Hatur nuhun kana perhatosan seratan kang Iskandar
perkawis DI anu dipostingkeun ku sim kuring. Hapunten
Leuir (=telat) ngawaleranana.. Saleresna mah di bagian
pengker seratan Darul Islam Selayang Pandang, aya
daftar pustaka dimana aya buku-buku anu janten acuan
makalah.
Diantawisna anu tos medar sareng sayagi di toko-toko
nyaeta buku anu diterbitkeun ku Pustaka Grafiti (grup
tempo) Darul Islam: Sebuah Pemberontakan (1983) anu
diserat ku E Van Dijk, sareng bukuna Karl D. Jackson
Kewibawaan Tradisional, Islam dan Pemberontakan:
Kasus Darul Islam Jawa Barat, terbitan 1993. Aya oge
buku anu diterbitkeun ku Pustaka Sinar Harapan (1995),
Darul Islam dan Kartosuwirjo: Angan-angan yang Gagal
seratan Holk D. Dengel.
Buku-buku sanesna anu diserat ku penulis
Indonesia,nyaeta seratan Al Chaidir, Pengantar
Pemikiran Politik Proklamator Negara Islam Indonesia
SM Kartosuwirjo (Darul Falah, 1999) sareng seratan
Mohammad Iskandar Para Pengemban Amanah: Pergulatan
Pemikiran Kiai dan Ulama di Jawa Barat 1900 1950
(terbitan Mata Bangsa Yogyakarta, 2001).
Aya catetan sareng opini ti simkuring sakedik. Upami
nengetan tahun terbitna eta buku, asana teh aya
pakaitna sareng kaayaan situasi perpolitikan di
Indonesia, sareng trikti penerbit anu ningali tren
situasi pasaran buku. Saleresna buku-buku anu diserat
ku penulis asing teh tos lami diserat, tapi naha
diterbitkeun ku penerbit majalah Tempo sareng penerbit
koran Sinar Harapan dina dekade 80 90 an? Tahun
80-90 an situasi politik di Indonesia, nuju jenuh ku
dominasi ideologi politikna Orde baru. Tahun harita
teh para ulama/cendekiawan Islam dina ceramah di
masigit sareng di lingkungan kampus rame medarkeun
perkawis politik Islam, margi akhir tahun 1970 an,
pamarentahan Syah Iran ditumbangkeun ku Revolusi
Islam Iran anu dimotoran ku Ayatullah Rohullah
Khomaeni., anu ku pers Barat katelah Islam
Fundamentalis. Ti kawit harita siga aya demam ka
sakuliah dunya kanggo neuleuman ajaran Islam. Harita
oge kuring sareng babaturan angkag-ingkig mirengkeun
ceramah Islam fundamentalis ieu. Malihan mah sok
sering amengan ka Kedubes Iran sagala. Rerencangan
kuring saangkatan di UI mah dugi ka janten panganut
Syiah sagala. Sigana situasi sareng tren siga keiu
dimangpaatkeun ku penebit medarkeun buku perkawis DI,
hiji model daulah Islam has Indonesia. Taun-taun
harita mah, tiasa dianggap paguron luhur umum, janten
hiji pusat nyuburkeun kasadaran pikeun
mahasiswa/intelektual mikapaham ajaran Islam. Di UI
aya model pasantren kilat ISTI (Integrasi Studi
Tentang Islam), anu diayakeun ku senat-senat
mahasiswa (motorna teh Senat Mahasiswa Fakultas
Ekonomi, teras nular ka Fakultas Kedokteran, MIPA
sareng fakultas sanesna di UI). Di Bandung aya pusatna
masigit Salman ITB anu sok biasa ngayakeun LMD
(Latihan Mujahid Dawah) anu dimotoran ku Bang Imad
(Dr.Imanudin) Mama Manar (kang Oman) panginten tiasa
langkung paos medarkeun perkawis ieu.
Ahir taun 1990 an dugi ka ayeuna tren pemikiran
Islam ngalih ka paguron luhur kaislaman (IAIN) sareng
pasantren. Produkna diantawisna nyaeta Islam Liberal
(ISLIB), sareng sacara perorangan nyusup ka
lembaga/institusi sapertos kelompokna Lia eden
Aminudin. Kaaktifan di IAIN ieu teh, dipicu ku
konsep anu didadarkeun ku Dr. Harun Nasution, anu
kapungkur kantos janten Rektor IAIN (UIN) Jakarta.
Konsep pamikiranana, saleresna tos diemutkeun ku
(alm) Prof.Dr. H.M Rasyidi, bakal pibahayaeun. Tapi
harita (taun 1970 an) teu patos diperhatoskeun, ku
para pamikir Islam. Nembe taun 1990 an, hasil
pamikiran Dr. Harun Nasution aya hasilna. Di
sababaraha paguron Islam, aya pamkiran ngahujat
ayat-ayat al quran, pada dosenna, nyaluyuan nikah
benten agama, aya anu nganjurkeun nikah ka sasama
jenis, ssjb. Pami teu lepat mah, aya buku anu enggal
terbit (hilap deui nami buku sareng pangarangna), anu
gadadarkeun fenomena aliran pemikiran/konsep anu
aneh di lingkungan paguron Islam.
NII Al Zaitun , saleresna mah tos janten pangawasan
ku pihak berwajib. Gerak-gerikna teras dipantau. Aya
informasi anu tiasa diandelkeun, SBY nyalira tos
kenging laporan anu lengkap ketakna pasantren Al
Zaitun. Tapi teu acan aya tindakan naon-naon, sigana
wae pamarenah masih disibukkeun ku urusan terorisme,
anu aya pakaitna sareng nagara batur sareng citra
anu tiasa janten komoditi.
baktos,
mrachmatrawyani
--- kuncen kasep <[EMAIL PROTECTED]> wrote:
> Sampurasun
>
> Kang manawi teu ka'abotan abdi tiasa nyunkeun
> sejarah ngeunaan DI- Pak Karto Suwiryo, abdi hoyong
> terang carios atanapi sejarah anu aya sangkut pautna
> sejarah tatar sunda waktos DI- TII (Karto Suwiryo)
> di Tatar Sunda
>
> Hatur nuhun
>
> Ki Kuncen/Sumedang
>
>
> ---------------------------------
> Talk is cheap. Use Yahoo! Messenger to make
> PC-to-Phone calls. Great rates starting at
1¢/min.
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
Komunitas Urang Sunda --> http://www.Urang-Sunda.or.id
YAHOO! GROUPS LINKS
- Visit your group "urangsunda" on the web.
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.