Tah gening aya anu leuwih kompeten ngajawab sual ieu. Sapuk pisan lah kuring mah ka pamanggih kang Jamal. Saeutik we nambahan bari jeung sien salah ieu oge: pamanggih kuring si akang geus asup kana kaayaan dimana ibadah ihlas ngan ngaharepkeun rido panggeran, henteu ngaharepkeun naon-naon deui. Mudah-mudahan panilean ieu henteu salah. Amin ya robbal alamin. Salamna, Asep
mj <[EMAIL PROTECTED]> wrote: cek si kuring nu di pasantrena ngan purah meakeun liwet, eta kitu teu murtad. sabab nu jadi masalah ngan ukur harti atawa tarjamahan tina kalimat Qu'ran. malah eta sikep teh kritis, salaku mahluk nu boga jeung make akal pikiran. islam bisa diudag ku akal. mun teu bisa, pikiran urang can nepi. tapi ke heula, sanes resep ka istri? hayang nyandung bari bebas diomongkeun batur model Aa Gym? hihi. cara nerjemahkeun basa arab nu dihartikeun 'bidadari' eta cek kang Irfan Anshory dina Cupumanik bulan2 kaliwat, salah. cenah mah sabenerna kecap arab eta teh teu nunjuk kana hiji jender, tapi netral. ngan ku sabab dunya teh dikuasa patriarki alias dunya lalaki, nya dijenderan (dibere parabot reproduksi), jadi istri, bidadari. cenah hartina sabenerna mah ngan ukur batur/teman. cek pikiran kuring nu oge teu pati eucreug bisa jadi dikadinyakeun hartina ku ulama nu hirup di komunitas nu dikuasa ku lalaki, siga masyrakat Arab. ari model atawa konsep naraka jeung sorga mah bisa oge perlambang. yen hade goreng aya balesna. hirup di dunya oge model kitu. mun ngalakukeun salah, di penjara-hirup cilaka, mun hade, nya meureun meunang bonus/hadiah, minimal hirup salamet. carita salaku model atikan jelema teh hirup ti baheula bari prosesna angger kitu. ti balita nu primitif, terus mekar jadi budak, pamuda, jeung saterusna. perkembangan pikiran atawa akal oge kitu. tingali we budak nu can hideng, beda kalakuan atawa adatna jeung nu geus hideng atawa baleg. tah cara ngajar ka jelema oge kitu. disaluyukeun jeung kamampu uteuk jeung perkembanganana. cenah, baheula, jelema teh resep dibere pelajaran ku mangrupa carita. di india aya maharabata jeung ramayana tea-sabenerna eta carita cenah ajaran hindu. masing2 nu apal carita eta jadi baroga kanyaho soal adat goreng adat alus nu diwakilan ku hiji dua tokoh/karakter. tapi sabab jelema mah boga adat ngistimewakeun hiji hal nu cocog jeung hate (siga fans. bobotoh) tokoh2 eta malah dijaradikeun dewa atawa sesembahan, bari satekah polah diconto kalakuanana-da alus tea. dina carita eta, salian ti aya tokoh soleh, oge aya nu jahat. duanana mangrupa pilihan atawa picontoeun, kaasup pangbibita oge, rek milih nu mana pikeun dipake panutan enggoning ngalalakon di ieu dunya. konsep pangeran ayeuna mah, sok we taros hate atawa pikiran. ari pangeran kumaha? kalolobana baroga bayangan siga berhala. haha. sabab manusa sok neangan kamiripan hiji perkara ku perkara nu geus katewak pikiran jeung parasaan oge kayakinan. Islam agama nu sukses ngabstraksi konsep pangeran, pangeran teu dirupakeunka hiji perkara, siga nu aya di konsep pangeran karesten atawa katolik. maranehna marake simbol yesus disalib, di agama india aya patung dewa, jsb. di islam teu aya jeung teu meunang. boroning gambaran pangeran, dalah nabi oge haram digambar atawa dibayangkeun dina bentuk gambar atawa patung. kunci konsep pangeran aya dina surat Qulhu (al ihlas). ah, ieu mah ngawadul. geus ah bisa loba salahna. --------- Ku kuring dipikiran, tepi ka ayeuna. Enya da sakapeung mah sok rada mikir nu araranéh, misalna urang nahan teu <punten> ngalacur, naha éta téh kulantaran sieun dosa? sangkan asup sawarga? da kapan cenah di sawarga mah disadiakeun bidadari2 nu gareulis tur salawasna parawan.. ari kitu mah meureun ibadah téh ukur 'nabung' pikeun sangkan urang engké tiasa 'muaskeun napsu' di sawarga... Jadi kuring sakapeung sok rada 'teu panuju' kana sistem 'pahala' jeung 'surga' ieu téh.. Tapi sanajan kitu kuring tetep percaya ku ayana 'hari akhir', jeung kuring percaya yen takdir Alloh oge berlaku di hari akhir, da sadayana oge milik AnjeunNa. Tah, lamun kuring aya pamikiran siga kitu, urang kaasup murtad teu?? lamun enya téh aduh.. ampun Gusti...... mj http://geocities.com/mangjamal --------------------------------- Ahhh...imagining that irresistible "new car" smell? Check outnew cars at Yahoo! Autos. --------------------------------- Ahhh...imagining that irresistible "new car" smell? Check outnew cars at Yahoo! Autos.