Wilujeng wengi,
Saparantos maca referensi wikipedia eta, leres tambih lieur kang; nganggo
statistical eucledian distance sagala bari sareng henteu jero dugi ka informasi
ngeunaan ras-ras di Asia wetan-kidul (tenggara).
Kang, dina hiji wengis sababaraha sasih kapengker, jigana mah sateuacan
ngagabung sareng ieu milis, pribados kantos ningali program TV, duka ti
Discovery Channel, duka ti National Geographic (hilap deui), anu ngagambarkeun
kahirupan salah sahiji suku bangsa di Khmer (Kambodia) dina nyikapan korban
perang keganasan Khmer Merah. Eta suku bangsa mirip pisan sareng urang Sunda
boh sacara fisik, lentong / logat basana sareng raksukanna tapi henteu mirip
suku bangsa Palaung anu gambarna kapendak dina internet. Aranjeunna nganggo
acuk hideung sareng nyoren atawa meulitkeun sarung (siga anggean si Kabayan).
Dina eta program digambarkeun yen supados bebas tina pangaruh awon roh korban
perang, si abah nyiapkeun sasajen mangrupi celeng anu tos dipeuncit sareng
barang sanesna. Janten eta suku bangsa teh masih animisme. Hanjakal ku pribados
henteu diperhatoskeun pisan eta program teh da nongtonna henteu ti awal sareng
deui tunduh.
Kamari Saptu siang, tamba kesel nungguan rengsena pun anak kursus basa
Inggris Balita, pribados jalan-jalan ka toko buku. Didinya mendak buku
Pengantar Ilmu Antropologi karangan Koentjaraningrat. Pas diaos dina kaca 302,
aya informasi ngeunan urang Sunda sareng urang Khmer anu kieu unina:
Sejumlah manusia yang memiliki ciri-ciri ras tertentu yang sama, belum tentu
juga mempunyai bahasa induk yang termasuk satu keluarga bahasa, apalagi
mempunyai satu kebidayaan yang tergolong satu daerah kebudayaan. Diantara
sejumlah manusia seperti itu misalnya ada beberapa orang Thai, beberapa orang
Khmer dan bebeapa orang Sunda. Ketiga-tiga golongan itu mempunyai ciri-ciri ras
yang sama, yang dalam ilmu antropologi fisik seringkali disebut ciri-ciri ras
Paleo-Mongoloid. Namun bahasa induk masing-masing orang tadi termasuk keluarga
bahasa yang sangat berlainan. Bhasa Thai termasuk keluarga bahasa Sino-Tibetan;
bahasa Khmer termasuk keluarga bahasa Austro-Asia, dan bahasa Sunda termasuk
keluarga bahasa Austronesia.
Jigana si abah anu aya dina gambar di TV eta teh urang Khmer anu diserat ku
Koetjaraningrat. Pribados mah langkung sapuk kana pendekatan genetik atanapi
ras anu didugikeun ku Koentjaraningrat daripada pendekatan bahasa
(ngabanding-banding basa Sunda sareng basa suku bangsa sanesna) dina nalungtik
asal-usul sahiji bangsa teh.
Luepas tina bahasan ngeunaan Sunda sareng Paleo-Mongoloid, aya anu
ngaherankeun dina tulisan Koentjaraningrat ieu, enya eta anjeunna nyerat dina
kaca anu sami yen urang Jawa teh gaduh ciri-ciri ras Mongiloid-Melayu. Naha
benten sareng urang Sunda, nya? Naha parantos dibuktoskeun sacara genetik kitu?
Tah kumaha urang Brebes, Banyumas saren anu sanesna anu kapungkurna anak
turunan urang Sunda? Naha henteu kaemut ku anjeunna kitu?
Salamna,
Pun Asep
Asep Hadiyana <[EMAIL PROTECTED]> wrote: Nuhun
kanggo rujukan ka bahan ti wikina, bade didownload, dikopi teras dicandak ka
rorompok kanggo bacaeun ahad wengi sabari ngantosan Republik Mimpi (acara
kameumeut teh Roro).
Sateuacan maca referensi eta, katambih gado ngagayot, aya patarosan, kumaha nya
upami metoda pengujian DNA dianggo nalungtik "kedekatan" sahiji suku bangsa di
endonesia sareng suku bangsa sanesna? Upamina wae saha anu langkung caket
"kekerabatanna" ka urang Sunda? Naha urang Lampung, urang Kutai atanapi urang
Jawa? Mungkin henteu nya, kang?
Cag heula ah bade uih yeuh, tos bade jam lima.
Salamna,
Pun Asep
kumincir <[EMAIL PROTECTED]> wrote:
Kacindekan nu nepi ka nyebutkeun urang Sunda
asalna ti Palaung mah abot teuing, kecuali mun eces natrat tapak lacakna. Mun
nilik tina basana, paling oge bisa disimpulkeun yen eta dua basa teh duduluran
atawa sakaruhun.
Panalungtikan ngeunaan asal-usul hiji bangsa (atawa asal-usul manusa) tos rada
lami ditalungtik migunakeun tehnik molekuler, nyaeta ku jalan nempo runtuyan
DNA-na. Materi genetik manusa anu ilahar dianggo kanggo ieu panalungtikan
nyaeta kromosom Y jeung DNA mitokondria (mtDNA). Runtuyan DNA anu aya dina
kromosom Y teh diturunkeun sapanjang garis bapa (ti aki nurun ka bapa, ti bapa
ka budak lalaki, terus ka incuna nu lalaki, terus ka turunanana anu lalaki
deui, jst), sedengkeun mtDNA diturunkeun sapanjang garis indung (ti indung ka
anak2na, ti anakna nu awewe ka incu2na, ti incu2na nu awewe ka turunanana anu
salajengna). Tina kromosom Y, urang bisa nyusud kumaha leorna lalaki (sabab
umumna mah mobilitas manusa teh ditangtukeun ku lalaki). Sedengkeun tina noong
mtDNA, urang bisa ningali ka mana palidna awewe (sabab umumna mah mobilitas
awewe mah kumaha lalakina). Hasilna?
Tamba lieur, mangga cobi buka http://en.wikipedia.org/wiki/Race ti Wikipedia.
Di dinya aya gambaran & tumbu ka pedaran2 sanesna ngeunaan hal nu patali...
On 4/19/07, Asep Hadiyana <[EMAIL PROTECTED] > wrote:
Kumaha tah lamun di balik, urang Palaung asalna ti Sunda? Teuing atuh.
Lamun ditilik dina fisik mah siga jauh pisan antara urang Palaung jeung urang
Sunda teh. Nangkod dina email ieu aya dua foto urang Palaung.
Salian ti ngagunakeun etimologi, jeung elmu basa lianna, naha nya can aya studi
anu ngagunakeun metoda DNA dina nalungtik asal muasa sahiji bangsa?
---------------------------------
Ahhh...imagining that irresistible "new car" smell?
Check out new cars at Yahoo! Autos.
---------------------------------
Ahhh...imagining that irresistible "new car" smell?
Check outnew cars at Yahoo! Autos.
