Poe Jumaah tanggal 3 Peb 2006 pabeubeurang sanggeus jumaahan, kuring ngingkig ka Kantor Kalurahan, lantaran lima poe samemehna kurang meunang ondangan sangkan hadir ka kalurahan, dina ondangan teh teu pati eces naha rek naon, sangkaan teh rek rapat we pedah kuring teh kapan Ketua RT, ngan aya nu rada aneh dina ondangan teh nyaeta kudu mawa stempel/ cap RT sewang-sewangan.
Datang ka Kalurahan teh 10 menit samemeh waktuna anu ditangtukeun, tidituna mah rek rada disiplin waktu, datang tepat waktu, kahayang mah balik ge tepat waktu tong ngayayay. Enya we di kantor Kalurahan teh geus ngagimbung loba jalma, sigana para Ketua RT ti sejen RW da euweuh nu apal saurang ge, kuring nyolongkrong ka anu aya didinya ngajak sasalaman bari sakalian nanya."Tos ngawitan rapatna.?". Dijawab teh.." Ah da teu aya rapat..eta we dipiwarang nawis..!" bari dituduhkeun kana meja nu aya petugasna. Atuh kuring ge ngadeukeutan kana meja nu ngabarak kertas, didinya aya patugas duaan nu saurang awewe nu saurang deui lalaki, duanana make saragem PNS. Geuning kuring dititah nandatangan dina blanko isian anu geus disadiakeun, eta tandatangan teh sabage bukti yen kuring geus narima duit anu gedena lima puluh rebu rupia, disagigireun tandatangan kudu bari di-cap RT, bari golosor kuring dibere duit lima puluh rebu rupia. Kuring tatanya ieu teh artos naon, ceuk patugas eta teh artos bantuan administrasi RT satauneun. Alhamdulillah geuning pamarentah teh aya kaingetan ka RT, lain ngan diarah gawena wungkul, sakitu ge geus sukur pisan, kuring teu ningali nominalna, tapi kaingetanana, perhatianana. Sanggeus beres nandatangan jeung nge-cap mah kuring terus balik deui, nepi ka poe ieu eta duit teh aya keneh di kuring can kaburu disetor ka bendahara RT, ditengah jalan balik teh kuring pasarandog jeung ketua RT sejen, nyebutkeun eta duit teh cenah gajih Ketua RT satauneun, puguh we kuring jadi rada kerung .he he.gajih Ketua RT..?, enyalah rek gajih rek bantuan administrasi ah.kuring mah geus niat rek dibikeun ka bendahara RT keur kaperluan administrasi RT. Sigana kuring jadi Ketua RT teh keuna ku kutukan meureun, pedah dina ieu milis kungsi aya nu nulis majarkeun Urang Sunda mah tong boro jadi ketua Partai jadi ketua RT ge tara aya nu daek cenah, matakna waktu aya tawaran jadi Ketua RT teh langsung daek we da hayang ningalikeun yeuh kuring urang Sunda daek jadi Ketua RT. MSasmita. [Non-text portions of this message have been removed] Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
