babagi panineungan deui ahh.. heu heu heu.... di lembur kuring usum ngala jangkrik teh sanggeus pihumaeun rengse di pacul munggaran. taneuh hasil macul biasana masih baradag. ke lamun geus turun hujan dipacul deui ngarah taneuh gembur (sundana naon nya?). tah dina antara eta sok pirajeunan "moro" jangkrik. dimimitian ku nyieun kandang jangkrik tina susunan bebekan awi. dibeungkeut karet. ngawangun kotak. nu diarah jangkrik jaluna nu biasana leuwih geulis ti bikangna. warnana leuwih meles. jangjangna ge leuwih panjang, jangjang bikang teu nutupan tonggong biasana mah, model tukung. meureun gara-gara ieu nu ngaluarkeun sora ukur jalu. inget ka babaturan lulusan hpt ipb, cenah di dieu bedana sato jeung manusa. dina sato mah nu geulis biasana jalu. resep dangdan deuih.
jangkrik biasana sok nyayang di handapeun gundukan taneuh meunang macul tea. tinggal diguarkeun ke jangkrikna racleng. diberik turus ditungkup ku leungeun tara make alat nanaon. salian moro jangkrik oge sakapeung sok bari mawa sumpit. dijieun tina sabuku panjang awi tamiang. paserna bisa dijieun tina awi bisa oge tina rangka urut payung. tungtung hiji sina mencos keur seuseukeutna, nu hiji deui dibulen kapuk. nyieun sababaraha siki. sumpit ieu dipake keur ngala simeut dage. simeut gede nu warnana coklat semu hejo. nu sarua keur usum. nu sausum jeung ngala jangkrik oge simeut dage, nya eta ngala bewok jeung ngala kasir. bewok jeung kasir jigana sakulawarga jeung jangkrik. bewok sok pirajeunan disebut jangkrik bongkok. huluna jiga jangkrik, awak rada panjang saeutik rada melengkung. euwueh jangjangan. kasir bungkeuleukanna sarua jeung jangkrik, ngan gedena ampir 3-4 kali jangkrik. ngala bewok biasana di gawir. maranehna lumrah nyieun sayang di dinya. cirina lamun aya liang ditutupan salapis ipis taneuh, eta sayangna bewok, jeung bewokna aya dijero. tinggal dikorehkeun. kade pahili jeung sayang lancah. komo lancah maung nu sok nyeureud. sayang bewok tara aya ramatan. sejen deui lamun ngala kasir, ieu mah perlu pacul. liang kasir gedena ampir sagedo jempol suku. taneh hasil ngukuy manehna nyieun liang sok ngagunduk diburuan atawa di tegalan. ngalana tinggal dikukuy sajalan jeung liang. kade liang katutup ku taneuh pamaculan. atawa kasir kapacul. oge kade pahili jeung liang bangbung (punten) waduk. baheula jeung naon ngala jangkrik, simeut, bewok jeung kasir? nyaeta keur reresepan wungkul. jangkrik diarah sorana, simeut sok sakapeung dibeuleum, rasana ampir jiga hurang. bewok jeung kasir mah ukur dicoo. punten ah panjang, biasa we keur nineung ka lembur yeuh.... dh On 6/13/06, kumincir <[EMAIL PROTECTED]> wrote: > > Jangkrik, famili Gryllidae, mangrupakeun serangga nu bisa disada, mirip > simeut jeung cihcir (ordo Orthoptera), tapi awakna rada depé sarta boga > anténeu panjang. -------------X diteukteuk k#5 ------------------------ Yahoo! Groups Sponsor --------------------~--> You can search right from your browser? It's easy and it's free. See how. http://us.click.yahoo.com/_7bhrC/NGxNAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
