Wilijung tepang dibabakan KUSNet kanggo kang Machmud, sim kuring oge salah sahiji warga cicahuem anu nuju ngarit di Batam. Mudah mudahan kuayana US di Tribun Batam, US di batam busa munjul jalaran diwawarkeun kahadeanana dina eta surat kabar.
Wassalam, Asep Heriandi RedRocket Clothing & Souvenir 08127721788 0811777130 0778.364029 ----- Original Message ----- From: macbitel To: urangsunda@yahoogroups.com Sent: Wednesday, May 16, 2007 1:39 PM Subject: [Urang Sunda] Wargi Anyar Nepangkeun kasadayana, abdi wargi anyar. Wastana mah Machmud. Urang Cimahi nu nuju ngumbara samentawis di Batam. Saleresna mah, kapungkur, tahun 2005, ge tos ilubiung di milis urang sunda ieu. Sim kuring masih emut sababaraha diantawisna " miliser", sapertos Kang Abun Sarabunis Mubarok, teras kang Kumincir, jrrd. Kaleresan ari sareng Kang Abun mah samarga kitu tah. Sami-sami Mubarok he he.. Sami ti Tasik deuih lembur sarakan na. Oh sareng Kang Manar Oman Abdurrahman ge uninga. Da sim kuring kantos bade mesen buku geologi na Kang Budi Brahmantyo-Kang Bachtiar. Mung basa eta, tos dongkap ka Geologi, kaleresan Kang Oman na nuju aya acara di luar kantor. Nya, dugi ka ayeuna teu acan kontak deui sareng Kang Oman. Padahal unggal dinten, YM-na hurung teras... Akhir 2005, kaleresan abdi cuti. Milisna dipareuman heula. Eh, katerasan pareum rupina. Kaleresan ayeuna sim kuring nuju pancen tugas di Batam, nyaeta di Tribun Batam. Kalebet bantuan tempur ngabantos Tribun Batam nu kakirangan jalmi. Upami di Bandung mah nya damel di Tribun Jabar we. Cuang cieung di Batam mah, seuseueurna urang Malayu sareng Jawa. Komo di kantor mah, ngawangkong teh Basa Jawa we... Rada leneng oge, padahal pun bojo ge urang Jawa. Cing sugan ari lebet deui ka Kusnet mah, tiasa raos deui ngawangkong dina Basa Sunda. Saleresna mah seueur urang Sunda di Batam teh. Ngan teu munjul. Pami teu lepat mah, sababara minggon kalangkung, kantos aya riung mungpulung Paguyuban Urang Sunda di Batam, sakantenan milih pupuhu. Nya, lumayanlah Urang Sunda aya oge aktivitasna di Batam. Sakitu heula, sanes kirang hapunten. Bilih aya miliser Urang Sunda nu di Batam, tiasa kontak-kontak.. Hatur nuhun Cag Machmud (Mac)