Wilujeng Mang J Wilujeng 40 taun. Wilujeng tos tiasa ngarengsekeun novel deui. Hebat lah, 40 taun bari medalkeun novel jeung buku. -ika-
mj <[EMAIL PROTECTED]> wrote: Hatur nuhun, teh Roro oge mojank akang nu cameuh :) oge kang edy. Cekap we tiluan, bilih minuhan milis. Tapi ngawadul mah bade da resep. Taun 2007 ieu rek diwawaas. 40 taun. Asa ceuleupeung keneh, asa boloho keneh. Nya meureun eta mah adat kakurung ku iga. Ngawawaasna, taun ieu nulis novel dua, nu hiji baris dipedalkeun ku Gramedia Pustaka Utama jakarta, siga Epigram tea. judulna DONG MU, rada neplak lalakon kang Yaya oge kang Herman Mike Ontohod tukang nuklir tea, nu kadua dipedalkeun di yogya, ku Bentang Pustaka (grup mizan), judulna DARUL. Sigana editorna kang Salman Faridi, ngiringan kusnet oge. Carita teroris tapi modelna komedi alias heureuy nu ieu mah. Aya deui, nu katilu, ku pamedal Bandung Kiblat Buku Utama nu medalkeun buku2 basa Sunda oge umum. Nu ieu mah sanes dongeng, tapi buku pikeun msiswa desain oge umum nu resep, judulna Pengantar Desain Mebel. Tamba diprotes msiswa pedah nulis novel bae ari buku teks kuliah teu jadi2. Geus boga naon umur 40? Bati dua, si tizzy, karek asup tk nurulfalah. adina, si divdiv, 9 bulan, geus bisa ngorondang oge keur sagala dihuapkeun tea. Novel geus rek 6, buku teks 1. Ari nu pangwaasna mah, adi bungsu lulus sakolana, tos wisuda. Maklum jadi lanceuk panggedena, rarasaan si andiw angger we siga baheula, boloho jeung ololeho. Adat lanceuk ka adi, underestimate tea. Terus, sakola deui. Geus daptar ulang, geus meunang ktm, ngantri ti jam 10 beres jam 3an. Kusabab tempat daptar ulangna di Sabuga-tempat wisuda tea- nya kamari teh ka panitia nanya. "Pa, tiasa teu sakantenan daptar wisuda?" Si bapa panitia mencrong. Sigana nyarita dina jero hatena, teu cageur sugan ieu jelema teh, karek ke daptar geus hayang wisuda. Jawabna bari nyerengeh, "Oh teu teu acan tiasa atuh, jang. Engke we tilu opat taun ti ayeuna, ujang ka dieu deui. Susuganan." Haha. --------------------------------- Building a website is a piece of cake. Yahoo! Small Business gives you all the tools to get online.