Re: Balasan: Re: [Urang Sunda] Re: Bandung harusnya mendapat Piala

Mon, 29 May 2006 20:32:23 -0700

Perkawis misahkeun runtah mana anu bahan pupuk organik  sareng mana anu sanesna, saena dipidamel ku ahlina; sanes ku warga anu miceun runtah. Ahli misahkeun runtah anu tos propesional nyaeta "tukang mulung", namung aranjeunna kedah diangkat janten padamel Pemda. Ditugaskeun nyebar kasakuliah daerah kota/ zona sewang-sewangan. Tugasna nyandakan runtah ti warga-warga, teras dipisahkeun/ disortir janten dua kumpulan runtah: 1. runtah baseuh (gampil buruk), kadituna pikeun bahan gemuk/pupuk organik. 2. Runtah garing sarupaning: kertas, plastik, botol, logam, sareng anu sanesna; kadituna janten bahan baku pausahaan daur ulang.Padamel runtah tadi didamelna di TPS masing-masing zona, di dinya Pemda kedah nyayogikeun 2 wadah runtah ageung, nyaeta kanggo runtah baseuh, sareng runtah garing. Truk/lori2 nyandakan runtah baseuh ti TPS, dikintunkeun ka TPA atanapi ka pabrik pengolahan pupuk organik. Upami Pabrik pupuk organik suasta, Pemda mung ngurus padamel anu asalna tukang mulung, gajihna tiasa ditambihan tina hasil runtah garing, sareng ngangkut runtah baseuh ka TPA. Runtah garing dicandakan ku pausahaan daur ulang, bari mayar ka Pemda ladang runtah garing tea. Kucara ieu seueur pihak anu diuntungkeun, panganguran tiasa dikirangan (tukang mulung janten padamel Pemda) Pabrik pupuk organi sareng daur ulang dibantos kuayana runtah garing anu tos disortir. Ieu cara dina ekonomi disebatna nyipatakeun "multiplier effect". atanapi nyiptakeun lowongan padamelan anu kadituna tiasa ngirangan pengangguran. Mangga cobian. 

oman abdurahman <[EMAIL PROTECTED]> wrote:
Upama aya karancagean sadayana, satemena rumus mayar runtah teh tiasa dirarancang siga kieu:
 
BL  = W - cR.
BL  = Bayar listrik (Rupiah) 
W   = daya listrik kapake sakumaha anu kacatet dina meteran (watt)
R    = biaya mayar runtah sabanding volume runtah ti hiji imah jero sabulan (Rp)
c    = rasio kamapuh misahkeun runtah organik tina runtah anorganik di eta imah
         c = 1 angka maksimum : lamun eta imah teu mampuh/bisaeun misahkeun runtah 
         organik  vs  anorganik         
         tambah mampuh hiji imah misahkeun runtah organik tina runtah an organik, angka
         satukangeun koma dina c beuki ngaleutikan
 
Kumaha sangkan ieu rumus kaudag? kudu aya gawe bareng antara dinas kebersihan (pd kebersihan) jeung PLN. Kumaha sangkan gawe bareng teh kahontal? nya pimpinan pamarentah kota atawa daerah anu kudu ngahucuhkeun.
 
Kumaha usaha pikeun rumah tangga bisa ngahontal c anu leutik kacida? atawa sangkan runtah organik geus misah tina runtah an organik ti mimiti di tiap imah keneh? Nya di dieu perluna pancen pamarentah jeung satiap komponen masyarakat (lsm2 jst) pikeun ngayakaeun pendidikan lingkungan.
 
Upama runtah geus misah ti mimiti di unggal rumah tangga keneh nya mokaha, cita-cita nyieun gemuk anu nya alus nya murah keur ngaornjatkeun tatanen, patani jeung lingkungan tatanen teh leuwih gampang ngahontalna.
 
Kang Dede Mariana, leres....anu penting diheulakeun teh pendidikan tea. Ngan, kumaha nya sangkan anu "kawasa" engeuh kana hal ieu?
 
baktos,
manAR
 

 
On 5/29/06, Emod Morales <[EMAIL PROTECTED]> wrote:
Rumus Daya listrik ( Watt )
W = V x I
 
Nyaeta :
W = Daya listrik (Watt)
V = Voltase (Volt)
I  = Arus listrik (Ampere)
 
Rumus mayar runtah di Bandung
W = V ( I + R )
 
Nyeata :
 
W = Daya listrik (Watt)
V = Voltase (Volt)
I  = Arus listrik (Ampere)
R = Runtah
 
Kulantaran gedena Daya listrik gumantung kana Arus listrik anu ngaliwat, jadi ( I + R ) R = Runtah.
 
Jang Emod


sora hate <[EMAIL PROTECTED]> menulis:
Kumaha yeuh pemkot bandung?
Di bandung mah iuran sampah teh dua kali ditarik.
1. Ditarik di tiap RT
2. Ditarik bareng mayar rekening listrik, anu leutik/gedena kumaha daya terpasang, jeung sigana mah ngan bandung hungkul nu kieu teh.
 
Runtah mah tetep teu kaurus, alesanna mah bandung teh kota rame nu loba pendudukna, enya sih, tapi kan nu kitu teh lain bandung bae!
Enya sih masalah runtah adalah tanggung jawab balarea, tapi masyarakat mah kalah kumaha oge kumaha kebijakan nu ngurusna.
Pandanganna ngurus runtah mah sigana teh gengsi jeung rarujit, teu matak jadi duit.
KUMAHA REK BENER NGURUS JELEMA, NGURUS RUNTAH WAE TEU BECUS.
 


ika mardiah <[EMAIL PROTECTED]> wrote:
Leres, perkawis ngolah runtah parantos didugikeun ka Pemkot, oge saur Kang Oman mah kantos ka BPLHD Jabar. Runtah diolah janten pupuk organik. Janten teu kedah TPA anu ageung, da eta mah saukur miceun wungkul. Iraha wae oge ari ukur miceun wungkul mah angger kedah milarian lahan. Lami-lami seep atuh lahan sa Pulau Jawa.
Proposal ngolah runtah parantos aya ti Kang Oman nu parantos dicobi ku Bah Idrus (Subang) parantos janten pupuk sareng tos aya hasilna. Mung nya kitu tea gening Pemkot hare-hare.
Insya Allah bade dicobi di Bapeda ngabahas proposal eta. Sugan atuh janten eling, hehehe.....Bari Pemkot milarian TPA, oge kedah dibantuan ku ngolah di TPS.
Salaku warga Kota Bandung mah, keur kuring mah nya salian ngolah runtah di imah, oge kampanye ka rerencangan nu caket supaya ngolah runtah di imah masing-masing. Misahkeun runtah organik jeung an-organik. Lumayan, teu riweuh teuing.
 
Baktos,
ika

MRachmat Rawyani <[EMAIL PROTECTED]> wrote:
Watekna rahayat mah kumaha cek nu di "luhur". Komo
deui di masyarakat anu masih kentel "paternalis"na.
"kawajiban" pamarentah ngurus kabutuhan wargana jeung
ngayakeun kampanye sadar lingkungan. Biasana mun ti
"luhur" aya tekad, rahayat oge pasti daekeun
'berpartisipasi'. Nu matak didieu pentingna milih
pamingpin anu "berkualitas", heunteu "asal-asalan'.


baktos,

mrachmarawyani


--- Dudi Herlianto <[EMAIL PROTECTED]> wrote:

> ari rakyat bandungna geus sadar runtah kitu? sadar
> yen runtah teh
> sareukseuk, bau? aduh punten yeuh si kuring lain
> birokrat, tapi asana teh ti
> kamari nu disalahkeun ukur pamarentah. ari rahayat
> bandung hususna, geus
> ngalakukeun naon pikeun ieu masalah runtah? ukur
> ngademo lamun deukeut
> lemburna rek dibangun tpa? kamari mj pernah ngaguar
> yen cenah pihak kampus
> pernah mere solusi terus dihare-harekeun ku
> pamarentah. solusi nu kumaha?
> sok ah guar urang bandung.
> punten


__________________________________________________
Do You Yahoo!?
Tired of spam?  Yahoo! Mail has the best spam protection around
http://mail.yahoo.com

Blab-away for as little as 1¢/min. Make PC-to-Phone Calls using Yahoo! Messenger with Voice.

Blab-away for as little as 1¢/min. Make PC-to-Phone Calls using Yahoo! Messenger with Voice.



 
 
CapRock Communications
[EMAIL PROTECTED]
www.caprock.com
Apakah Anda Yahoo!?
Kunjungi halaman depan Yahoo! Indonesia yang baru!

Komunitas Urang Sunda --> http://www.Urang-Sunda.or.id




SPONSORED LINKS
Corporate culture Business culture of china Organizational culture
Organizational culture change Organizational culture assessment Jewish culture

YAHOO! GROUPS LINKS




Be a chatter box. Enjoy free PC-to-PC calls with Yahoo! Messenger with Voice.

Komunitas Urang Sunda --> http://www.Urang-Sunda.or.id



SPONSORED LINKS
Corporate culture Business culture of china Organizational culture
Organizational culture change Organizational culture assessment Jewish culture

YAHOO! GROUPS LINKS



Kirim email ke