Hapunten ka kang Oman teu tiasa ngaluuhan acara pejemuhan di unpad. Kamari mah alesanana teh nyaeta nuju fokus ka perkara estetika sunda tea. Insya alloh bade ngulem narasumber kanggo ngabahas eta, bade ditandean ku si kuring di pusat studi sunda insya alloh, jumaah 16 februari jam 2an siang. Narasumber abah surya kanggo estetika sunda umum, teras kang Roza Mintareja kanggo arsitektur. Kapayun insya alloh kang tedi perkawis kujang, oge narasumber sanesna.
Aya buku dua kardus kintunkeuneun ka jampang teu acan. Ka teh Imas, wayahna nya. Rada lami, da ongkoh danana paciwit-ciwit lutung. Tos aya nu ngantos ukeun dikirim deui ti garut, oge aya tempat enggal guru di garut oge, balad kang Deny Suwarja. Alesan ka dua teu tiasa ngaluuhan, nyaeta panyawat lami nu matuh mucunghul deui, sabot pindah ka cihideung, seueur kembang, jorojoy panyawat ngalukis mucunghul deui. Aduh ngumaha ka indung budak, hayang kanvas, ari cet akrilikna mah aya, oleh2 abah joe ti new york sareng sesa kapungkur. Kanu bade noong aya di http://mangjamal.multiply.com/paintings Dinten minggu kamari teh, nyaeta milarian novel munggaran karya sobat, Jurie G. Jarian, saurna tos medal ku mizania, grup mizan. Kaget oge, judulna di robah, asalna Darul, jadi opik sok cool, deh! Heuheu. Sigana pedah eusina komedi roman, bari nyaritakeun teroris lokal. Nya milari di pameran buku ikapi di landmark braga. Ngulibek pinuh ku jelema jeung buku. Saur Jurie G Jarian, hatur nuhun cenah ka baraya kusnet nu namina kaci ditambut dina novel eta, Soni Rosa, Deni Suwarja, Runa, Ajan Hudori, Ono Taryono, Kumi Iskandar, jaradi tangtara nu numpes teroris. Heuheu. Gambar jilid aya di http://mangjamal.multiply.com/bukuku
