Assalamualaikum Wr. Wb. Wilujeng sonten baraya kusnet sadaya. Punten nembe ngiring ngawangkong deui di ieu babakan, margi dalah dikumaha juragan IT parantos nga-blokir imel Abdi nu di IKPT, teu tiasa ngiringan deui sarupaning mi-milis-an. Ayeuna tiasa ngintunkeun ieu imel soteh, pedah we ngahajakeun ka warnet, nga- aktifkeun deui imel Abdi nu di yahoo heuheuheu...teu nanaon lah sok sanaos ka warnet na mung samingggu sakali oge hihihi...bakating ku hoyong ulubiung di ieu babakan.
Numawi kieu... Dina danget ayeuna Abdi bade konfirmasi ngeunaan bewara yen putra Abdi parantos babar. Sumuhun leres pisan, kamari dinten Kemis kaping 15 Juni 2006 tabuh 08.30 WIB, si Utun parantos babar ka alam dunya kalayan salamet. Si Utun teh pameget, 'berat badan' na 3.2 kg, sareng panjang na 45 cm. Atuh ngeunaan namina, si Utun ku Abdi dipasihan nami 'Faris Hafiz Al-Fikri'. Faris teh hartosna satria (bhs Arab) Hafiz teh hartosna ngajaga, ngaping-ngariksa, ngamumule (bhs Arab) Al-Fikri teh hartosna pikiran (bhs Arab) Janten, sacara harfiah mah eta nami teh ditamsilkeun saurang satria nu satemenna ngajaga pikiranna sangkan hade tur bener salawasna boh numutkeun hukum agama atanapi hukum nagara. Eta nami teh sakantenan oge mangrupikeun hiji dua ti kolot pikeun murangkalihna. Abdi ngahaturkeun mangrewu-rewu nuhun ka sadaya baraya kusnet nu parantos ngarojong ku dua, boh sacara langsung via telp, sms, atanapi imel. Mugi-mugi amal kasaean baraya ditampi ku Anjeunna... Manawi mung sakitu we heula. Bilih ngagebay teuing. Cag ah.... Baktos, Abu Faris ------------------------ Yahoo! Groups Sponsor --------------------~--> See what's inside the new Yahoo! Groups email. http://us.click.yahoo.com/B6DZeC/bOaOAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
