Harita mah basa nyieun SIM C di Polres Depok, poe saptu. Isuk-isuk indit ti imah teh, da bisi ngantri. Ngahaja make kameja, da di poto keur SIM mah teu meunang make kaos cnah. tapi kudu make duit.. heu heu
Barang datang ka buruan kantor Yanmas (Pelayanan masyarakat), jol we aya saurang pulisi nyampeurkeun, bari someah. beungeutna marahmay, "Mau bikin SIM mas ?" "Iya pak.." "Syarat-syaratnya udah ada ?" "belon..." "Ya udah, sama saya aja, engga beda jauh koq mas, biayanya. biasanya sih 175 ribu, di pas-in aja jadi 200 ribu, udah ga perlu apa-apa lagi, langsung dipoto aja...", cnah. Teu loba mikir kuring nyatujuan. Okeh lah. mikeun KTP we keur dipoto kopi, tuluy ngeusian formulir. rengse eta tuluy mikeun duitna, 200 rebu. Puguh 4 lambar 50 rebuan, tapi nepi ka diitung heula deuih ku pulisi teh. Geus kitu mah nungturkeun eta pulisi. Tuluy dititah nungguan di hareupeun ruang kasehatan. Teu nepi 5 menit, eta pulisi geus kaluar deui. "Mas, tunggu aja di tempat pemotretan ya, nanti dipanggil..." "Lama engga pak ? soalnya saya mau buru-buru kondangan nih", cekeng teh. Nanya kitu teh pedah we korsih di tempat tunggu teh geus pinuh. leuwih ti 50 urangna. "Owh...kalo gitu, ikut saya deh Mas..", pulisi tuluy ngajak abus ka tempat pemotretan. Eta pulisi tuluy ngajorowok ka bagian motret, "Mbak..tolong ini duluan ya, soalnya mau kondangan..buru-buru...!" Hi hi...sugan teh heureuy, sihoreng teh nyaanan geuning. Teu lila kuring dipotret, nungguan 10 menit di luar, tuluy ngaran kuring di panggil. Golosor SIM dibikeun, tuluy ngodok dompet deui, nambahan 5 rebu keur dompet wadah SIM. diitung-itung, teu nepi 45 menit nyieun SIM teh. Balikna kuring ngaliwat deui ka kantor Yanmas, panggih deui jeung pulisi nu tadi. "Sudah Mas ?" "Sudah, makasih ya ", ceuk uing bari seuri koneng. emh...nepi ka kituna nya .. ? (na jero hate) -dul- --- In urangsunda@yahoogroups.com, "tantan hermansah" <[EMAIL PROTECTED]> wrote: > > hehe. Data resmi vs data lapang. > Kang, abdi teu nyebatkeun 1 milyard sataun. Kunaon? margi abdi teu teurang. > jeung teu kungsi naros langkung jero anu eta. Punten eta harga resmi. Harga > di "pasar"? Bandingkeun ngenaan aturan SIM. Basa sim kuring ngadamel SIM, > ngajeblag aturan plus no perdana, jrrd ngenaan harga nyieun SIM ngan 75.000. > Naha sakitu oge harga SIM di lebet? Kuring apal, yen eta ngan anu ditempel. > Di jero mah, pangaos harga SIM 275.000. Eta kasus SIM. Sok sanajan teu bisa > disamikeun, tapi kemungkinana kitu teh, bisa jadi. Sabab di Indonesia, > mungkin wae. > > Baktos, > Tantan >