Pan nu ngarana "semah" teh sok ngahesekeun nu boga imah, kitu deui "tamu" kudu tata tur dijamu. Tah kamari, basa jang bush ngaladog ka bogor, nya nyemah nya namu. Jadi we lieur. Enya dasar mahiwal, geus hese cape nyieun heliped dikebon raya sadua dua, der kalahka hayang "ajrut" diwewengkon gor. Heueuh da lamun urang ngutupruk lantaran eta, heug kadengeeun ku ceuli jang bush paling paling manehna ngomong kieu "Alaaah....mun ngarasa rugi mah,ke ku dewek diganti, EUY!" kumahageuy, jang bush mah calakan pisan karek sapuluh jam dibogor ge geus bisa nyebut "EUY" komo deui saminggu meureun pinter pisan nyebut "halik ku aing!"
Nu watir mah nu nek ngajajururu,deuleu etah ngaheujeuna ge break heula, lantaran rumah sakit bersalina aya diwewengkon ring 2. Tapi teu keudeu, barang ningali diluhur aya chinook kukuliringan neangan pieunteupeun, manehna nyelang heula "dadah". Kitu deui nu demo, ari samemehna mah mani siga nu ceuceub pisan ka si barud teh bari sing ceuleuweung, "Jor siah...jor siah...ka naraka!" na ari sibarud geus kakalayangan diluhureun bogor. Kawas nu kasima, malah pipilueun nurutan baturna, gugupay ngabageakeun semah anu cenah matak lieur uteuk urang bogor. Ningali kitu jang Bush ngan bati nyenghel, noong tina conggang chinook, bari ngagerentes. "aya ku bageur nya urang indonesia mah, mani ngaliud kitu nyambut uing, raramah ngadaradahan sagala, padahal dinagara batur mah, pan uing teh teu sirikna di bak sia bak sia dititah kabur...duh bagja..bagja.....ah mun kitu mah isukan pageto ge hayang deui kadieu, pan mubazir heliped nu di kebon raya, can dieunteupan, nek ngahaja engke mah nek ngadon niiskeun pikir divila puncak!" sr ----- Original Message ----- From: kebohideung To: urangsunda@yahoogroups.com Sent: Monday, November 20, 2006 10:09 AM Subject: [Urang Sunda] Beungeut Tembok Kacida..enya kacida teuing, kaleuleuwihi...tamuna deui "beungeut tembok" teu gableg ka era. Geus puguh nu boga imah embung katatamuan, der kalahka maksakeun karep. Cing saha anu rugi angger we rahayat leutik. Tukang dagang teu bisa dagang, anu rek buburuh teu bisa indit-inditan da eweuh kandaraan, mun aya nu rajeun ngitung karugian sabaraha milyareun karugian rahayat leutik, ku ayana tamu anu "dianggep penting".... Ku ukuran jalma asa kabina-bina teuing eta nganggep pentingna seorang Mamang Sam, sabaraha duit anu dikaluarkeun tina kanjut kundang pamarentah urang keur sasadiaan nyambut tatamu, moal boa kagantian atawa kabayar tilu atawa opat taun ka hareup. Enya sih urang teh kudu ari ngabungahkeun tamu, ngajamu tamu jeung sajabana, tapi tamu nu mana heula anu kudu diperlakukeun hade teh..? cikan ku baraya emut...kumaha tingkah polah Mamang Sam, khususna ka umat muslim, kapanan nagara urang teh panglobana umat muslim sa-alam dunya, piraku aya nu ngekeyek dulur urang, urang teu protes-protes acan ? Heueuh..jigana da pamarentah oge serba salah, erek nolak kumaha, teu ditolak kumaha sabagian rahayat teu panuju katatamuan ku "Mamang Sam" Sakuduna mah si Mamang Sam teh surti tur ngamalum ka pamarentah Indonesia teh, jadi geus we montong hayang datang ka Bogor sagala ari mung ukur erek "ngadu bako" wungkul mah cukup ngulem pamingpin urang ka Nagara manehna, meureun moal matak gujrud salelembur tur ear sajajagat. Mamang Sam..Mamang Sam....duh..maneh teh meni merekedeweng. Kebo - TasikmalayaRecent Activity a.. 23New Members b.. 16New Photos Visit Your Group SPONSORED LINKS a.. Culture change b.. Corporate culture c.. Cell culture d.. Organization culture e.. Tissue culture Yahoo! Mail Next gen email? Try the all-new Yahoo! Mail Beta. New business? Get new customers. List your web site in Yahoo! Search. Y! Messenger PC-to-PC calls Call your friends worldwide - free! .