- ceurik rambisak : rambisak sok dilarapkeun ka kaluarna cipanon, meureun ceurik rambisak mah ceurik bari dibaturan kaluarna cipanon, heu heu heu aya teu ceurik tanpa cipanon?
asana mah euweuh istilah ceurik rambisak, aya oge rambisak doank. Rambisak teh nunjukkeun kaayaan panon nu baseuh ku cipanon, bisa alatan urut ceurik, bisa oge alatan kagagas, boh bungah atawa sedih.
Conto:
* Barang sup ka tengah imah, na meja geus aya rambisak tilu hulu. Teuing saha nu ngalana... Eh, eta mah markisa ketang...
* Barang sup ka tengah imah, kasampak adi kuring keur diuk bari tungkul. Ana ditelek-telek teh panonna bet markisa... Eh, rambisak...
- ceurik eurih-euriheun : wanda ceurik lamun kanyeunyeurian, ceurikna jiga nu embung deuih, dipeugeug teu budal kabeh. biasana dibarengan ku turun naekna taktak.
Conto:
* Eta mah Si Juho, pira ge ditinggalkeun kawin ku kabogoh, ceurikna mani eueuriheun. Ngerakeun pisan!
- ceurik ngabangingik : wanda ceurik lamun sedih, sorana "ngik-ngikan" (laun, leutik tapi atra kadengena)
- ségruk ceurik/ ceurik nyégruk : segruk mah asana kecap panganteur tina ceurik, jiga ber keur lumpat
kecap "segruk" mah kecap panganteur pikeun nu mitambeyan ceurik.
Conto: Barang jol lanceukna, Nyi Sophia jol segruk bae ceurik...
- ceurik ngageuri :wanda ceurik lamun sedih ditinggalkeun ku nu dipikanyaah
ceurik ngageuri mah sarua jeung ceurik eueuriheun, alatan teu bisa nahan kasedih anu pohara.
- ceurik gagauran : wanda ceurik bari gogorowokan, atawa gegerewekan, atawa gagarawakan henteu guguruwukan, gigiriwikan jeung geugeureuweukan mah.
ceurik gagauran mah ceurikna maung atuh, Kang Ikmal...
Sadana: "Huaaa.... Huaaa.... Gaurrrr.... Gaurrrr...."
- dareuda : nyarita anca sora ngageleter semu peura/ parau (indonesa) biasana sangges ceurik... atawa keur sedih.
enya, dareuda (dumareuda) mah sora omongan nu dibarung/kasedek ku rasa sedih/kagagas. Mun hoyong uninga kumaha sora nu nyarita bari dareuda, mangga dangukeun pami Pa Ayip Rosidi nuju cacarios.
- eur-eur : (nembe ngadangu) janten nya teu apal
eur-eur... sigana ieu mah ceurik khas buatan Parungkuda...
- jénger : sorana leutik tapi tarik, ampir jiga sora turaes.
kakara ngadenge deuih. anu tarik sorana mah disebut dengér, tapi da lain dilarapkeun pikeun nu ceurik...
- imut kanjut : imut siga nu embung imut, juru biwir teu melengkung sampurna tapi kariput jiga kanjut ha ha ha ha ampir jiga keom
mun dina basa malayu mah senyum dikulum tea lah... teu disada
- imut ngagelényu : imut nu pangalusna, imut nu ihlas....
emh... ieu nu keur neangan nu imutna ngagelenyu... teu disada
- keom : imut bari semu era
keom: seuri ditahan alatan rada era, teu disada, da kaburu ditahan
- seuri ngagalakgak/ ngagakgak : seuri ngahahah/sorana tarik
seuri anu dileupaskeun, baham calangap, sora leupas kawas buta. Sadana: "Huahahahahah... huahahahah..."
Conto: Barang nempo musuhna mabur sakalumpat lampet, sakadang buta seuri mani ngagakgak... "Heheh... Heheh..." cenah.
- seuri mawur : seuri campur sedih
asana mah lain mawur, tapi maur, seuri tapi bari ngemu kahariwang.
- seuri konéng : seuri era
sarua jeung keom, tapi seuri koneng mah katempo huntu... teu soraan
- nyéréngéh : sahandapeun seuri, teu soraan, saluhureun imut (imut nu katingali huntu)
mirip jeung seuri koneng, tapi ieu mah tanpa rasa era. sarua deuih katembong huntuna. soraan saeutik semu ngaheheh...
aya deui ngabelehem jeung leweh, naon tah hartina?
ngabelehem teh kawas keom, tapi disada. Sorana: "Belehem belehem... Belehem belehem..."
leweh = ceurik
----
sikandar
kumincir.blogspot.com
www.urang-sunda.or.id
su.wikipedia.org __._,_.___
Komunitas Urang Sunda --> http://www.Urang-Sunda.or.id
SPONSORED LINKS
| Corporate culture | Business culture of china | Organizational culture |
| Organizational culture change | Organizational culture assessment | Jewish culture |
YAHOO! GROUPS LINKS
- Visit your group "urangsunda" on the web.
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
