Hehehehehe ........apan ngarah "rame" Kang Yudi. Upami "duka" mah panginten jadi atosan padungdenganana. Pairan kuring diselipkeun dina seratan Kang Yudi.
Kang Yudi Nyerat : > Duh Bah Waluya mah sok handap asor, nyebat duka soteh pedah abdi mah tos > yakin yen Abah tangtos langkung uninga perkawis teu cocogna Islam kana > kapitalisme jenten teu kedah dipanjangkeun, isin abdina. Teras, abdi mah > nyebatkeun Lenin teh sanes satuju sareng komunisme tapi kaleresan we > sami dina hal kritik kana kapitalisme. Analogi abdi mah kieu, abdi moal > ka wetan tapi bade ka kulon; Lenin oge moal ka wetan tapi bade ka kaler > naha tiasa diartikeun kulon= kaler kumargi abdi sareng Lenin sami- sami > henteu ka wetan? :) > WALUYA : Hih .....sanes kuring nyebatkeun Kang Yudi sapagodos sareng Komunismeu, ngan panginten cara ningali Kapitalismeu sami sareng "kacamata"na Tuan Lenin tapi dina waktos anu beda ampir 100 taun. Lenin (+ Marx) hirup dijaman kapitalismue anu liberal pisan. Patarosanana, naha "kacamata" Tuan Lenin masih relevan dianggo kanggo nganalisis "kapitalismeu" jaman ayeuna? Kang Yudi Nyerat: > Perkawis seratan nu di forward ti Media Indonesia, pamendak abdi mah > sanes argumen lengkep pikeun nyimpulkeun yen Islam teh pro kapitalis. > Alesan kahiji, eta tulisan mung ngabahas hiji pilar dasar kapitalisme, > nyaeta pasar bebas. Sapertos diposting kamari, kritik nu pangkuatna kana > kapitalis teh sanes wungkul dina tataran teknis sapertos ieu, tapi > langkung jero kana asumsi2 dasarna. Kaduana, nu dibahas dina seratan eta > teh peran nagara dina ngamakmurkeun rahayatna (tataran makro), padahal > nu dibahas ti kamari pan nembe dina tataran individu nayeta kumaha sikep > urang nyinghareupan kapitalisme. Institusi nagara memang ti kamari oge > teu acan kasabit2. Ku kituna seratan eta teh rada mayunan bahasan urang, > janten asa rada luncat-luncat ieu teh diskusina. > WALUYA : Maksad si kuring forward eta teh, pedah we eusina aya kapitalis2 kitu. Dina Artikel eta oge ditunjukkeun kumaha tokoh- tokoh intelektual Islam di Idnonesia ti kapungkur dugi ka ayeuna langkung "caket" kana sosialismeu. Teu aneh saleresna mah, sabab di nagara-nagara Timur Tengah oge, faham sosialismeu ieu nu paling dipikaresep. Partai Baht, parteyna Saddam Husein, jeung ayeuna nu kawasa di Suriah, fahamna faham sosialismeu. Di jaman "perang dingin" nagara-nagara Arab langkung caket ka nagara sosialis tinimbang ka nagara Kapitalis, jiga ka Uni Soviet. Tokoh intelektual acan tangtu sami kahayangna jeung balarea. Sosialismeu ekstrim jiga komunis malah jadi musuh urang Islam. Ajaran Marx "ngaharamkeun agama" salah sahiji alesanana, tapi aya oge sisi nu leuwih jero kunaon urang Islam Indonesia ngewaeun pisan ka Komunis. Ceuk kuring mah balik deui kana masalah ekonomi bin kahirupan. Saperti kantos disebutkeun, urang Islam tradisional (tokohna) umumna padagang/sodagar, beunghar, haji jeung taneuhna lalega pisan. Hal ieu geus tangtu teu cocog jeung komunis, nu nganggap "haram" dina numpuk harta teh. Urang Islam Tradisional dianggap "kapitalis" ku urang Komunis mah. Hal ieu nu akhirna nyababkeun "akar rumput" Islam Tradisional nu paling sumanget dina ngaganyang PKI pasca G30S/PKI. Ceuk cenah, waktu memeh G30S/PKI, anggota BTI nu anggotana lolobana patani miskin atawa buruh tani, loba ngancam kanu baleunghar ieu: lamun PKI meunang, tanahna rek dibagikeun. Puguh we atuh ngambek,meunang usaha hese cape, malah rek sangeunahna dibagikeun. Kang Yudi Nyerat: > Tapi teu nanaon, kumargi tos disuat2 sadaya isme2na, sakantenan we > atuhlah dirangkum waleranna. WALUYA : Ke pamendak si kuring mah dina subyek nu sanes, bilih panjang teuing nulisna ...hehehehe. Baktos, WALUYA Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
