Hapunten ka baraya sadaya birehna simkuring bade ulubiung dina ieu perkawis.
Ari saur simkuring mah hirup teh sanes pilihan tapi "hirup teh ibadah". Dina ieu masalah kedah dibentenkeun antawis "Takdir" sareng "Nasib". Sadayana tos terang yen Takdir teh nyaeta sagala sasuatu anu dipaparin ti Gusti Allah kangge mahlukna anu teu tiasa di robah deui. Ari nasib eta mah sagala sasuatu anu berlaku kanggo mahluk Allah anu tiasa dirobah ku mahluk eta sorangan. Kalebet kana takdir ; Jodo, Pati, Rejeki jrrd Sok aya pertarosan upami takdir teu tiasa dirobah kunaon jodo tiasa berobah kulantaran cerai? Nu dipimaksud jodo teh takdir nyaeta Gusti Allah sanes nakdirkeun yen si anu kudu kawin ka si anu tapi leuwih ti eta nunamina jodo ditakdirkeun ku Gusti Allah teh nyaeta "Lalaki kudu kawin ka istri". Conto we lah nya sok taros budak alit lalaki, "ujang numana (saha) kabogoh the?" budak lalaki nu can ngarti nanaon bakal nunjuk ka awewe. Tong boroning manusa dalah sato oge nyahoeun lamun jalu kudu ka bikang. Tah ieu nunamina yen jodo teh diatur ku Gusti Allah. Perkawis si Ujang kawin ka neng Tati mah eta nu namina nasib, sabab tiasa wae si Ujang cerai jeung neng Tati. Janten jelas yen takdir mah moal tiasa dirobah tapi nasib tiasa dirobah, saluyu sareng ayat dina Al-Qur'an anu tos disebatkeun tipayun." Saestuna Allah moal ngarobah kaayaan hiji kaom tug dugika maranehna boga paniatan ngarobah kaayaan maranehna sorangan.." Insya Allah ke disambung deui... Cag ah..
