Keur kuring leutik keneh cek kolot dihiji lembur henteu jauh ti lembur kuring aya arca panganten sapasang pahareup - hareup nu awewe keur emok nu lalaki keur sila tapi eta arca geus lila leungit dipiceun pedah sok aya jelema anu ngimpo jeung tapa keur neangan nomer hwa hwe.
Ayeuna jadi ngaran lembur nya eta lembur Arca Winangun kecamatan Pamijahan Kabupaten Bogor henteu jauh ti kawasan wisata Gunung Salak Endah rutena lamun numpak angkot ti terminal Bubulak Bogor numpak nu kajurusan Leuwiliang turun di Cibatok ganti angkot nu ka Gunung Sari ngaliwatan pondok pesantren modern Sahid Sahirman turun di Pasar Jum'at lamun angkotna daekeun terus ka Desa Gunung Sari nambah deui ongkosna ari jalan mah bagus tos diaspal terus turun di pondok pesantren Salsabila. Sugan aya anu arek naliti asal usul eta arca bari ulin ka Curug Sarebu, Curug Cigamea, mandi cai haneut alami terus ka kawah ratu.
