Ngaranna mah so dilandihan ku uing teh pa jaya, yuswana kira-kira aya
kana 40 tahunan. Dedegna mah cangkeur, jangkung na aya kanu 170 cm-
an. Awakna hideung bakating sering pisan keuna ku panon poe. Ari
pakean-na mah sakapeung sok make baju hideung atawa pangsi tea bari
make talekung has urang halimun.
Manehna sok mineung ka bogor teh, ceh manehna ti taun 2005-
an sok mineung datang ka daerah Sindang Barang Pasir Eurih nu dumukna
mah teu jauh jeung bumina apih Sidik. Di taun 2005-an teh manehna
mimiti panggih jeung pupuhu Kampung Budaya Sindang Barang (KBS) teh ,
ku kuring mah sok dilandihan Kang Maki tea. Dina taun eta oge manehna
teh jeung rengrengangan na ti halimun oge ngawangun wangunan keur
Padepokan Giri Sunda Pura nu di pupuhuan ku Kang Maki oge.
Baheula na mah manehna ka bogor teh sok naratas jalan-na
lewat cileueur (tempat ditalungktikna bato dakon ku pa agus, kang
mumu jeung rengrengan ti UI) ngaliwatan gunung kendeng. Mun teu salah
mah ieu gunung kendeng teh kaasup hak wilayah adatna Kasepuhan anten
Kidul keneh nu kungsi aya padungdeungan antara Departement Kehutanan
jeung Taman Nasional Gunung Halimun Salak, ceuk beja na deui deuk di
transmigrasi keun ka luar jawa edasss.
Teu kabayang mun pak jaya ka bogor naratas gunung kendeng
teh bari leumpang, jiganamah bisa kana leuwih ti tilu poean ceuk
ukuran manehna, apal mereun urang halimun salak mah mun leumpang teh
teu jiga leumpang urang-urang tea. Sok komo versi cakeut atawa
deukeut keur nuduhkeun tempat teh. Ceuk manehna beda jasa ceuk versi
urang kawas samodel kieu
"lot ari ka Cibedug teh sabaraha jauh deui .. "
"cakeut da jang paling dua kiloan deui "
Habeu (ceuk urang citorek mah) basa dijugjug teh aya kanu 10 kiloan
.. bagol teh.
Kiwari pak jaya geus reutem pisanka wewengkon dukuh menteng
teh, malihan mah sok nare didinya jeung rengrengan-na, jeung deui
geus nyieun base camp, kusabab manehna kapapancenan ku pupuhu teh
sina ngabantuan ngawangun Leuit nu jumlahna aya kanu opat, imah gede,
imah girang seurat, bale pangriungan jeung imah keur semah. Tah eta
wangunan teh bakal jadi Kampung Budaya Sunda nu kiwari geus 90% an
hampir rengse. Tah dinu bulan agustus mah bakal aya paresmian Kampung
Budaya eta bari di pitonkeun Festival Budaya Jawa Barat nu di
luluguan ku Provinsi tea. (nyambung)
gunung ulah dilebur
lebak ulah diruksak
mipit kudu amit
ngala kudu menta
ngadeg kudu bewara
dahar kudu suci
Yayan Mulyana
[EMAIL PROTECTED]
081310915712 - http://yayanm.wordpress.com
