Kieu meureun dongengna teh. Hal ieu aya patalina jeung dongeng ejaan akasara nu pernah dipake di lembur urang. Cenah ceuk nu leukeun nyatetkeun, ejaan diurang teh geus ngaliwatan opat kali amandemen:
1. 1901, ejaan Van Ophuijsen
2. 1947, ejaan Soewandi (ejaan Republik)
3. 1959, ejaan Melindo
4. 1972, ejaan Bahasa Indonesia Yang Disempurnakan (EYD)
Ejaan Van Ophuijsen, salah sahiji cirina, aksara 'oe', 'dj, jeung 'tj' dipake keur nulis kecap 'oeniversitas', 'padjadajaran', jeung 'tjendol'. Waktu ejaan Soewandi mimiti ngalakaon, aksara 'oe' dirobah jadi 'u', nu lain mah teu ditoel-toel. Ari ejaan Melindo karuron harita teh, ukur nepi ka gagasan, teu kungsi lahir, teu kungsi diresmikeun, cenah mah kulantaran aya konflik Indonesia jeung Malaysia. Tah tutup lalakon Soewandi, diganti ku EYD. Dina EYD salah sahiji cirina, aksara ganda 'dj' jeung 'tj' masing-masing diganti ku 'j' jeung 'c'.
Ceuk cenah UNPAD resmina ngadeg mimiti 14 Agustus 1956, ieu teh numutkeun beja ti situs resmi UNPAD.
Kulantaran kitu, kaharti ayeuna mah, kunaon ditulisna 'Universitas Padjadjaran' lain 'Oeniversitas Padjadjaran', sabab lahirna jaman Soewandi ngalalakon. Cacak lamun jaman beh dieu mah pastina oge bakal ditulis 'Universitas Pajajaran'.
salam,
mh
=====
Situs: http://www.urang-sunda.or.id/
[Pupuh17, Wawacan, Roesdi Misnem, Al-Quran, Koropak]
How low will we go? Check out Yahoo! Messengers low PC-to-Phone call rates.
Komunitas Urang Sunda --> http://www.Urang-Sunda.or.id
YAHOO! GROUPS LINKS
- Visit your group "urangsunda" on the web.
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
