Lalampahan sarebu mil dimimitian ku lengkah kahiji (Papatah Cina)
On 4/16/07, kang boim <[EMAIL PROTECTED]> wrote:
Assalamu'alaikum wr, wb. Baraya..., Alhamdulillah..., acara silaturahmi Kusnet (Kopdar) di Jl. Langsat Jakarta poe saptu kamari geus lumangsung kalayan lancar jeung nyugemakeun. nu hadir dina acara ieu kaitung rempeg jeung loba barayanu anyar panggih jadi teu eta deui eta deui..hehehe..(nu hadir aya 21 urang baraya...) sim abdi kaasup nu datang pang ahirna sabab lalampahan ti Bandung lumayan rada lila kapegat ku macet jeung deuih indit ti bandungna oge jam hiji-an...beurang. Moal dicaritakeun soal kumaha ngaleuyana kadaharan mah pokona mah matak wareg jeung seubeuhlah...(aya kulub cau, kulub suuk, katimus jrrd) Intina hasil tina silaturahmi poe saptu kamari teh nyawalakeun soal tatahar keur acara HBH (Halal Bi Halal Kusnet 1428 H) nu bakal datang, dina riungan kamari ngahasilkeun kaputusan yen pikeun HBH nu bakal datang pupuhu HBH diamanatkeun ka kang Iim (Boim) ti Bandung kalayan salaku wakil pupuhu jeung Bendahara di amanatkeun ka kang Toni Sofyan (Bandung/Bekasi) jeung teh Imas (Jakarta). pikeun saheulaan karek ngahasilkeun susunan panitia sakitu heula, keur galengkepanana insya Allah sabada kongres di Bandung bakal dilengkepan. HBH nu bakal datang insya Allah bakal diayakeun di sabudeureun kota Bandung, atuh pikeun pitempateun acara HBH sakumaha usulan anu geus asup aya tilu pilihan 1. Dago Resort 2. Hotel Bumi Kitri Cikutra 3. Bumi Perkemahan Jend. Mashudi Kiara Payung Jatinangor Ancer-ancerna HBH teh baris diayakeun dina tangal 27 - 28 Oktober 2007 (2 minggu sanggeus poe lebaran), ieu can pasti sabab can jadi kaputusan panitia tapi karek ancer-ancer atawa kira-kira.( hasil itungan sim abdi) Insya Allah saatos aya kaputusan panitia anu sifatna tetep, ngenaan tempat, waktu jeung acara HBH bakal dibewarakeun di milis sakalian dibuka pendaftaran pikeun saha bae anu rek ngiluan HBH.. Pikeun saheulanan sakitu hasil lalampahan sim abdi dina acara silaturahmi baraya Kusnet (Kopdar poe Saptu di Jl. Langsat Jkt), teu hilap sim abdi ngahaturkeun nuhun ka teh Imas sakulawargi anu parantos maparin tempat sareng nyuguhan tuangeun sapuratina mudah-mudahan sadaya kasaean ieu dibales ku Allah Swt janten amal nu manglipet....amin. cag..ah, punten bilih aya nu lepat...nuhun. "kkbm'69" -hasil salengkepna insya Allah baris dilaporkeun ku kang Ndoel bin kang Nanang tea...hehehe.