"Jaaaaaay.!!!!!" " Har ari maneh ngageroan teh mani tarik-tarik teuing. Da kuring mah henteu budeg atuh"
"Lain kitu Jay, aya berita heboh yeuh.." "Berita naon ?" "Aya beja ceunah lamun nyieun peuyeum ketan, peutingna tong sare jeung pamajikan. Bisi haseum ceunah peyeum ketan na" "Ah maneh mah aya-aya wae. Nu kitu mah atuh lain berita heboh. Maneh nyaho teu sajarahna eta ceunah teh?" "Henteu..!!! ari maneh???" "Naon teh?" "Enya sajarahna peuyeum ketan haseum" "Ceuk saha?" "Apan ceuk maneh tadi ngomong teh.." "Hayang nyaho kitu..???" "Nya hayang atuh ..." "Kieu carita na teh..." Jaman baheula aya sayembara pikeun nyieun kadaharan atuh anyar pikeun raja. Sing saha-saha anu kadaharanana di anggap pang ngeunahna ku raja. Bakal dibere hadiah anu kawilang gede. Kabeh jalma sakarajaan sibuk neangan cara jeung bahan pikeun nyieun kadaharan anu anyar tea. Kocap carita aya kulawarga (sebut we jang adun jeung nyi icih) nu kakara kawin rek miluan eta sayembara. Manehna pisan anu ngamimitian nyieun peuyeum ketan teh. Sanggeus dijieun eta peuyeum ketan teh disimpen di handapeun ranjang. Ari jaman baheula tea nu disebut ranjang teh dijieuna tina gedeg nyaeta awi anu dibelah-belah. Kusabab masih keneh panganten anyar atuh peutingna jang adun jeung nyi Icih teh silih asah, silih asuh jeung silih elodan. Sabada eta teu karasa cai kesang bati sililh elodan tea nyakclak kana ketan anu keur dipeuyeum. Isukanana barang dibuka jeung diasaan peuyeum ketan teh haseum. Pantrang mundur, jang adun nyieun deui eta peuyeum ketan bari dirobah resepna. Kitu jeung kitu we pagawean jang adun jeung nyi icih teh. Peuyem ketan teh masih haseum sabab peutingna kaclakclakan cai kesang bati silih elodan tea. Hiji waktu nyi icih kadatangan semah matuh. Kapaksa atuh jang adun teu bisa silih elodan peutingna. Barang isukanana peuyeum ketan dibuka rasana amis. Atuh jang adun jeung nyi icih mani sugema pisan. Tiharita jang adun nambahan resep nyieun peuyeum ketan ku ulah ngalakukeun ... tea. "Tah kitu carita na teh" "Owh kutan kitu jadi haseumna peuyem teh disababkeun kaclakclakan cai kesang nya?" "Ceuk saha???" "Apan ceuk maneh tadi nyarita" "Enya kitu???" "Ari ceuk maneh kumaha???" "Meureun." "Lain meureun..ceunah" "Heueuh ketang ceunah..."
