hehehehe... Apih Siddik, hatur nuhun inpo-na... jigana mah ngaharib-harib kana perang dagang panginten nya ?! tapi teu aya lepatna kanggo urang langkung waspada...
^_^ ----- Original Message ----- From: Siddik Wiradireja Subject: Re: [Urang Sunda] maraknya Telur Palsu di cina - heboh wartosna di Korea... Perkawis leres henteuna eta wartos, wallahu alam, apan anu ngadamelna oge di China, mung bae sim abdi bade ngulas saulas perkawis "wartana". Salah sawios nagara anu rempan ku kamajengan ekonomi China, nya eta Korea, komo deui upami ninggali geografisna mah sakitu nampeuna, komo deui ninggal lautna, nyasatna saampar samak. Komo deui waktos-waktos ieu barang-barang produksi China tos ngaleuyah di Korea ti ngawitan hasil tatanen sareng nalayan dugika barang komputer, kalayan pangaos anu mirah upami dibandingkeun sareng produk Korea. Kanggo conto : Monitor LCD 17" buatan Korea pangaosna 250 rebu Won, upami buatan China mung ukur 160 rebu Won. Janten henteu aneh upami Korea noongan/ngintip, kacurangan/kalicikan China (upami leres aya), maksadna supados kauninga ku ku dunya, atuh sahenteu ku warga Korea. Sabaraha welas taun kapengker, kantos media masa Korea ngawartakeun yen lauk "chogi" (salah sawios lauk laut anu seueur diala di laut China), sanggem dina warta lauk "chogi" anu diimport ti China kirang sae/kirang raos. Padahal pamayang Korea ngala eta lauk, tilaut kulon Korea anu saampar samak sareng laut China, sedengken pamayang China ngala eta lauk tilaut China keneh. Nya kitu deui sabaraha taun kapengker mass media Korea ngawartakeun yen, hasil tani anu diimpor ti China ka Korea, sapertos cabe beureum garing, bawang bodas, kualitetna kirang sae dibanding hasil tani di Korea, namung kumaha buktosna, dugi ka ayeuna eta barang-barang ngaleuya dipasar-pasar, margi pangaosna amper satengah tina pangaos produk Korea. Anu nembe pisan, taun pengker manawi teu lepat, mass media Korea rame ngawartakeun lauk laut sareng kapiting impor ti China dieusi lempengan timah, maksadna kanggo nambih beurat timbangan, genjleung rayat Korea. Namung saparantos ditalungtik, tetela anu ngeksport ti China, masih keneh urang Korea. Kuayana kajantenan-kajantenan sapertos diluhur, salajengna nyanggakeun kapara ahli, kanggo nalungtik sareng ngabuktoskeun leres henteuna eta wartos. Wallahu alam. Pihatur, ssw.
