Cakakak...cakakak...mani nyeri kulit beuteung ieu maca damelan kang Syam. Panasaran kana istilah mengbal Sunda. Langsung we nyiar di internet. Mendakan oge geuning artikel sarupi
http://pabaliut.blogdrive.com/archive/2.html Aeh sumuhun, hapunten kanu ngageugeuh milis ieu. Nepangkeun sim kuring Yandi kawit di Tasik. Ayeuna linggih di Jakarta. Tiap Kemis peuting-Ahad aya di Pandeglang, Banten. cag. --- In urangsunda@yahoogroups.com, "sr" <[EMAIL PROTECTED]> wrote: > > Urang sunda mah ari ngucapkeun kecap nu asalna ti basa deungeun teh sok dicokot lempengna wae dilelebah tur dingeungeunah sangkan letah teu pabeulit. Contona offside jadi opset, corner jadi kornol, goal jadi gul, keeper jadi kiper, freekick jadi prikik, headen jadi heden, out jadi aut,jrrd. Mun dikorehan deui mah meureun loba keneh kecap nu samodel kitu, ieu mah bubuhan kiwari keur usum mengbal, nya nu dipake conto teh nu aya patula patalina jeung mengbal. Tuh nya pan kecap maenbal ge ku letah urang sunda mah sok dicokot lempengna wae jadi mengbal. Abong biwir teu diwengku letah teu tulangan tea. Atuh kitu deui lamun aya bal asup ngagorowokna teh sok beda jeung batur. Ari batur mah sok ngagorowok "Gooaaallll!!!" atawa "Gooooooollll!!!" mun aya nu asup teh, ari di urang mah tara nyebut, "Guuuuuulllll" tapi "Horseeehhhhh, Asup Euy!" > > Hiji deui nu rada aneh teh, najan dilembur singkur bau lisung, ari ngareporteran mengbal mah tara ieuh make basa sunda. Atawa meureun sabalikna mun ngareporteran make basa sunda kadengena aneh. Contona kawas kieu, diumpamakeun keur ngareporteran mengbal antara Persib Bandung ngalawan World Cup Selection. > "Baraya sadayaaa.....wasit nembe niup piriwit, nandakeun pertandingan antara Persib Bdg ngalawan World Cup Selection bade dikawitan.....Ajat Sudrajat ngoper bal, maksadna ka Adeng Hudayaaa....ngan hanjakal dipotong ku David Beckam...Beckam terus ngagucak gocek bal.... dioper ka Ronaldinho....... Ronaldinho kirang cermaaaaatttttt....dipotong ku Asep Dayaaaaat.... Asep dioper deui ka Robi Darwis, bari hohoak "Halik ku aing!" Robi terus ngagiring bal..... lima welas meteran dipayuneun gul bal ngabelesuuuuurrr ditalapuuuuung.....ngan orokaya Van De Saar leuwih rikat ngarawel bal tiawang awang. Salajengna bal melentung ditalapung ku kiper asal walanda ieu, eunteup dihareupeun Viery.......Viery ka Michle Ballack....Ballack langsung ka Robben....mireungeuh serangan balik nu sakitu cepetna.....Robi Darwis ngabret katukang......langsung ngagorowok "Sobuuuuuuur.....pek tah bagean maneh!" Untung bal anu di tajong ku Robben ngan ukur neunggar gawang.....Sobur rikat newak bal.....langsung ditalapuuuung.....bal ngawang....ngawang....kabeh pamaen taranggaaah....terus nyirorot ka palebah kiper Van De Saar.......Naon Nu Kajadian ? Van De Saar olohok ngembang kaduuuu.....bal nyayang dina gawang....Horseehhhhh Asup Euy! Hiji Enol pikeun Persib Bandung!" > > syam ridwan > (kungsi mengbal ku barut jeung jeruk bali meunang ngabubuy dikebon awi atawa ku bal karet lamun bitu sok aya uyahan) > ------------------------ Yahoo! Groups Sponsor --------------------~--> You can search right from your browser? It's easy and it's free. See how. http://us.click.yahoo.com/_7bhrC/NGxNAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
