> From: ely evalita > Orang Sunda sekeselerna ti CHAMP, atanapi Champa, migrate to Indonesia, > kusabab kadesek ku China. Ari Champ ti > Mongol, panginteun oge. > Tah bangsa champ ngababakan di tatar Sunda nya pagiling gisik jeung > pribumi, antukna ratusan tahun jadi hiji bangsa.
Bongan dimimitian ku teh Ely, nu nyebutkeun Bangsa Sunda teh asalna ti Champa nu asalna oge ti daratan Cina Kidul. Enya kitu? Ari dina segi kapercayaan mah rada ngahrib-harib. Urang Sunda buhun, baheula boga kapercayaan yen nu kawasa di Kahyangan teh Sunan Ambu,. Paling henteu, aya dua carita pantun : Lutung Kasarung jeung Mundinglaya Dikusumah nu nyebutkeun nu kawasa di Kahyangan teh lain Lalaki tapi awewe, nyaeta Sunan Ambu. Bandingkeun jeung kapercayaan urang Tiong Hwa alias Cina. Maranehna oge sarua, nu paling kawasa di dunya langit teh hiji dewi nu aranna Dewi Kwan Im. Patung Dwi Kwan Im pasti aya di unggal Kelenteng. Mitologi Cina ge umumna nempatkeun Dewi Kwan Im dina posisi pangluhurna, diantara para dewa /siluman nu bageur jeung nu jahat. Dina serial film "Kera Sakti", Monyet sakti jeung bangor ieu lamun dina kasusahan sok ditulungan ku Dewi Kwan Im. Sanajan urang Cina loba nu ngagem Agama Budha , Agama nu sabenerna lahir ti Dunya "lalaki" (India saperti umumna kawasan Eropa, Timur tengah dikawasa ku Ras Indo Germania/Aria nu kentel pisan dunya "patriaki"na)., tapi konsep/ Deskripsi Tuhan dina Agama Budha teu sajelas agama sejen. Kulantaran kitu urang Cina tetep bisa "nyelapkeun" Dewi Kwan Im dina kapercayaanana sanajan Agamana Budha, bari teu mucunghulkeun konflik. Tapi Di Tatar Sunda, sigana nu asup ti India teh, dominan agama Hindu. Agama Hindu, beda jeung agama Budha. Deskripsi kadewaanana jelas, Hindu oge agama "Patriaki", para dewa nu kawasa, jenis kelaminana jelas LALAKI. Dewa awewe oge aya, disebut Dewi. Tapi para Dewi ieu, lamun nengetan carita-carita wayang, biasana ukur jadi korban nafsu para Dewa. Dewi Uma anakna jadi siga Gajah (Ganesha) atawa dina pawayangan aya Batara Kala, nu lahir akibat nafsu salah saurang Dewa. Dewa nafsu teuing, spermana kaluar, ucrat-acret kamana wae, bisa ngajengelek jadi mahluk nu teu diaku dimana-mana. Tapi urang Sunda buhun tetep kreatif, kulantaran satemenna, urang Sunda Buhun teh percaya yen nu kawasa di Kahyangan teh awewe, mucunghul kompromi jeung Agama Hindu. Dewi Sri, kompromina teh. Dewi Sri, ceuk kapercayaan Sunda Buhun, Dewi kasuburan tatanen pangpangna pare. Dewi Sri lamun teu salah mah anakna Batara Guru (Dewa Wishnu?). Tatanen (baca : Pare) keur Urang Sunda Buhun kacida pentingna, lir ibarat Onta jeung Oase keur urang Badewi di Tanah Arab. Jadi posisi Dewi Sri, hiji posisi penting pisan .....ngelehkeun Dewa-dewa nu lalaki ..... Tos ah, tong dianggap, maklum keur resep ngacapruks ..... Baktos, WALUYA
