Hehehe...aya-aya wae. Kang Trias, janten emut waktos abdi alit keneh...ngiring gadongeng sakedik, ngangge basa loma.
Harita keur bulan puasa sababaraha poe rek ka Lebaran, kabeneran kulawarga kuring keur di Wado. Sanajan nini kuring boga meja makan nu panjang lengkep jeung korsihna, tapi angger dalaharmah sok resep "lesehan" dina bangku panjang nu dijieun tina kai jati 2m x 2m. Ameh rada katingali alus, ngahaja ku nini kuring ditutupan ku palastik hideung, handapna dipapaes ku lawon kelir kopi nu dirempel. Hiji poe, sabada beres buka, sakumaha biasa kulawarga kuring sok ngawarangkong bari ngadengekeun nu ngaji saacan breng tarawehan, da kabeneran imah teh hareupeun masigit. Bari ngawangkong, kuring ngome endog. "Endog timana eta?", ceuk Bapa kuring nanya. "Pamasihan ti Ema (pun eyang), tadi siang", tembal kuring. "Cing saha nu bisa nangtungkeun ieu endog, ke dibere bonus*", ceuk bapa kuring "ngabewarakeun" sayembara. Atuh puguh kuring & adi-adi parebut paheula-heula, kumaha carana meh endog bisa nangtung. Sanggeus dicobaan sababaraha kali, euweuh nu bisaeun* "Wah, ieu mah masing kalahka butak ge moal bisa nangtung* !" ceuk kuring pegat pangharepan. Tungtungna, taraluk. "Ma' nya kitu-kitu we teu bisa?!" ceuk Bapa kuring ngalelewe. "Da heseeeee*.!" tembal kuring & adi-adi. "Cik ari ieu endog asak tawa atah?" "Asak atuhhh*" "Wah, babari ari kitu mah*." Pre!!! Ndog teh nangtung!.... bari peupeus handapna. "Harrrrr*. Ari kitu mah titatadi ge bisa!" reang patembalan. "Tah, eta ngarana Endog Columbus hehehe*" ro2 >>> [EMAIL PROTECTED] 10/05/07 11:41AM >>> "Teliti sebelum membeli", matakan kedah apal bentukna, warnana, kasarna, upami ku sipat sipat eta teu tiasa keneh dibedakeun jeung nu asli, kapaksa dipeupeuskeun hiji hiji, pamohalan upami tiasa persis sami luarna jeung jerona. Upami sami persis eta memang endog asli, nu palsu lain endogna tapi "berita" na. Hiji deui, upami dipeupeuskeun teu tiasa peupeus, jeung hargana sami sareng harga endog, eta mirah, enggal peser, eta endog hiasan. Kang Trias
