Assalamualaikum sadaya kadang wargi! Dongeng sim abdi ngeunaan tapa moal waka dilajengkeun heula dikintun ka millist, sapertos biasa wae, sementawis urang kintun ka email pribadi kanu peryogieun, hatur nuhun oge ka akang..teteh bapa.. nu nyusul tepus ngalangkungan japri pribados.
Urang dugikeun heula sabagian kutrat kotret ngeunaan dongeng kampung manjang munjung tapi ku aneh bet teras apanjang apunjung ka sadayana kawargian .. haturan. Baktosna Eddy Nugraha ========= Tina Sunda Nu Jaya Keur Jaya Na Sunda: AJENGAN, HAYU URANG MUNJUNG ! JEUNG HUCUHKEUN KA SUNDA KABEH SUPAYA MARUNJUNG ENYA-ENYA! ==== I. Pangbuka Aeh aeh .siah wani wani ngajak ka ajengan jeung kabatur sina munjung, bari dituliskeun diuwar uwar, .enyaan ieu teh? ...iih Enyaan jeung enya enya dewek mah ngajakna teh! Malah wani nuduhkeun ! arek muhit kana naon? Sabab dewek mah rumasa teu bisa kabeh Asal enya enya ngarti jeung bisaeun mah taya bayana dituduhkeun ..moal menta bayaran ari pikeun jayana sunda mah. Huaha..haa.haa sukur atuh ari geus gilig mah Prak geura taudz . Audzubillahiminasyaitoon nirrajim ==== Panganteur I Ku lajuna jaman, urang loba pisan ngalaman robahna pajamanan tur robah-robahana kayakinan jeung payakinan nu ngeusianana. Pangarti jelema-jelema khususna nu sok disarebut nyakola atawa parinter oge robah-robah. Salah sahijina geus pernah ditepikeun di ieu rohangan nyaeta ngeunaan harti Sunda. Kamus-kamus tur buku-buku robah-robah ngahartikeun entri kecap sunda. Malah, misalna wae, Ensiklopedi sunda wae nu ngaku jadi ensiklopedi teu urung ngan nyebutkeun sunda teh saukur dina level suku, basa katut nagara mungkul teu noel saeutik oge kana falsafahna, jrrd jrrd (cat: sabaraha bagianna pernah oge dikintunkeun ka Kisunda). Kitu deui oge ngeunaan Munjung (Muja atawa Muhit). Dijalma rea, Kecap : Munjung pasti boga rasa kecap nu goreng, arang jelema nyambungkeun jeung kecap munjungan .naha eta mah (munjungan) dihartikeun na teh alus??? Muja, . ieu kecap jadi boga rasa kecap goreng malah tempat muja (pamujaan) oge jadi boga warna rasa goreng padahal pupujaan hate mah alus lin? Muhit umumna goreng . Wah jang kumaha muhithna jelema mah muhithna ka maung jadi maung, muhitna ka dunya meunang dunya padahal dina quran aya kecap Allahu ala qulli syaiin muhit .kumaha lamun muhit ka Allah? He..he.. teu adil na tara disebut muhith (da muhith geus boga nilai rasa nu goreng). Padahal nu sok muhit teh Allah, lin?? wallahu 'ala kulli syaiin muhith. Tah pamanggih nu disarebut palinter ge sarua beda-beda: Nurutkeun kamus R. Sacadibrata munjung sarua jeung muja, Ari dina Kamus LBSS Muja hartina ngagungkeun, Munjung muja lantaran hayang beunghar jste ku jalan kotor. Ensiklopedi Sunda, ieu tim redaksi milih nyandak harti kecap munjung menjunjung tinggi orang tua karena rasa hormat (nilai rasa kecap hade). Dina entri hiji deui maksud kecap munjung nu lain, diteumbleuhkeun kana buku yasana Moh Ambri jadi lain ceuk nunyusun ensiklopedi- nu nyarioskeun munjung hiji pagawean goreng nu aya di masarakat sunda nu aya hubungana jeung hayang beunghar menta bantuan siluman-sileman. Naha bet kitu? Naha nu parinter the beda-beda? Ah eta mah urang bikeun ka ahli basa we kumaha sabenerna. Ieu bahasan mah ngeunaan kayakinan, payakinan jeung kamampuh. Kumaha eta muhit ka maung munjung ka bagong muja ka buaya jeung ka sato-sato lianna teh enyana jeung naha bet wani ngajak ka ajengan sagala??? Malah pan aya wejangan jalma bijaksana nu kieu saurna jang ulah munjung ka gunung ulah muja ka sagara, tapi munjung kudu ka indung muja kudu ka bapa (malah mah keur jalma nu ngulik ditambahan ku )...jang kudu (munjung) tepi ka indung nu teu muguran (muja tepi ka) bapa nu teu ngarangrangan [pernah manggihan nu kitu kitu? Cik dimana Ayana?]. Urang teraskeun bagian salajengna upami pareng. ____________________________________________________________________________________ Do you Yahoo!? Everyone is raving about the all-new Yahoo! Mail beta. http://new.mail.yahoo.com