hatur nuhun ayi naufal mangga atuh amengan ka website teteh; www.pipietsenja.multiply.com
haturnuhun kana perhatosan ayi baktos teteh pipiet senja ieu salah sawios nukilan novel teteh anu nuju midang di majalah sunda midang; Jalur Sutra Jalur Cinta Pipiet Senja (2) Mana tega-tega teuing Mas Satrio Rayani bati ngagero jero hatena. Manehna geus apal pisan kana kalakuan Satrio. Lanceuk anu umurna beda welasan taun. Samemeh asup ka barisan elit politik, Satrio geus idek-liher di dunya bisnis ilegal. King Gambler, saha anu henteu apal ka Satrio Wiroyudo? Bisnisna ngaleuya, pangpangna kumawasa di jalur sutra, wewengkon Sumatera mimiti ti Lampung parat terus ka Aceh, Malaysia jeung Singapura. Memang lain ka palebah dieu imahna Satrio mah. Sok sanajan langka nganjang ka imah anu jadi lanceuk, Rayani apal keneh. Basa aya telepon ti Maharani, ninina, ngabejaan yen Satrio hasil jadi anggota Dewan, pupuhu partai beureum-hideung. Mamih keukeuh palay ka Batam, palay nemonan anu jadi putra. Sok sanajan remen pagetreng oge, Mamih enas-enasna mah mikanyaah Satrio, bubuhan putra pang cikalna. Nya harita pamungkasan nganjang marengan Mamih, nyaba jauh duaan teh. Duka naon pasalna ujug-ujug der weh parasea, harengheng, rame pisan. Mamih pagetreng jeung Satrio memang lain sakali-dua kali, remen. Ngan pagetrengna sakali eta mah duka teuing, asa mingkin heboooh! Mamih keukeuh ninitah Rayani sangkan gancang mulang ka Jakarta. Mamih ngantunkeun anjeun di padumukan anyar Satrio. Jangjina mah moal lila, ngan kalah ka campleng sabulan! Telepon anu katampa ku Rayani ti ninina. Ngabejaan yen Mamih tos tilar dunya, magarkeun teh alatan struk. Ya Rob, Gustiiiii maenya Mamih make struk sagala? Biheung Mamih putus asa, aaah! Ngacooo! Berhentilah kau, Merry! Si Bosongot ngagero. Rayani ngorejat. Bener, lain di dieu, hatena ngagerencem deui. Imah Mas Satrio anu anyar, sabada diistrenan jadi anggota Dewan, sidikan di wewengkon paimahan mewah. Lain di wewengkon keumeuh palabuhan kawas kieu! Laiiin! Ieu mah Sekupang? sora Rayani kapegeg ku polototan Si Bosongot. Turun semuaaa! Jrat-jrut pating galejrut, tarurun tina mobil, kaasup Rayani anu satengah dijongklokkeun ku Si Bosongot. Heg pada ngabareyeng, sulundap-selendep, gebluuus Rayani digebluskeun ka hiji gudang keumeuh di palabuan Sekupang. Woooi jangan tinggalkan akuuu! Tolooong! Sora Rayani mimitina mah harus, taya anu malire. Sorana mimiti halon, halon, mingkin halon Jep weh, jempe, simpe! *** Medan 2004 Satrio Barbo, saha anu henteu apal ka tokoh masarakat Batam ieu? Pangawakan dedeg sampe rupa hade, heg didangdanan ku jas, kameja jeung dasi Armani, atuh sapatuna oge ngahaja osok ngimpor ti mancanagara. Henteu kalis ku kitu, masih ditambahan ku kacamata riben buatan Jerman, surutu mahal anu osok diulinkeun di antara ramo-ramona. Di hotel bentang lima, Satrio diiring ku wadia baladna anu kawentar disebut Barbo alias Barisan Kebo di dunya mapia Indonesia wewengkon kaler. Ti barang turun tina bebi bens keneh geus pada ngawal, pager bitis tea. Barudak ngora Barbo bisa dititenan tina kosteumna, baju sing sarwa hideung jas panjang pating galober jeung riben mahal. Kumaha geus daratang? Satrio nalek asprina, hiji lalaki jangkung badag, rengkak paripolahna mo bina ti ajudan jenderal. Beungeut perang tea, da dijulukanana oge Ares, Dewa Perang. Beunang menta ti Empu Bolo-Bolo, cenah mah, paranormal sakaligus dukun sakti mandraguna urang India. Atos di lebet, Bos! tembal Ares saregep. Geus aya bejana ti Si Bosongot? Parantos diamankeun bereslah, Bos! Kenapa belum ada laporannya? Ooh, harus ada laporan resminya, ya Bos? Huahaha kidding! Satrio ngaheheh. Ploook, ngagaplok tonggong asprina, tarik oge buktina Ares ngagero nyerieun, sorana dipegeg. Di rohang Anggrek, bener we Barsing alias Barisan Singa wadia baladna Leon Barsing geus hempak. Meja panjang beulah kenca geus didariukan ku anak buahna Leon. Ngan Satrio henteu nempo Leon, ngan aya adi-adianana minangka wakilna nyaeta Chong. Mana bos kalian? Satrio bari diuk di hulu meja sidang, ditarurutan ku wadia baladna ngeusian korsi-korsi kosong beulah katuhueunana. Chong manggut rengkuh, ngajawab kalawan tatag, Maafkan, Bos Besar tidak bisa datang karena Bos Besar yah Pasti masih sibuk nguyek di Singapura. Huahaha Satrio nempas, seuri ngece. Chong tiba manggut deui kalawan rengkuh, miluan api-api ngaheheh. Otakna mah muter, sidikan manehna oge geus nyaho kondisi jalur sutra bulan-bulan katompernakeun. Satrio mingkin ngagalaksak di wewengkon Barsing. Matakan Leon kudu mageuhan tali kakawasaanana di Singapura jeung Malaysia. Ngan Satrio oge kanyahoan embung eleh gadag. Sarua deuih mimiti ngagalaksak ka sakuliah daratan Malaysia. Boh bisnis narkoba pon kitu deui bisnis jual-beuli senjata. Diprediksi, ceuk Bos Besar, Barbo bakal ngungkulan Barsing di sakuliah jalur sutra, tug nepikeun ka daratan Cina. Tempat-tempat strategis, basisna Barsing salila puluhan taun. Naha kudu ngelehan alatan digoromeoh Barbo? Teu bisa! Kudu dilawaaan! kitu parentah harian Bos Besar. Meeting digelar, kangaranan rapatna mapia taya basa-basi, pidatoan angot bubuka jeung macakeun agendana mah. Time is money, jadi kudu to the point, madudengkeun pemetaan anu ngawengku kakawasaan masing-masing. Ares ngeberkeun peta ala Barbo. Atuh Chong oge sarua ngabeberkeun peta persina Barsing. Ini peta kekuasaan Barsing! ceuk Chong bangun ngagerem. Wilayah Barbo sekarang ada di sini, di sini, dan di sini Ares nambalang-nambalang we, sarua guram-geremna teh. Bagaimana sepakat untuk tidak sepakat, yeaaah? Satrio mungkas meeting dina waktu henteu leuwih ti sapuluh menit. Seperti biasa kami harus terima dua puluh persen. Itu kalau kalian bisnis di Medan! Chong tandes. Kalau bisnis kalian di Batam fifti-fifti, yeah? Satrio seuri sinis. Tidak fair, Bos! Sama saja seperti di Medan! tempas Chong. Mana bisa begitu! Sekarang jelas sekali Batam lebih potensial! Kalian gak bisa lanjut ke mana-mana tanpa ngedrop di Batam. Di wilayah kekuasaanku harus fifti-fifti. Titik! Satrio ngagentak nangtung ditarurutan ku genepan baladna. Chong oge nangtung, sarua deuih dibarengan ku genep baladna. Aya sawatara lilana mah dua kubu pasang aksi, pasang siaga; siap tanding! Beungeut-beungeut beureum, ngemu amarah, ambisi jeung kakawasaan. Soal di Batam nanti ada pembicaraan sendiri, harus langsung dengan Bos Besar. Kami tak bisa memutuskannya sekarang. Oke, Bos Besar Barbo? ceuk Chong nandeskeun. Satrio kuduna mah bisa nyengker emosi, kudu era da lain ngalawanan Big Bos Barsing langsung. Lain babad tandingna mun kudu mudalkeun amarah ngayonan Chong, adi-adianana Leon. Lain adi teges, saukur adi angkat, adi sagulung-sagalang, sabada dibaiat sumpah getih ala mapia turunan Tionghoa di Indonesia. Aku sudah muaaak! Satrio bangun ngagerem, molototan Chong. Tiba saminggu di dieu kudu mere upeti duapuluh persen? Apan tos disaluyuan ti baheulana kitu, Bos! tembal Chong. Naha make dipadudengkeun ayeuna? Degggh! Satrio karek inget, boga jangji jeung utusan Mr. Number One ti Jakarta. Bet karek kaingetan deuih atuh? Gara-gara Si Rayani, haram jadoool siah! Hatena ngageremet. Keuheul ongkoh ka Ares, bet pipilueun sarua jeung manehna remen pohoan. Sigana aya anu konslet dina uteukna, alatan mindeng disetrum basa manehna dibui puluhan taun katukang. Siaaal dangkalan! Mmmm oke, ngan kudu dijamin taya halangan-harungan deui! Satrio antukna kapaksa ngelehan. Aya anu leuwih penting, bisnis kakap nungguan di Jakarta. Lain saukur bisnis anu ngawengku ambisina, ieu rek asup ka jajaran elit politik Indonesia. Pingpinan parpol mah ceteeek! Bereees! Chong ngajak sasalaman, ditampanan ku Satrio bari ngemu kahareneg. Geus kitu mah Satrio ngagiwarkeun leungeun kencana, ngaisarahan anak-anak buahna. Cabuuuut! cenah, sorana harus handaruan. Malum, ruruntuk preman palabuan. Welasan taun katukang, inyana masih kukulamprengan di palabuan Sekupang. Lamun henteu panggih jeung Leon anu ngadidik langsung, ngawaris elmu panemu bisnis ilegal tug nepikeun ka ngamodalanana pisan Sigana manehna bakal angger preman jalanan, urut mahasiswa langgeng, anakna Darto, pamayang pituin Indramayu. Singapura 2004 Parksuites, geus manjing janari basa Leon ngagubragkeun awakna anu bayuhyuh kana ranjang. Cape oge balas inspeksi langsung ka lapangan, sanajan make limosin ka mamana, angger capeee! Leon Barsing, umurna oge geus 60-an, kabeukina kadaharan anu ngareunah, kuat surutuna jeung inuman keras. Katurug-turug tara olah raga, puguh we babarian eungap. Karek oge ngerelep sawatara detik, ponselna disada. Leungeunna gupuy-gapay kana meja leutik gigireunana, ceg, ponsel model komunikator teh ditempelkeun kana ceulina. Hayya alooow sapa? Satrio Barbo Ini cuma kepingin bilang; aku sudah tahu siapa putri yang Bos Besar cari-cari selama ini. Sekarang dia ada di tanganku. Jadi kalo Bos Besar Barsing macem-macem awaaas saja! Leon Barsing ngagurubug, ponselna mecleng, barang dicekel deui geus taya sora nanaon iwal ti napasna sorangan anu ngaregeh. Eungap liwat saking! (Nyambung) -- Naufal Fajar Gumati <[EMAIL PROTECTED]> wrote: > Wilujeng tepang, wilujeng kenal Teh Pipiet ! > Sim kuring salah sawios penggemar seratan-seratan > Teteh. > > Urang Husnudzon we Teteh, panginten sanes teu aya > respon, mung responna > henteu ngalangkungan ieu millis, boa-boa ayeuna tos > langsung aya anu > ngagidig ka ATM, nyeepkeun simpenanana kanggo > ngabantos Kang Dudi Santosa. > Leres teu Baraya ? > Henteu ? > Ah piraku ! Mudah-mudahan leres, mangga atuh urang > barantosan. > > Pan aya paribasa, upami panangan tengen masihan > bantosan, panangan kiwa > mah teu kedah terangeun. > Kitu panginten Teteh. Punten upami lepat. > > Baktos, > > Urang Cianjur. > Nu Ngiring Belasungkawa ka Kang Dudi Santosa, > hususna, ka wargi Sunda > umumna. > > > On 10/23/07, Pipiet Senja <[EMAIL PROTECTED]> > wrote: > > > > hapunten ngarewong deui > > eta atuda meuni heraaaan > > asa teu aya respon kana warta kamusibatan > > sangkilang ieu teh urgent > > da aya pakaitna sareng > > > > budaya sunda > > ngeunaan kahuruanana kantor majalah sunda midang > tea, > > wargi urangsunda > > > > naha da ari diwartakeun di milis holland > > meuni langsung direspon sae > > sedengkeun di kusnet.. > > > > aaaah, hapunten sakali deui > > assalamualaikum wr.wbb > > > > lami pisan abdi henteu nepangan wargi KUSNET > > tapi da noongan mah sering > > > > ieu mah bade ngawawaran wae ka wargi sadaya > > kamarina mah, sabaraha dinten kapengker > > aya sms ti kang Dudi Santosa; > > kamusibatan, kantor redaksi majalah Sunda Midang > seep > > kahuruan.... > > > > ka sing saha wae anu ngaraos asih, cinta ka bahasa > > karuhun, geura tanjeurkeun budaya sunda > > majalah Sunda Midang > > dina kamusibahan ieu tangtosna oge kedah dirojong > ku > > urang sadaya, urang sunda di mana wae ayana! > > > > kitu sanes, URANGSUNDA? > > > > alamat lengkapna; Jalan Babakan Ciparay, > Situgunting > > Timur l No.17 RT.08/RW 08, Kelurahan Sukaasih > > Bojongloa Kaler, Bandung Timur > > > > No.RekBCA KCP Lingkar Selatan 4531196061 > > cp na mah langsung wae ka Pemred na, Kang Dudi > Santosa > > 085220095635 > > > > nyungkeun sih hapunten pami aya kalelepatan > > baktosna > > teteh pipiet senja, depok > > > > --- brad porenges <[EMAIL PROTECTED] > <porengesbrad%40yahoo.com>> > > wrote: > > > > > Basa kamari ka Bandung, saacan lebaran kuring > ulin > > > ka BSM (kawas kang Asep...hehe), nganteur budak > > > hayang jalan-jalan. Lunga-lengo ka Gramedia, > budak > > > mah diantep we baeud jeung nyiwitan oge, geus > gede > > > ieuh. Aya sababaraha buku anyar (asana citakan > > > 2007), nu matak kuring curinghak jeung neureuyan > > > ciduh sorangan lat poho kana pamaksudan...hehe, > > > mangga tengetan diantawisna bae: > > > > > > 1. Pangeran Cakrabuana, Raja Pertapa 1 terbitan > > > Kiblat Bandung > > > Raden Walangsung alias Prabu Kian Santang nu > > > dianggap "pendiri" kota Cirebon. Naha dibere > gelar > > > Pangeran Cakrabuana? Naon hubunganana jeung > gunung > > > Cakrabuana dina novel MJ? Kumaha ketakna > Walangsung > > > dina mimpin Cirebon nu ngabalukarkeun Cirebon > > > gancang ronjatna tina hiji kampung nepi ka hiji > > > nagara? Adaptif kah, Someah hade ka semah? Naha > > > prabu Siliwangi nitah Walangsungsang guguru ka > > > Begawan anu di gunung Dieng? Kumaha Nyi Mas > > > Rarasantang ngigelean budaya Arab make budaya > Sunda? > > > Kumaha ngalalanana Walangsungsang ka Arab, > Mesir, > > > Irak jeung Samudra Pasai? > > > > > > Dipedar ku kang Besta Besuki Kertawibawa, > lulusan > > > Arsitektur ITB nu ngarasa "kaseureud" aya nu > > > nyebutkeun urang Cirebon "Sunda henteu, Jawa > ;lain", > > > kepala Bapeda kabupaten Subang, nu ngaku urang > > > Cirebon jeung sigana ti lingkungan keluarga > Sultan > > > Cirebon. > > > > > > > > > 2. Profil Etnic Jakarta (terjemahan), Lance > > > Castels > > > Medar nu matuh di Jakarta ayeuna, cenah urang > > > Betawi? Ti mana asalna Betawi? Budak beulian > Walanda > > > kah? Ti Bali, Makasar, Bangka, India, Cina? > Campuran > > > seler-seler sa nusantara, sadunya? > > > > > > Pan cenah Sunda Kalapa teh boga Padjadjaran beh > > > dituna karajaan Sunda? Kamarana urang Sundana? > Teu > > > dibahas ieu mah...sigana can aya nu ngabahas ieu > > > mah ku ahli sajarah Sunda. Ragrag ka > > > Banten/Cirebon/Demak....nyaeutikan sigana urang > > > Sunda di Sunda Kalapa, diganti ku urang Sunda ti > > > Cirebon, Banten jeung urang Jawa. Ragrag...ka > > > Walanda, cenah urang Sunda jeung Jawa di usiran > da > > > sieun antek2 karajaan pribumi, Mataram nyerang > > > Batavia....eleh! Tentara nu ti Priangan jeung > > > Cirebon diudag-udag ku tentara Mataram, > dipaehan! > > > (alinea ieu mah subyektif! hehe) > > > > > > Tulisan ieu nu mimiti diterbitkeun tahun 67(?), > > > dipikaceuceub ku tokoh betawi Ridwan Saidi. > Sanajan > > > bantahana..asa "teu gugur teu angin"....teu > > > nyambung! Bantahan Ridwan Saidi lengkepna dina > buku > > > Profil Etnik Betawi jeung Babad Tanah Betawi > khusus > > > keur nangkis buku Lance Castles ieu. > > > > > > 3. Dari Batavia ke Jakarta, pangarangna hilap > > > asana urang Lombok, kepulauan Sunda leutik, > lulusan > > > UGM. Loba ngabahas tata kota Jakarta jeung > > > nerangkeun peta-peta daerah Jakarta baheula. > > > Penerbitna oge hilap di Jakarta asana mah. > Perenah > > > nyieun buku "Dari Sunda Kalapa ke Jakarta" oge > > > cenah, mung teu acan kapendak ku si kuring. > > > > > > > > > 4. Dong Mu, Jamal, Gramedia Pustaka Utama > > > Hehe...punten ah seuri heula ieu mah! Mun maca > > > buku-buku MJ, sok asa keur pahareup-hareup > > > we...hehe. 4 buku novel tiheula dianggap "gagal" > > > dijieun panganteur sare...da kalahka cenghar tur > > > buringas jeung seuseurian sorangan > > > deuih....sakapeung mah nyarekan nu nulisna > sakalian. > > > > > > > > > Dong Mu, medar lalampahan tokoh kang Herman > jeung > > > kang Yaya, dua ilmuwan "hebring" urang Sunda nu > > > teuneung ludeung, jujur jeung gede > tanggungjawabna > > > tapi masih aya hormon "kabayanna"....hehe. > > > Enya....keur genting oge tetep we heureuy! > Caritana > > > alus, basajan, sanajan "background" > tokoh-tokohna > > > kawilang "edan!" Hal ieu > sakaligus...ngabalukarkeun > > > kurang jerona medar masalah nu didadasaran > elmu-elmu > > > para tokoh. Ceuk kuring, novel ieu serius jeung > > > ati-ati dijieunna, kaciri tina loba "diskusi" > jeung > === message truncated === __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com
