Enya cenah kang, malih aya carios guyonna sagala... mun si A (nyebut kelompok) asup masjid paling bakal leungit sendal mun si B (nyebut kelompok) asup mesjid paling bakal leungit kitab tah mun si C asup mesjid, malah masjidna nu leungit... (teu lucu pisan da humorna teh...)
Yu ah kang, urang ka masjid... karunya masjid teh, komo mun subuh mah lolobana eusina ngan marbot jeung aki-aki wunkul... --- In urangsunda@yahoogroups.com, Maman Gantra <[EMAIL PROTECTED]> wrote: > > Maling Masigit > > Sawatara waktu ka tukang aya warta nu matak reuwas. Kuring macana dina Kompas: Ketua PBNU KH Hasyim Muzadi nyebutkeun, yen loba masigit NU nu "diambil alih" ku golongan lian. Teu sawatara lila mucunghul deui warta: Rhoma Irama ngadegkeun Forum Silaturahmi Pengurus Mesjid dan Mushola nu keur kuring, ieu alpukah Bang Haji teh taya lian ti lajuninglaku tina kasauran Hasyim Muzadi tadi. Sanajan, dina Koran Tempo, aya pembaca nu nyawad kasauran Kiai Hasyim: Masigit mah milik kumna umat Islam, lain milik salah sahiji golongan. Kituna teh bari nandeskeun, yen teu pantes pamingpin umat pantar Kiai Hasyim nyarios kitu. > Komentar eta pembaca teh bener teu bener. Benerna, nya enya secara normatif nu ngaranna masigit mah milik muslimin rek naon bae golongan atawa alirannana. Komo deui, sakapeung, pangurus saencanna sok "ngacapruk". Lain dina pasoalan bag-bagan sholat atawa ibadah lainna, tapi dina perkara akuntabilitas jeung transparansi soal duit. Lain bae perkara "profesionalisme"-na, tapi oge siga nu teu amanah pisan: Infaq jeung shodaqoh teu weleh ngaleut, ari tempat kiih atawa abdas matak jararipen jalma sholeh: Kandel ku daki. > Teu benerna, nya teu ngaragap hate batur bae. Komo, siga nu disebutkeun Bang Haji pakait jeung organisasi nu diadegkeunnana, "pengambilalihan" masigit teh sok dibarungan ku nyawad malah dina ucapan Bang Haji mah "ngapirkeun" batur. > Keur kuring, perkara masigit ieu lain bae perkara golongan atawa aliran kaagamaan. Tapi, dina sababaraha kasus, oge numpuk jeung pasoalan etnis, tingkat ekonomi, atawa tingkat pendidikan. Teu saeutik, masigit-masigit nu ahirna diurus ku dulur-dulur urang ti peuntas. Boh ti Sumatera, boh ti Sulawesi. Atawa, mun di Jakarta, ti Kalimantan. Kituna teh, lian ti mawa wanda Islam nu "modern", "rasional", "fundamentalis", atawa "otentik" pisan, tingkat ekonomi jeung pendidikannana ge leuwih alus manan masyarakat nu aya di dinya. Dibarungan ku kapercekaan dina widang organisasi, atuh masyarakat "pituin" urang dinya ge teu bisa nanaon. Eleh sawab. > Ongkoh, tina kituna mah kaharti: Lain bae agama Islam teh dibawa ku urang luar, tapi wanda "pembaruan", "modern" atawa "pemurnian"-nana pisan nya diluluguan ku urang luar. Dina harti lain urang Sunda atawa lain urang Batawi mun konteksna Jakarta. Pan Persis, inohong nu kakoncarana teh Kiai Hasan, urang Pakistan ti Singapura, nu muka pasantren di Pajagalan, Bandung, nu terus jadi lawan diskusi Soekarno dina bag-bagan Islam kaasup mangsa Soekarno dibuang ka Ende? Atawa Moh.Natsir sareng Singa Podium Bandung, KH Isa Anshory, ramana almarhum Mang Endang, urang Jl. Pangarang, turunan Padang nu soleh, masket kana badminton, bari Basa Sunda-na matak era jalma nu ngaku urang Sunda pituin. Pon, kitu deui inohong "pembaruan" lianna: H.Agus Salim, urang Padang nu bubuara ka Jawa alatan teu laju sakola ka Walanda, nu muka hordeng nu misahkeun jamaah lalaki jeung awewe dina hiji pangajian di Ciparay? > "Supremasi" urang luar dina widang kaagamaan teh nerap nepi ka kiwari. Utamana di kota-kota nu urbanisasina leuwih intens manan wewengkon lianna. Antukna teu saeutik, urang Sunda atawa urang Batawi nu kapaksa mipir, bari "rumahuh". Contona masigit di gigireun imah mitoha, nu ayeuna jadi panganjreukan kuring. Ceuk urang dinya, oge ceuk sawatara jamaah di eta masigit, eta masigit teh sabenerna wakaf urang dinya. Tadina, bisa kasawang, nya masigit kitu bae. Ilaharna masigit di urang. Basajan. (Malah, nu matak helok kuring, ceuk maranehna, tempat abdasna, cenah, siga tempat abdas di Priangan: Mangrupa kulah. Bari laukna galede). Taun 60-an katompernakeun, aya karep ngalegaan jeung ngawangun eta masigit. Nya dijieun panitia pangwangunan. > Ngan, mangsa pangwangunan lumangsung, jalma nu diamanahan pikeun ngurus pangwangunan eta "loba heureuyna". Lain bae sumbangan keur kenteng dibeulikeun panto -- hartina rada pakojot dina nerapkeun akad, nu keur sawatara urang mah dicekel pisan, salaku bagian tina amanah. Tapi, oge remen nyalenggor jadi roko atawa "uang bengsin". Atuh masigit teh teu anggeus-anggeus. Ongkoh, lulugu eta panitia teh ngadon hayoh manggung di DPR. Pangwangunan masigit teh beuki kaluli-luli. > Antukna, eta panitia teh "dikudeta". Diganti ku nu lian, nu leuwih amanah jeung "profesional". Alhamdulillah, masigit teh ngajenggeleng. Weweg, bari dua lantai pisan. Ngajegreng nepi ka kiwari. Lian ti eta, wuwuhan nyakola jeung perceka, bari miboga visi nu jauh jeung boga kasadaran hukum nu kandel, kapanitian anyar ieu teh teu kagok asong: Lian ti jadi panitia pangwangunan, maranehna nyieun yayasan nu jadi pangurus eta masigit. Saha pangurus eta yayasan teh? Nya aranjeunna. Atuh, nepi ka kiwari, sanggeus leuwih ti 30 taun, bari yuswana tos aya nu meh 80 taun, pangurus eta masigit teh aranjeunna. Bari teu bisa diungkit-ungkit. Da, sacara hukum puguh hideung bodasna. > Kumaha kulawarga atawa masarakat urang dinya nu ngawakafkeun tanah keur eta masigit? Kapaksa ngungsi ka jero gang. Nyieun masigit lian, nu leuwih leutik jeung leuwih basajan. "Ngahibur maneh" ku muludan, ratiban, jeung marawis kalan-kalan ngaraji kitab. Sakalina rek nyekar ka makam karuhunna, ukur bisa maca Yasin jeung tahlil di imah atawa di masigit anyar tadi. Da makamna, nu aya di pipir masigit heubeul, geus euweuh. Geus obah jadi tempat abdas. Sakapeung, murukusunu: "Batur mah maling di masigit teh ukur maling sendal, maling tarompah. Tapi, golongan anu mah maling teh maling masigitna". Kituh... > Demi pangurus anyar tea, mageran manehna teh lain bae ku badan hukum. Tapi, oge ku prak-prakan ibadah. Kaasup ku pangajian-pangajian nu "keras". Lengkep jeung ngerahkeun massa, siga nu kajeueung kiwari: Lian ti ngeprak papada urang peuntas, oge ngamangpaatkeun kakompakan anggota hiji partai Islam. Atuh, diembohan ku semah nu kabeneran keur liwat, wuwuhan aya di sisi jalan nu kaitung rame, atawa ku barudak mahasiswa nu sakolana teu jauh ti masigit, tiap sholat rawatib di eta masigit teh matak reugreug kana hate: Rempeg, sok nepi kana lima atawa genap shaf-na. Kituna teh rapih jeung rekep. Matak reueus. Bari, sakalina urang wiridan rada panjang, bari urangna teu kaopan, sok asa diusir. Da, nu jaragana pahibut ngoncian panto hareup, inggis aya "jamaah" nu maling AC! Atawa tausyiah geus dimimitian. Pon kitu deui perkara rekep tadi: Awahing ku rekep, solat teh sok tambah jauh tina khusyu. Da, jempol katindihan birit batur. Atawa birit sorangan kaganjel ku suku batur. > > > > > Maman Gantra > Jalan Salemba Tengah 51, > Jakarta 10440. > 0812-940-5441 > > --------------------------------- > Looking for last minute shopping deals? Find them fast with Yahoo! Search. >
