Sami-sami Kang Ono,
Ngeunaan akuifer, nya muhun, taneuh (basa hidrogeologina: Lempung), SANES akuifer.
Babagian akuifer, aya tilu: akuifer tak tertekan, akuifer tertekan, sareng akuifer semi tertekan. Batuan anu bisa jadi akuifer (berfungsi sebagai akuifer): keusik, keusik lembut, kerikil, jrrd, tapi anu alus memang keusik.
Ngeunaan rencana ngajeroan sumur, kulantaran lokasi sumur aya di luhureun formasi lempung (dumasar info ti Bah Wily) saena diparios heula sacara teu langsung ngagunakeun metode geolistrik. Eta bisi hanas terus ngajeroan, tapi akuiferna teu daek kapanggih da puguh ayana jero pisan. Ngeunaan survei geolistrik teu aya deui di Kusnet lian ti Bah Wily ahlina (sakalian sugan kenging haratisan, ukur keur tuang anjeunna salami survei hehehe).
baktos,
manAR
On 8/30/06, [EMAIL PROTECTED] <[EMAIL PROTECTED]> wrote:
Insya Alloh, nu aya dina implengan Abdi ayeuna, eta sumur bor di rorompok bade dijeroan deui weh. Ngajeroanna dugika kapendak lapisan akuifer, nu ceuk cenah, ciri lapisan akuifer teh seuseueurna keusik....sanes taneuh nu ngawujud janten leutak. Saheunteuna dugi ka 25 - 30 meteran mah. Teras, eta sumur bor bade dipasihan casing paralon 4" sakumaha cariosan Kang Kisman oge Bah Willi, supados "air permukaan" teu ngaremebes. Ngeunaan kompana, tangtos kedah digentos ku Jet Pump supados "suction head" (isapan)-na langkung ageung. Bade milari di Subang we heula, pami teu aya panginten nembe ka Bandung.
Listrik mah di rorompok tos 1300 Watt, janten pami nambihan Jet Pump nu daya na 500 Watt, mudah-mudahan we teu kirang. Sobat Abdi di kantor aya nu masihan terang Jet Pump nu pangaosna langkung mirah ti 1 jutaan, kalayan "suction head"-na dugika 30-40 meteran. Cekaplah....!!
Teras kanggo Bah Willi...
Pami teu lepat mah lapisan akuifer teh aya sababaraha rupi. Aya lapisan akuifer tidak tertekan, aya oge lapisan akuifer tertekan. Tah handapeun lapisan batu lempung (atanapi cadas) nu teu rembes cai ieu biasana aya lapisan akuifer tertekan. Sumur artesis nu biasa dianggo kanggo industri, ngebor na teh dugi ka lapisan akuifer tertekan ieu, janten sahandapeun lapisan batu lempung. Kitu pami teu lepat mah....
Nanging ingfo ti Bah Willi ku Abdi dijanteunkeun referensi. Komo datana eta kenging ti peta Hydrogeologi.
Pokona mah, sakali deui Abdi ngahaturkeun mangrebu-rebu nuhun ka baraya Kusnet sadaya. Mangga ah bilih ngambay teuing.
Salam Baktos,
OTA
"waluya56" <[EMAIL PROTECTED] >
Sent by: urangsunda@yahoogroups.com08/30/2006 09:27 AM
urangsunda@yahoogroups.com
urangsunda@yahoogroups.com Re: [Urang Sunda] Manawi Aya Nu Uninga Ngeunaan Cai Taneuh
> From: "O. Taryono" <[EMAIL PROTECTED] >
> *** Bah Willi, dimana ngagaleuhna eta Jet Pump, oge kinten-kintenna
> pangaosna sabaraha...??!
Kang Ono, upami di Bandung mah jet pump seueur diicalan di Gg.
Suniaraja / Otista. Buatan eropa nu 500 watt pangaosna sabudeureun 2-
3 juta rupiah. Di Ace Hardware ge kuring kantos ningali, ngan
pangaosna langkung mahal.
Kang Ono, rada sedih yeuh nyarioskeunana. Bieu kuring tempa-tempo
kana peta Hidrogeologi nu diwedalkeun ku kantorna Kang Oman. Euleuh
geuning Subang teh, lebet ka daerah langka cai taneuh, komo ka
palebah wetan mah (cikamurang). Taneuhna batulempung teu rembes cai.
Beuki jero, lapisan cai malah beuki teu aya (aya sababraha sumur bor
artesis nu teu hasil di daerah dinya). Tapi sanajan kitu, margi ukur
kanggo rumah tangga (sabumieun), sigana mah masih tiasa diusahakeun.
Kuring nyarankeun cobi tingali sumur tatangga, jerona dugi ka
sabaraha, tah upami ngajeroan samikeun we sareng sumur tatangga
atanapi dilangkungan sakedik.
Perkawis gambar kontruksi sumur, ke dipilarian heula dina kompie .....
Baktos,
WALUYA
__._,_.___
Komunitas Urang Sunda --> http://www.Urang-Sunda.or.id
SPONSORED LINKS
| Culture change | Corporate culture | Cell culture |
| Organization culture | Tissue culture |
YAHOO! GROUPS LINKS
- Visit your group "urangsunda" on the web.
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
__,_._,___
