Re: [Urang Sunda] Re: Pupuh -> Aya Masalah Gede...!!

Mon, 12 Jun 2006 06:17:00 -0700

Hampura Ki, euy... Enya, kuring ngaku tambelar kana ipukan pupuh teh...

Kamari basa milu tuang-toong, kuring ngarenjag sabab aya tilu "nu boga lalakon" di jagad Sunda (nyaeta http://urang-sunda.or.id/, http://lssitb.f2o.org/, jeung  http://www.sundanet.com/) ngabewarakeun pupuh anu henteu baku (anu ku kuring ditembongkeun kamari pupuh Gurisa anu beda jumlah padalisanna antara sundanet jeung urang-sunda tea, tapi teuing mana nu salahna, tapi mustahil duanana bener). Balarea urang Sunda pasti percaya jeung ngaku yen enya nu tilu teh nu boga lalakon, tapi inyana pasti bakal bingung manggihan hal nu teu sapagodos ti nu tiluan teh (atawa inyana nyutat salah sahiji tur kabeneran nu dicutatna teh nu salah, padahal eta cutatan teh baris dibewarakan ka suklakna ka siklukna). Postingan Kang Oman sigana kudu dianggap hiji bongbolongan: eta nu tiluan teh kudu ngadeuheus babarengan ka nu janten Resi anu maqomna sadarjah sareng Abah Surya. Sigana mah anu kudu diheulakeun teh pamustungan ngeunaan rumus pupuhna (pada - padalisan - engang - aksara hirup panungtung tea).

Salam,
AJ


mh <[EMAIL PROTECTED]> wrote:
Kang Oman, Kang AJ, Kang Santona, sareng kum we
barasaya nu sanesna.

Nuhun kana infona. Naon nu diembrakeun ku salira, teu
pisan-pisan jadi masalah. Malah resep we nu aya.
Ngipuk Pupuh teh geuning tayohna mah jadi asa meuyeum
nangka. Hehehe. Geus sakitu mangsa kaliwat, kakarek
pada murak ayeuna. Enya ieu pentingna publikasi teh
meureun, digeroan mah ti baheula menta pangoreksikeun,
sabab loba kecap nu teu kaudag ku ceuli kuring.
Berekah teu aya nu ngarespon. Padahal teu hese harita
pamenta teh, ukur menta pangregepkeun haleuangna,
terus koreksi transkripsina. Maklum ceuli kuring lain
ceuli seniman nu terlatih, nya bari jeung loba
kekecapan nu teu pati kaharti maksudna oge, saheulanan
mah dituliskeun numutkeun nu karampa we. Jati
prinsipna, sapanjang can kabedag meuli pantalon, nya
make sontog we heula, ulah nepi ka ditaranjang.
Hehehe.

Ayeuna nembe dibaruka, nuhun pisan. Mangga urang pada
koreksi. Upama tiasa mah kieu, ka babaraya dimana wae
nu kagungan referensi pupuh, boh mangrupa naon wae, --
audio, video, artikel -- mugia kersa ngalengkepan
bahan nu tos aya. Leuwih hade jigana, upama aya pupuh
di tiap wewengkon, ngarah tiasa silih bandingkeun.

Mangga diantos, info salajengna.

Salam,
mh

--- oman abdurahman <[EMAIL PROTECTED]com> wrote:
> Ki Hasan (Mh), Kang Aj, oge baraya sadaya,
>
> Saeutik mairan, jeung satemenna mah ieu teh talatah
> ti abah Surya kapungkur. Mudah-mudahan teu jadi
> masalah, saeutikna teu jadi masalah
> gede :).
>
> Eta, lebah audio kantetan unggal pupuh. Satemenna,
> cara ngahaleuangkeun hiji pupuh, utamana sekar
> ageung, henteu sarua antara hiji daerah jeung daerah

> sejenna. Upamana, haleuang Asmarandana antara
> Priangan kaler, tengah jeung pakidulan eta rada
> beda. Lamun dina basa mah sebut wae ieu teh masalah
> 'dialek' atawa soal lentong.
>
> Tah, kusabab anu dikantetkeun dina file nangkod
> audio teh ngan hiji (asana unggal pupuh ngan hiji
> conto wanda/cara ngahaleuangkeun, nya?), aya alusna
> upama dina tiap file audio teh ditambahan
> katerangan anu nuduhkeun ti wewengkon mana wae eta
> wanda/cara ngahaleuangkeun audio pupuh conto teh.
Nya
> etang-etang mitembeyan ngebrehkeun (sakaligus)
> ngahargaan unak-anik budaya urang. Ngan, meureun
> jadi PR (pagawean imah), lain wae keur Ki Hasan,
tapi
> keur urang sadaya. PR neangan sumber daerah audio
> pupuh anu kapilih.
>
> baktos,
> manAR
>
> On 6/9/06, Aj Kusnet <[EMAIL PROTECTED]com> wrote:
> > Ki, oge baraya sejenna,
> >
> > Anu tangtu mah aturan pupuh teh aya dua:
> >
> > (1) Kudu murwakanti (hiji pada aya sabaraha
> > padalisan, saban padalisanna aya sabaraha engang
> > jeung ditungtungan ku sora aksara hirup naon) .
> > Contona, Maskumambang: 12-i, 6-a, 8-i, 8a
> >
> > (2) unggal pupuh boga jiwa sewang-sewangan
> > (tengtrem, bingung, banyol, gumbira, jste). Aturan

> > kadua leuwih hese tibatan aturan kahiji.
Kukituna,
> > baheula keur di SD, guru kuring teu mentingkeun
> > aturan kadua eta, tapi aturan kahiji mah mutlak.
> > Contona, Maskumambang ngagambarkeun kanalangsaan,
> > ngenes hate.
> >
> > Aya masalah gede nyatana mah dina perkara pupuh
> > teh. 17 pupuh anu aya di
> > http://urang-sunda.or.id/ePupuh/epupuh.htm (tur
> > dicutat ku
> > http://lssitb.f2o.org/kamus/?wk=CategoryPupuh):
> >
> > (1) Pada kadua unggal pupuh teu tumut kana
> > aturan kahiji, teu murwakanti.
> > Sigana eta pada kadua teh bisa dianggap "alok"
> > bae, ulah dianggap bagian tina pupuh, malah mun
> > bisa mah dipiceun.
> >
> > (2) Lamun dibandingkeun jeung tulisan sejen
> ngeunaan pupuh (toong salah
> > sahijina di
> http://www.sundanet.com/artikel.php?id=21),
> sareretan kuring
> > ningali bedana aturan purwakanti pupuh Gurisa
> (cing tengetan nu lianna): di
> > www.urang-sunda mah sapada teh aya 8 padalisan,
> ari di www.sundanet mah 6
> > padalisan.
> >
> > Sok urang pada menerkeun.
> >
> > AJ

=====
Situs: http://www.urang-sunda.or.id/
[Pupuh17, Wawacan, Roesdi Misnem, Al-Quran, Koropak]

__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com

__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com __._,_.___

Komunitas Urang Sunda --> http://www.Urang-Sunda.or.id




SPONSORED LINKS
Corporate culture Business culture of china Organizational culture
Organizational culture change Organizational culture assessment Jewish culture

YAHOO! GROUPS LINKS



__,_._,___

Reply via email to