pede soteh pedah aya sababaraha urang senior nu gawe di Tempo. jim supangkat, s. prinka, jeung sajabana. beres ngeposkeun lamaran di student center, terus ka Kokesma, rek meuli majalah Tempo minggu ieu nu harga mahasiswa tea. ceuk nu jaga toko teh, Tempo minggu ieu dibredel. bedul. lapur atuh perangko teh euy. heuheuheu. komputer muncul keur sakola rada ahir. diajar di babaturan nu bogaeun, anak jenderal. nulis deui basa sakola s2. usum internet, nulis jadi tambah rajin sajanan ukur e-mail atawa chating. nya kadang2 di pangulinan tulas-tulis oge patali jeung pagawean nu tukang ngawadul di kelas, sanajan teu purun. da asana dosen sorangan di senirupa oge asa teu nyararieun gbpp atawa nu kararitu. apal cangkem we sigana teh. teu inget harita nulis daria dikirim ka media siga baheula. pundung meureun duka can hurung deui. beh dieu, dina umur 35, karek wani nulis bari dikirim ka media. Kompas deuih. munggaran ngirim, langsung dimuat. heuheu. teu pira, nyaritakeun lalakon sakadang korsi (asrip aya di web kuring di handap). eh, ketang asana mah harita teh geus nulis novel munggaran, Louisiana Louisiana, nu satadina mah bahan pikeun diktat. harita ge bari kaget pedah jadi novelis, kungsi mikir, piraku nya saumur-umur nulis novel ngan hiji. meureun kudu terus. nya terus we da ngan ukur modal ngawadul. heuheu. asana, daek kawin oge -salian sababaraha kali dititah/dicarek kolot oge aya berkah hidayah ti pangeran, eta, bales nulis novel Louisiana Louisiana. utamana bab 8. inget keneh. di dinya nyaritakeun dua jelema, si Randi eung Jensen, bule viking, nu diskusi -bari keur marabok- soal kawin jeung teu kawin. sigana eta pikiran teh malik nerekeb ka nu nulis. asup ka alam lelembutan. jadi daek kawin. boga we budak awewe kiriting. heuheu... tapi rumasa tulisan leungeun sorangan mah goreng, daek nulis teh mun make komputer. ari leungeun mah ngan paranti curat-coret ngagambar jeung nanda tangan absen jeung cek. hanjakal cek mah tara. heuheu... mj http://geocities.com/mangjamal Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/