Sababaraha waktu ka tukang kungsi kabejakeun ngeunaan BNN (badanarkotikanasional) anu keur mikiran kamungkinan ngalegalkeun melak ganja. Alesanana rupa2, di antarana - ieu pepelakan sacara tradisional sok dipake ku urang Aceh (utamana) pikeun kadaharan - bisa dipake pikeun kaperluan medis - tangkalna bisa dipake bahan baku nyieun rupa2 karajinan - pangaruhna kana kasehatan (mun diudud) leutik, eleh ku alkohol, roko, komo psikotropika lianna mah
Tah, sababaraha poe ka tukang, Nature--majalah ilmiah--ngamuat pamanggih nanggap hasil panalungtikan anu dilaporkeun dina The Lancet--majalah ilmiah kadokteran. Dina tanggapanana disebutkeun yen memang panalungtikan baheula ngalaporkeun leutikna pangaruh nyeuseup ganja pikeun kasehatan. Tah, patojaiyah jeung hasil ti heula, hasil anyaran ieu mah nyebutkeun yen ganja teh bisa jadi ngabalukarkeun gangguan mental (psychotic illness). Nyeuseup ganja bin ngagele teh bisa ngaronjatkeun resiko katarajang sabangsaning skizoprenia (kasakit nanahaon ieu teh?) nepi ka 41%. Malah, tina hasil ieu panalungtikan, bisa jadi ieu kabiasaan teh geus ngabalukarkeun 14% kasakit mental di Inggris. http://www.nature.com/news/2007/070723/full/070723-11.html -- sikandar kumincir.blogspot.com rek saeutik2 nyobaan ngeureunan udud, tapi can ngasaan bako mole...
