--- In urangsunda@yahoogroups.com, "rosma_ilyas" <[EMAIL PROTECTED]> wrote:
> > Sihoreng baraya, Jay teh keur dirawat geus 2 minggu, bakat kuhayang > nginternet ngekeak baraya Kusnet, kapaksa manehna kabur ti rumah > sakitÂ… Sanggeus kanyahoan suster nyarita kitu ka dokter, teu sirikna ceuli si Jay beuki rawing. Ngadedengekeun kumaha kasauran ti dokter, bari sabenerna mah geus hayang lumpat sakalumpatlampet, keur mah sieun kudu mayar urut manehna dirawat didinya. Jeung mun dina enyana manehna kudu dirawat deui di RS eta nya ti mana piwaragadeunana? keur mah eukeur duit na sakuna komo deui na loketna geus teu salambar-lambar acan. Jurungkunung Si Jay nangtung, jrut turun tina blangkar, sataker kebek langsung lumpat indit ti eta rohangan. Lumpat tuluy nyisir-nyisir jalan hasanuddin, diudag ku satpam borromeus, tapi teu kaudag da ari awak satpam badag, eleh ku si Jay lumpatna mah, keur mah eukeur si Jay awakna kuru ceking balas manggih kejona sakasampeurna. Lumpatna muru ka arah Dipati Ukur, pikiran manehna muter kumaha jalanna sangkan manehna bisa hirup di Bandung jeung bisa ngawarnet deui? Salila lumpat bari tuluy mikir, geus nepi Dipati Ukur manehna meuntas, buru-buru megat angkot Ciroyom-Cicaheum arah ka Cicaheumkeun. Reg, angkot eureun. Kalacat si Jay naek, tuluy nyanyi bari tepuk tangan, jadi nu ngamen. Sanggeus laguna beak, Jay namprakkeun leungeunna ka para penumpang angkot. Di tiap parapatan Jay turun. Megat angkot deui nu sejen, rutena mah sarua nu ka Cicaheumkeun. Kitu jeung kitu tuluy, nepi ka ahirna nepi oge ka Cicaheum. Geus tepi Cicaheum, Jay naek kana beus Mios nu ka Garutkeun. Duit dina sakuna kencring kabeh, diitung aya kana Rp. 10.000. Mahi saongkoseun ka Garut, hate Jay bungah. Na pikiran, di Garut manehna rek menta duit ka akina, ladang ngajual domba keur ngawarnet deui ngekeak warga kusnet. ~ipup~