Kamari, wanci haneut moyan, kantor kuring kasumpingan
hiji nonoman. Ari ningali romanna mah asa kenal, tapi
hilap deui namina. Sabada sasalaman, srog masihkeun
Ginseng titipan ti Apih Sidik. Kuring kerung
nginget-nginget, saha ieu budak teh. lebeng teu
kapikiran. tapi barang dibejakeun ti Metalurgi
Fakultas Teknik UI, braya wae pipikiran teh caang.
Kapungkur taun 1990 an,upami ngulampreng ka Dekanat
Fakultas Teknik sok pendak sareng cep Badrul Munir,
staf wakil Dekan IV FTUI. Ayeuna tos ngagondol S3 ti
Korea saurna teh.
Hatur nuhun kana kintunan ginsengna. Ayeuna kuring
gaduh kabiasaan enggal, ginseng teh dicampur gula
beureum kintunan ti indung kukutna pun bojo ti
Pagelaran (Cianjur Kidul), Ditinyuh ku cai asak
ngagolak. Suruput-suruput, ni'mat pisan. Maknyos lah.
Pih, ping 11 dugi ka 15 September Bos sareng Super Bos
Pun bojo bade ka Korea Selatan. Duka sabaraha jalmina
mah. Namung anu tos pasti mah Ibu Danti (Bos Pun
bojo), sok sanaos istri, tapi sikepna sok togmol
sareng tegas, perfeksionis. Upami Super Bos Ibu Meutia
Hatta, sarwa lembut, sarwa klasik, katingali dina cara
nyarios sareng ngangge anggean. Wartoskeun wae Apih
rerencangan abdi. Kamari minggu (01/09)kapendak sareng
anjeunna dina acara FISIP FUN FAIR di Depok.
Pami aya waktos, dijadwalkeun supados Super Bos
masihan ceramah dipayuneun masyarakat Indonesia di
Korea Selatan, topikna "Antropologi, Pemberdayaan
Perempuan dan Integrasi Nasional". Hiji topik anu aya
pakaitna sareng widang kaahlian anjeunna, sareng
kaayaan Indonesia anu nembe ngarayakeun HUT
Kamerdekaan. Dijamin, Super Bos tiasa masihan ceramah.
Pami tiasa mah, tong nyabit-nyabit perkawis anu aya
pakaitna sareng Ibu Halida. Kajabi upami anjeunna
ngawitan nyarios.
Sakitu panginten informasi anu tiasa didugikeun.
hapunten, upami aya hal-hal anu kirang merenah.
baktos,
mrachmatrawyani
____________________________________________________________________________________
Boardwalk for $500? In 2007? Ha! Play Monopoly Here and Now (it's updated for
today's economy) at Yahoo! Games.
http://get.games.yahoo.com/proddesc?gamekey=monopolyherenow
