Punten Bah, sakantenan mecakan e-mail yeuh, cenah mah bouncing wae ...
Jalma-jalma nu hirup tiheula samemeh urang nyaeta kolot atawa karuhun urang leuwih dalit jeung alam. Manusa miara alam nya kitu oge alam miara manusa. Nya salah sahijina ku ayana sasatoan anu mere totonden siga kieu tea. Aya deui beja dina pikiran rakyat online sababraha bulan katukang (poho deui pas na mah) yen di Cina cenah jang ngadeteksi gempa teh maranehna ningali kalakuan oray sanajan alat deteksi gempa oge nyampak didinya, teuing kumaha tah carana da beja na ngan saukur kitu. Ayeuna di urang loba pisan beja banjir jeung longsor pas usum ngijih teh. Sigana mah kudu ngaca kana kalakuan manusa sorangan anu geus nandasa alam. Der geura leuweung di ruksak, miceun runtah dimana wae dalah geuning walungan nu kuduna jadi jalan cai oge kalahka mangpet ku palastik jeung runtah sejenna. Matakna bener pisan lamun balik kana dalil yen geus kajadian alam dunya rusak ku kalakuanana manusa. Nya wayahna we lamun alam males ku sarupaning bencana alam teh. Siganamah urang kudu diajar wawanohan deui jeung alam supaya totonden-totonden sarupa kieu tetep bisa kaharti ku urang. Kudu diajar dalit jeung alam ngarah alam teu ruksak oge teu ngaruksak manusa. Baraya nu di Jakarta, naha nya ti taun ka taun banjir teh meni asa tambah hebat? sok ah ulah nyalahkeun wae pamarentah urang koreksi diri. Boa-boa laku lampah urang sorangan nu ngakibatkeun hal ieu teh. Salam, Budyana On 2/1/07, Siddik Wiradireja <[EMAIL PROTECTED]> wrote:
Aya deui, manuk gaok (gagak)...... dikampung upami aya gaok/gagak ngelak sok digebahan ku sepuh-sepuh, di husss..husss..., dugi ka sok sibaledogan..... majar teh totonden yen di eta kampung bakal aya anu maot... Namung hal kitu teh sanes diurang wae, tetela di Korea oge kitu... Sababaraha dinten kalangkung (numutkeun warta dina TV SBS) dihiji kota dipakidulan Korea Kidul kalebet di kota Seoul kantos didongkapan, rombongan manuk gaok/gagak, eta we upami tos hiber dugika sapertos angkeub, bakat ku seueur-seueurna. Tahhh...waktos harita diwartakeun oge, hasil wawancara sareng masyarakat, tingawitan murangkalih dugika aki-aki istri pameget.... Hasilna, sadayana teu resepeun kana manuk gaok/gagak teh, salajeungna eta repoter TV ngawawancara ahli manuk sareng ahli lingkungan, hasilna tetela patulang tonggong sareng anggapan jalmi biasa. Ceuk ahli lingkungan; daerah anu didongkapan ku rombongan manuk gaok/gagak, nandakeun hawa di eta daerah beresih/bebas polusi. Ceuk ahli manuk ; tetela manuk gaok/gagak ngahakanan/ngabasmi hama tatanen. Wallahu alam... ssw [EMAIL PROTECTED] Sora manuk naon nu dipikasieun ku urang Sunda? sigana sora manuk sit uncuing. Ceuk cenah sora manuk sit uncuing, mere totonden rek aya nu maot. Sit uncuing disada biasana disada sering pisan, ti subuh keneh tepi ka sore. Sora sit uncuing biasana paling sering kadenge dibulan januari-Februari. Loba nu maot di bulan Januari-Februari? ...ah sanes kitu, ari ceuk beja mah sit uncuing teh manuk migran, lembur musim panasna lain di tatar SUnda, tapi jauh...jauh di kaler, di Siberia atawa di dataran Cina. Ayeuna, di bulan Februari, lembur sit uncuing keur usum tiris (winter), "kaum" sit uncuing ngarungsi ka kidul ka lembur urang ..... Sora manuk naon nu teu dipikaresep ku "kaum" bangsat? di lembur kuring mah sora manuk bebence, manuk peuting nu kuring oge acan nyaho rupana. Sorana lamun teu salah mah : ce ...ce .....ce". Lamun ngadenge sora manuk bebence, kahade ulah sare tibra teuing, sabab eta teh totonden aya bangsat kukulamprengan neangan palingeun. Aya oge sora manuk nu mere totonden meunang wiwirang, nyaeta sora manuk bueuk. Lamun sora manuk bueuk ngelak wae disada, eta teh totonden bakal aya parawan atawa randa ......reuneuh ti heula (reuneuh acan kawin). Baheula di lembur kuring, kajadian nu reuneuh ti heula teh jarang-jarang pisan. Dina aya kajadianana oge, jadi gujrud salelembur, ear sajagat, jadi carita mangtaun-taun, nu teu aya anggeusna, kaasup dongeng soal manuk bueuk ngelak wae disada di pipir imah wanoja nu meunang "wiwirang". Cik aya keneh sora manuk nu mere totonden? Baktos, WALUYA http://cikundul3.multiply.com *Tong nyaliksik naon nu bisa dicokot ti kiSunda* *Tapi talungtik naon nu bisa dibikeun ka kiSunda*
