Urang teh kedah ngajenan ka tamu, cenah. Upami tamuna jalmi miskin, suguhan tuang sareng lauk jaer atawa teri. Tapi lamun semah jalma beunghar mah, pangalakeun lauk bibit anu badag, balikna ge bahanan oleh-oleh/cenderamata. Kapan eta mah semah (Ngahesekeun nu di imah)
Basa kamari juragan nganjang, keur ngabageakeunna beak 60 milyar, sanajan datangna mung ukur sababaraha jam. Helipad nu diwangun di KRB bari meakkeun waragad gede, mubazir teu tulus dipake ku juragan. Pribumi di Bogor, 50 rebu ti 120 rumah tangga leungit panghasilan sekitar 2 milyar. Keun bae pan keur ngahormat semah ...... Ka semah kudu someah, tapi demi keamanan Anggota Kompi ti Kesatuan TNI-AD Raider Cianjur, diinstruksikeun teu meunang seuri atawa surungah-serengeh. Para menteri RI nu ngariung kudu ngagantungkeun identitas. Naha ari delegasi semah mah saurang ge teu aya nu ngagantungkeun identitasna, malah wartawan bawana ge ngan ukur make kaos, jeans jeung sapatu olahraga warna-warni?. Keun bae, kapan itu mah semah ...... Baheula basa manehna nganjang ka bali, di bere blok cepu. Ayeuna bahanan naon? sina ngagembol Natuna, kitu? -------- si teteh nu keur hayang ngacapruk
