Pami numutkeun pangalaman ceu roro sareng numutkeun pangalaman abi sadidinten, kalimat "kumaha engke" aya sisi negatif jeung sisi positifna. Sabalikna kalimat "engke kumaha" oge aya positif jeung negatifna.
Neng Iva --- In [email protected], "Roro Rohmah" <[EMAIL PROTECTED]> wrote: > > Tungtungna ku kuring diidinan. Moal enya kudu dihalang-halang? Pan ceuk kolot oge, nu ngarana jodo, pati, bagja jeung cilaka étamah urusan Pangéran. Saha waé nu geus tandang nyandang kahayang kawin*prung! Tapi kuring méré syarat, meunang kawin asal kuliah kudu bérés, da asa boga hutang tanggung jawab ka bapa kuring. Alhamdulilah, bari bubureuyeungan manéhna nuluykeun kuliah. Bari ngangais budak, manéhna diwisuda. > > Geus nyangking gelasr Sarjana, manéhna pindah ngilu ka salakina nu dines di Magetan. Mimiti deui geus "élékésékéng" hayang nuluykeun ka Sakola Perwira. Tapi hanyakal tong boro sakola biasa, najan sakola dines nu dibiayaan ku pamaréntah gé angger TTG (Sundana UUD) TungTungna Duit deui waé* baroraah boga duit gedé, gajihna gé tutup liang, ngagali deui liang heheh. > > "Cik pangnéangkeun jumlah mentri aya sabaraha? Menko aya sabaraha? Da, diganti-ganti waé mentri téh! Korban Tsunami Acéh sabaraha urang? Mun teu apal téangan di ramatloka, buru kuring ujian jam 8 isuk!" Aya SMS asup ti adi kuring. Harrrr*ieu téh nanahaonan teu puguh-puguh nanya nu kararitu ciga budak sakola waé? > > Teu lila mucunghul deui SMS di HP kuring* > "Ceu du'akeun nya kuring keur di Surabaya miluan tes Perwira, kumaha engké waé biayanamah, nu penting asup heula*paling-paling ogé dibalikeun deui ka kantor mun teu lulus mah". Dasar budak nékad! Jam 06.00 isuk kuring geus cinutrung di warnet langsung sosorodotan di ramatloka néangan jawabanana meunang di wikipedia. > > Kuring ngan saukur nyambung du'a, da rék ngabantuan ogé teu bisa walakaya. Saminggu ti harita manéhna geus aya di Megamendung- Sukabumi, lulus, teu make duit saeutik-eutik acan da rengking 1 di wewengkon Jawa Timur, Alhamdulillah*nuhun Gusti! > Sanajan asupna teu make duit, tapi ongkos jeung sagala rupa butuh duit pan? Kukuring diSMS, jawabanana téh,"Ngajual motor hehehe*" > > Mimiti panggih jeung kuring di Bandung basa keur Ijin Berlibur, manéhna ngomong,"Ceu, aya nu ngagoléran duit 100 juta keur nukeuran sakola kuring, da manéhna hayang jadi Perwira tapi teu lulus. Tadinamah arék, tapi dipikir-pikir nyaah meunang hésé capé nguteuk euy*" Harita kénéh manéhna ngomong deui,"Ah, rék ngaluhuran si Bapa, nuluykeun deui ka S2 langsung ka Sekolah Lanjutan Perwira, kumaha engké waé duitnamah*paling-paling*" teu dituluykeun, da ku kuring kaburu ditempas mantén,"Gandéng siah! nu ieu gé can anggeus, ni kabina-bina teuing hirup téh..mun ngarénghap heula geura!*". > > Sakapeung kuring reueus ka tékad jeung cara mikir manéhna, sagala bisa kasampeur : akherat, dines, sakola jeung rumah tangga. Tapi rada hariwang ogé mun nepi ka cita-citana teu kahontal, cigana éta nu diaranan "Seni Hirup" kaselempek ku cita-cita. Hanjakal, sanajan saindung sabapa, adi patuturun hulu, kuring teu sarua pasipatanana ciga manéhna, kuring mah épés méér, loba kasieun, boga prinsip : engké kumaha? Loba mikir dibulak balik dibeuweung diutahkeun*yaksss! > > TAMAT. > > Euh, dongéngna séép pamiarsa, dicekapkeun dugi kadieu heula ngeunaan falsafah "kumaha engké". Hapunten meuni ngagebay dugi ka 4 babak, étang-étang latihan ngadamel carbung. Geuning teu sadayana awon kumaha engke teh, gumantung kana niat sareng masalah nu dipayunan ku urang. Mugia aya mangpaatna. > > haturnuhun, > ro2 >
