Punten kasadaya para wargi aya lereskeuneun....., saparantos ditaroskeun ka pihak National Museum of Korea, tetela eta pameran teh dingawitan ti kaping 28 Oktober 2005 dugika sasih Oktober 2007. Sakali deui punten... ssw Siddik Wiradireja [EMAIL PROTECTED] Para wargi, ngawitan ping 28 Oktober 2005 dugi ka 27 Februari 2006 kamari di Seoul parantos diayakeun pameran barang-barang sajarah sareng budaya, di National Museum of Korea anu teu acan lami diresmikeun. Eta pameran hasil gawe rereongan antara National Museum of Korea sareng Museum Nasional Indonesia, barang-barang anu dipamerkeun lumayan kasebat euyeub, tingawitan kampak batu anu kapendak di Tangerang, Cilebud sareng Cigombong, Bogor, teras geulang batu anu kapendak di Majalengka sareng Ciamis, barang-barang hiasan tina emas sareng parungu, patung-patung Budha sareng patung-patung para Dewa Hindu anu didamel ti ngawitan batu dugi ka emas, barang sanesna sapertos rupi-rupi keris, rupi-rupi batik, sareng wayang panji, barang-barang eta dipajang dihiji rohangan ukuran 15 X 20 m. Pameran sapertos kitu nembe munggaran diayakeun ku National Museum of Korea, kanggo barang-barang budaya/sajarah bangsa luar. Asal daerah eta barang anu dipamerkeun ti ngawitan Banten, Jawa-Barat, Jawa tengah, Jawa Timur dugika Nusatenggara wetan. Tema tina eta pameran "ART OF INDONESIA", malih mah dikaluarkeun oge bukuna nganggo judul anu sami. Dinten kamari 27 Februari 2006 pameran ditutup kuresepsi ondangan Dubes RI, anu dideugdeug ku sababaraha Dubes nagara sahabat sareng ondangan sanesna di Great Hall, National Museum of Korea, kalayan dipirig ku.......degung (tina kaset). Tosss... ahhhh .. sakitu wae..(ieu mah teu ngacaprukkkkkk......) Pihatur ssw
[Non-text portions of this message have been removed] Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
