Abah/Ambu/Saderek sadayana, Kamari ka sim kuring aya urang lembur ti Sentak Dulang nelpon. Eta lembur teh lebah-lebah na mah di daerah gunung Palasari upami teu lepat mah sajajaran jeung gunung Manglayang, Gunung Kasur tug dugi ka gunung Tangkuban Parahu. Pokona mah kalereun Bandung lah.
Ari maksudna nelpon teh deuk nanyakeun perkara tutuwuhan Jarak tea anu cenah bisa dipake jang Bio diesel. Ngan dalah kumaha da kuring oge poekeun ari masalah nu siga kieu mah. Janten nya sim kuring lumpat ka ieu babakan bade mundut pituduh ti saderek saha wae anu langkung paos dina masalah Jarak jang Bio diesel ieu. Cingan bejaan kuring: 1. Tanahna kudu nu kumaha anu cocok jang pepelakan Jarak ieu. 2. Kumaha tata cara tatanenna 3. Kamana ngajual hasilna Sigana mah ari nu masalah kahiji jeung kadua mah teu pati balueng da dulur-dulur nu ti lembur teh tukang tani kabeh ngan kamana ngajualna anu teu ngarti pisan mah. Lamun cenah mah aya instansi nu kudu didatangan di Bandung nu boga informasi ieu sakantenan wae atuh pasihan terang. Hatur nuhun kana bongbolonganana, insya Allah ku sim kuring informasina bakal ditepikeun ka urang lembur eta. Salam, Budyana
