Sapagodos Kang Tirta. Kuring oge "tukang adu regeng" boh di Kusnet atawa di millis sejen nu make basa Indonesia. Tapi nyaeta hiji pantangan keur kuring, ngajejeleh pribadi nu jadi lawan padungdengan. Kahijina mah teu etis, kaduana mah heueuh da sabenerna mah teu apal saha-sahana. Dijejeleh oge kateuteu-ari. ELY EVALITA ceuk kuring geus kabina-bina teuing. Lamun diantep, teu dimoderasi (can tantu ditalapung, kumaha para kuncen eta mah), manehna bakal ngacapruks kamana-mana. Geus kacontoan waktu manehna posting ditaun kamari. Akhirna jadi silih poyok sacara pribadi. Ari ELY EVALITA paling ge cecengiran, da sarerea ge teu nyaho manehna teh saha. Ngan orakaya ari nu sejen mah, kasang-tukangna jelas, teu disumput- salindungkeun.
Ngamoderasi, sanes teu demokratis, tapi eta gunana moderator di Millis. Lamun anggotana ngacapruks geus teu etis, nya wajib ditegor atawa ditalapung sakalian. Demokrasi sanes hartina sagalana tiasa, kumaha aing. Egaliter, lain hartosna kudu ninggalkeun sagala sopan- santun. Sadayana kawengku ku etiket nu dianut ku masing-masing komunitas. Komo lamun rek madungdengkeun hiji hal nu rada serieus, rek aya padungdengan nu "sehat" kumaha, ari bari ngajejeleh mah? Hasilna lain nambahan kanyaho, nu aya malahan nambahan kaambek. Baktos, WALUYA --- In urangsunda@yahoogroups.com, Jalak Pakuan <[EMAIL PROTECTED]> wrote: > > Sampurasun, wilujeng enjing (Indonesia kulon): > Apih oge baraya sadayana sakumaha ku urang sadaya tos uninga, salah sahiji ciri grup milis nu "muka" kana kaanggotaanana sok aya wae anggota nu "mahiwal" boh dina eusi, cara, eusi jeung carana nepikeun ide/pasualan nu umumna teu pasti naon motivasi aslina. Nyanghareupan hal kitu, koncina mah aya di kuncen, nu kedah pageuh nanjeurkeun paraturan supaya eusi surelek luyu jeung visi/misi grup milis. Mun aya nu mengpar kedah enggal-enggal di "prit", pami diantep sok ngaleor teu pararuguh, meakeun energi, rame pahibut bari teu puguh naon hasil alusna. Tina kasus Ely nya panginten konsekuensina rag rag ka kuncen-kuncen nu kedah langkung aktif "ngaronda". Tangtos ieu teh panginten jadi salah sahiji tantangan kuncen-kuncen di kusnet nu pastina pakepuk ku pagawean masing-masing. > > Punten ieu mah sanes ide sim kuring, mung hasil mulung ti pangalaman milis grup sanes. > > Salam > tirta >