Sarerea ge tangtu teu ngaharepkeun ngalaman cilaka di perjalanan. Tong boro cilaka, dalah mogok oge, apan eta teh hiji kajadian anu matak ngabarubahkeun hate supir jeung panumpangna. Bilih para pamaos hoyong uninga palakiahna supadosurang salamet di perjalanan, di handap di berendelkeun hiji hijina.
1. sateuacan distater, tingali heula mobil urang teh aya mesinan atanapi henteu. Upami teu aya mesinan, ulah maksakeun anjeun teras dianggo, margi dijamin .... moal dugi ka tujuan. 2. husus ka nu kagungan mobil built up eropa setir kenca, sanaos parantos dimodipikasi janten setir katuhu angger bae kedah ati - ati upami gas, erem sareng kuplingna masih keneh aya di kenca. Tos kasawang panginten ku sadayana oge upami setir di katuhu teras erem, gas sareng kupling di kenca mah ngaggo na oge asa kirang lugina. 3. Upami setir urang digentos ku setir racing, kahade setirna kedah aya nu buleudan. Upami teu aya nu buleudan, mung ngelekeceng sapertis halu, rada sesah nganggona margi kedah ..... digere 4. supados enggal dugi ka tujuan, urang kedah apal heula peta buta. Upami ti Bandung bade ka Jogja, tangtos kedah ngetan. Upami maksakeun ngulon, tangtos dugina moal ka jogja, namung ka....... jakarta. 5. sanaos ban mobil urang wareuteuh, namung taya lepatna upami urang nyandak ban serep sapuluh siki. Mangpaatna teh upama dina sakalina urang seepeun artos di perjalanan, eta ban serep teh tiasa diical Nuhun
