Dear,
janten inget kana waktu keur SMA keneh,.. bolos
sakola terus kalahka naek ka gunung salak.. hanjakal kamari teu bisa ngiring...
padahal hoyong pisan,.. Naek deui
Wassalam
HrD PT Rals. Tbk.
" Jagalah lidahmu, daripadanya segala malapetaka tercipta "
----- Original Message -----
Sent: Monday, May 29, 2006 3:44 PM
Subject: [Urang Sunda] JAJAKA PETUALANG
naek Gunung Gede
Baraya, ieu laporan "unofficial" lalampahan naek Gunung Gede
baraya KUSNET. Sakumaha anu dibewarakeun ku kang Runa, rehna dina poe
jumaah ping 26 Mei 2006, baraya kusnet boga acara nyaeta naek Gunung
Gede.Foto-fotona aya di kang Amin jeung kang Yugi.
Lumayan anu
terdaftar teh aya 20 urang. ngan hanjakal, dina poe pelaksanaanana, tilu urang
teu jadi. aya wagelan saurna mah. atuh anu jadi teh ngan 17 urang. ari nu 17
urang eta oge ka bagi dua kelompok. kelompok ka hiji 11 urang naek nepi ka
puncak, kelompok ka dua 6 urang teu ka puncak, ngan saukur tepi ka Curug.
Kuring indit ti imah poe jumaah jam 9, padahal jangji kumpul di
Cibodas teh jam 3 sore. ngahaja indit isuk-isuk meh kaburu jumaahan di
cipanas. ari indit ti imah geus jumaahan teh bisi samporet teuing waktuna.
komo deui ieu libur panjang, ceuk taksiran kuring, di puncak pasti macet,
sahanteuna diterapkeun sistem buka tutup. Ti imah ka rambutan, ti rambutan
naek beus jurusan bandung anu ngaliwatan Cianjur.
Tepi ka Cipanas
kira-kira jam 11.30, pas pisan waktuna jumaahan. sanggeus nanyakeun ka urang
dinya dimana lebah masigit, kuring ngajugjug ka masigit tea. Beres solat
jumat, breg teh hujan, lumayan gede. atuh kuring teu bisa kebat ka cibodas,
kapaksa nungguan hujan raat di masigit. malahan mah bisa sare sakerejep.
kira-kira jam 1.30 kuring indit ti masigit, nyimpang heula ka warung
ngadon dahar. kabeneran warung teh kadaharanna menu sunda. Sangu haneut, make
urab ditambahan gepuk dipurulukan ku goreng bawang. edas ku ni'mat, keur mah
diluar hujan deuih. sanggeus dahar, enya ge hujan keneh, kuring tetep indit.
ti parapatan cipanas ka cibodas naek angkot.
Saanjogna ka
cibodas, kuring nungguan Runa di palataran parkir mandalawangi. Aya
barudak Trisakti meuni sa treuk gede, aya 50 urang mah leuwih. maranehna oge
sarua rek naraek siganamah. Bari diuk deukeuteun pos jaga, iseng kuring SMS ka
Runa, nanyakeun posisina bari ngabejaan kuring geus anjog, didieu loba barudak
Trisakti. ceuk manehna keur dijalan cenah, ditambahan, sok geura milih nu
harerang dua mah :). kuring mesem bari ngabales, puguh ieu oge keur
ngeker-ngeker, : D.Barudak Trisakti teh teu saeutik awewena. sapertilu namah
aya lah. nu herang oge aya :).
Sanggeus sababaraha lila nungguan,
ahirna Runa datang jeung kang Amin. Duaan wae, kuring nanyakeun ari nu lianna
mana ? cenah aya tilu kelompok deui, kelompok kang Yugi duaan, kelompok kang
Feri genepan, jeung kelompok kang edi genepan. sanggeus kulang koling ka tiap
kelompok, teu lila datang kelompok kang Feri kana mobil espass. aya genepan,
Feri, Anto, Ria, Yosi, Melinda, jeung Rosita. lalakina duaan awewena opatan,
amoy kabeh :). teu kungsi lila datang kang Yugi jeung baturna saurang. anu
ditungguan teh nyaeta kelompokna kang edi. ngan ceuk manehna, indit ti jakarta
na jam 6 sore, pidatangeun teh jam 9. wah peuting teuing atuh, mun ditungguan
mah. ahirna sanggeus sakabehna satuju, 11 urang anu rek "menuju puncak", indit
tiheula.
Indit teh jam 7 leuwih, peuting sanggeus solat magrib anu di
hijikeun jeung isa. sabenerna, dina surat idin naek, rombongan teh meunang
idina tanggal 27 poe sabtu. Sabab rek maksa naek poe jumaah, atuh di pos
pamariksaan teh kudu rada "bersilat lidah" heula sangkan diidinan naek harita.
anu ahirna diidinan oge. lalampahan naek teh ngarayap, soalna mawa awewe
saopat-opat. atuh leumpang teh teu bisa kebat. keur mah hujan deuih harita
teh. waktu 6 jam teh ngan bisa nepi ka curug cai panas. didinya manggih tempat
rada lega jang masang tenda, antukna "nge-camp" heula di dinya. tenda teh mawa
tilu, Feri mawa dua, Runa mawa hiji, tenda doom kabeh. Pedah meureun jarang
masang tenda, atuh rada ugal-ugil masang tenda dua oge. sanggeus tenda beres,
tas diberesan di jero, acara selanjutnyah makan, enya oge dahar mie instan.
tapi didukung ku situasi anu tiris (pisan) dahar mi instan oge meni
ni'mat karasana. nginumna cai kopi ditambah jahe, lumayan beuteung teh
kahaneutan. beres ngeusian beuteung, barudak awewe sina reureuh tiheula,
karunya oge mucicid katirisan keur mah kahujanan sajajalan. Mangkaning ieu teh
"Pengalaman Pertama" naek gunung. Uyuhan sakitu ge, euwueh nu menta balik deui
he..he..he..
Rencana na mah hayang bisa ninggali "Sun Rise" di puncak.
tapi ahirna teu jadi, milih reureuh heula, lalampahan diteruskeun isukan wae
geus caang. sakalian meh barudak meunang cukup waktu pikeun reureuh. wanci
carangcan tihang barudak geus harudang. ngan masih keneh males-malesan.
kuring ngan sare sakerejep, hese reup kajeun dipeureum-peureum oge, edas
ku tiis hawa teh. Runa mah komo teu asup-asup acan ka tenda, kalah diuk diluar
nyanghareupan kompor parafin, bari nyuruput kopi jahe. Sabab teu kuat ku tiris
bari jeung teu bisa sare, ahirna kuring kaluar terus gabung jeung runa,
nyanghareupan kompor parafin bari nyuruput kopi jahe. lumayan rada kahaneutan.
hiji dua jelema anu rek naek ngaliwat, "misi bang" cenah. "you" kuring
nembalan. resepna lamun naek gunung teh kitu, mun panggih jeung saha wae,
pasti someah. duka meureun perbawana kitu, najan ngan saukur papaliwat, tapi
"penuh rasa persaudaraan".
Tenda di bongkar jam 6 leuwih. sanggeus
kabeh tarapti, lalampahan diteruskeun deui. tilu jam lalampahan saanjogna ka
kandang badak teh. ditengah jalan manggihan curug leutik anu endah. atuh
barudak teh poto-poto heula didinya. Di kandang badak, anu rencanana rek
reureuh heula, teu jadi, sabab tempatna pinuh ku barudak Trisakti. atuh
ahirnamah terus naek, najan reureuh oge ngan sakeudeung. tilu jam deui leuwih
dibutuhkeun pikeun nepi ka puncak. panon poe isuk-isuk anu nyorot tina sela
dangdaunan nambahan endahna alam anu sajajalan kalaliwatan. najan jalan anu
disorang nanjak pisan. teu pati karasa da kaupahan ku endahna alam. barudak
amoy teh gede pisan sumangetna. najan sakeudeung-sakeudeung reureuh,
sakeudeung-sakeudeung reureuh, tapi teu "mengeluh", estu sabar jeung ulet. anu
pang boyotna teh yosi, amoy rada gendut tapi campernik, urang surabaya.
siganamah teu biasa nanjak, atuh mapay jalan anu nanjak pisan teh meni
salengkah-salengkah. pas kukuring ditanya, sok olah raga tara? tara cenah.
euh... pantes. tapi salut, najan enya salengkah-salengkah, tapi anjog oge ka
puncak.
Nepi ka puncak teh kira-kira jam 12-an lah. di puncak reureuh
heula rada lila. tina sabelas urang teh, ampir satengahna, anu karek harita
naek gunung. diantarana budak amoy nu opat, anto, jeung baturna kang yugi.
atuh nepi ka puncak teh ting galoler, carapeun. anu kudunamah menikmati
keindahan alam, ieu mah kalahka ngajaloprak. anu kaitung rada kuat teh rosita,
manehna sempet jalan-jalan heula. Ria, amoy gendut tapi herang, anu kaitung
kuat pas nanjak tadi, saanjogna ka puncak ngagoler, capeun. Melinda "si manis
berkacamata" oge sarua, malah budak ieu mah teu mawa jeket anu kandel, anu
dibawa teh sweater biasa, jas hujan oge teu mawa, karunya katiisan. keurmah
basa peuting kahujanan, untung kuring mawa jas hujan leuwih, nya bisa dipake
ku manehna. Ari Yosi mah geus puguh, sajajalan oge ngarayap. Anto sare,
baturna kang Yugi oge sarua. Feri ngagoler, kuring nyangsaya bari nanghunjar.
walah lumayan euy, he..he..he...
Runa sempet masak heula, mi instan
campur sozis. lumayan keur ngeusian beuteung. dahar ngariung balakecrakan,
najan kaambeu bau hitut ti kawah, keukeuh wae ni'mat, da cape tea.
Sanggeus ngarasa cukup "menikmati keindahan dunia antah berantah",
sabab teu bisa ninggali ka handap, kabeneran di handap katutupan ku halimun,
jadi nu katingali teh ngan daerah puncak wae wungkul. jadi siga di dunia lain.
he..he...he..rombongan turun make jalur gunung putri. ti puncak turun ka
alun-alun suryakencana. di suryakencana, ngareureuh deui bari "memanjakan
mata" ku kaendahan alam didinya. tegal anu lega pisan memanjang ti kidul ka
kaler, di kenca katuhu di apit ku "dinding alam", di sisina ngabaris
tangkal kembang edelweiss. kuring sempet ngala kembang edelweiss, terus
dibagikeun ka barudak. lumayan jang souvenir.
Harita teh boga dua
pilihan, rek turun harita, atawa meuting heula di suryakencana, isuk-isuk
neruskeun lalampahan turun. Anu kapilih teh opsi ka dua, neruskeun turun
harita. jam lima rombongan beberes terus neruskeun deui lalampahan. pas kaluar
ti tegal suryakencana, panggih jeung tukang nasi uduk. edas ieu jelema ti
handap ka luhur mawa nasi uduk, dijual di puncak. teu cape kang? aya nu naya.
Ah tos biasa abdimah, nya biasa wae, cenah. malah anu matak kagetmah, barudak
leutik, taksiran umur 9 atawa 10 taun, ngulampreng dipuncak jeung alun-alun
suryakencana bari dagang roti. hebat budak teh, leutik-leutik geus biasa naek
gunung.
lalampahan turun sarua "endahna". pas geus dahar nasi
uduk, terus ngalengkah neruskeun lampah, breg teh hujan gede pisan. mangkaning
harita wanci sareupna. medan anu ditempuh, jalan taneuh jeung akar-akar
tatangkalan. jalan taneuh kabanjur cai hujan atuh puguh leueur. sababaraha
kali Feri tisorodot labuh. keurmah barudak carapeeun, katurug-turug kahujanan,
hawa tiis pisan, beuteung menta dieusian. wah lengkap lah pokonyah. mun
mentalna teu kuat mah, barudak teh mopo siganamah. untung we barudak teh
sumangetna garede. enya ge ngarayap, tetep maju terus pantang mundur.
rombongan kungsi nyasab, untungna teu jauh teuing ti jalur anu bener.
sanggeus lalampahan kurang leuwih tujuh jam, leumpang di tengah hujan, bari
peuting, ahirna rombongan anjog ka pos pemeriksaan. harita teh wanci janari,
nu jaga pos geus sarare, atuh teu bisa kebat ka tempat angkot, da kudu lapor
heula ka pos jaga. nya ahirna nungguan heula petugas tea harudang. barudak teh
ngajaloprak, cape, tiris (kacida), lapar, tunduh, lengkep euweuh nu kurang
he..he..he...kuring jeung runa nyieun cikopi. lumayan ngahaneutan beuteung,
barudak diharudangkeun heula sakeudeung sina ngarinum cai haneut. wanci subuh,
Feri saparakanca mulang tiheula, teu lila Yugi oge mulang. terahir kuring
tiluan jeung kang Amin, Runa. nungguan petugas hudang.
Petugas teh
hudang jam 6 leuwih, sanggeus laporan yen rombongan salamet bari nyerahkeun
surat idin, kuring tiluan niggalkeun pos ngajugjug ka jalan. memeh naek
angkot, sarapan heula bubur hayam. sanggeus sarapan, terus turun ka cipanas
naek ojeg. ti cipanas ka jakarta kana beus bandung jakarta anu kabeneran
ngaliwat. jam 11 beurang poe Minggu kuring anjog oge ka imah.
Komunitas Urang Sunda --> http://www.Urang-Sunda.or.id
SPONSORED LINKS
YAHOO! GROUPS LINKS
|