Muhun, saé, anjangan tah Gedong Kasenian Miss Tjitjih. Kuring ogé tos lami teu nganjang ka ditu téh. Pamungkasna tanggal 07 Méi 2005, basa kuring masih ngontrak di wewengkon Pulo Mas, Jakarta Timur. Perenahna di Jln. Cempaka Baru IV, Cempaka Putih, Jakarta Pusat. Ngahaja harita téh malem Minggu, ngarah sakalian lalajo Sandiwara Sunda.
Gedong Kasenian Miss Tjitjih anu anyar dibangun téh mémang kaitung agréng. Diadegkeun dina taneuh anu legana kurang-leuwih 4000 m2, kalayan diresmikan ku Presiden (harita mah Mégawati Soekarnoputri), tanggal 26 Maret 2004. Ieu wangunan Gedong Kasenian Miss Tjitjih téh méakkeun waragad Rp 14 miliar (ti Pemda DKI). Janggélék gedong agréng, diwengku ku wangunan dua tingkat, kalayan panggung nu legana 15 x 4 méter persegi. Korsi lalajo mangrupa korsi lipet warna beureum, anu jumlahna 234 korsi. Lengkep asilitas séjénna saperti kamar rias, aya di lanté dua, kaitung lega jeung pikagenaheun. Di tukangeun gedong, diwangun asrama para pamaén nu jumlahna 20 kamar nu ukuranana 5 x 4 méter persegi. Unggal kamar ditempatan ku hiji atawa dua kulawarga (basa kuring nganjang, aya hiji kamar nu kosong). Bilih Kang Firman hoyong uninga langkung jelas ngeunaan lalampahan kuring nganjang ka Gedong Kasenian Miss Tjitjih, mangga baé aos seratan di dieu: http://galuh-purba.com/sapanjang-jalan-sandiwara-surat-keur-holisoh-me/ (Eta seratan mangrupi walonan surat kuring kanggo Ibu Holisoh MÉ, basa mantenna ngintun serat panjang anu eusina tetelepék ngeunaan Sandiwara Sunda. Kaleresan kuring keur diajar ngéstokeun pikeun ngawalonan surat) Baktosna Dhipa Galuh Purba http://galuh-purba.com --- In urangsunda@yahoogroups.com, Firman Juliansyah <[EMAIL PROTECTED]> wrote: > > Sim kuring tos lami nguping hal ihwal perkawis Gedong > Kasenian Miss Tjitjih di Jakarta. Ti kapungkur teh > panasaran hoyong nganjang kadinya. > > Ayeuna sim kuring tos ampir opat sasih dumuk di > Jakarta. Janten emut deui kana kahoyong kapungkur, > hoyong nganjang ka GK Miss Tjitjih. > > Manawi aya di antawis aranjeun anu uninga alamat, no > tlp, jadwal, sareng info acara di Miss Tjitjih, mugia > kersa ngawartosan ka simkuring. > > Malihan langkung sae upami aya nu kersa ngarencangan > nganjang atanapi nongton acarana. komo dugi ka ntaktir > tiket, katuangan, mondok di Ritz Carlton, sareng tiket > pesawat mah, langkung sae pisan (nu ieu mah heurey > ketang). > > Ke buruhna, bilih karaos cararangkeul, ku sim kuring > seja dipeuseulan... > > > Hatur Nuhun, > > > > > Firman Juliansyah > Jl. Kancra Dalam II No 7Ab, Bandung, Indonesia > Phn: +62 22 5431324, Fax: +62 22 5431325 > MP : +62 (0)81.320.656.905 > YM & FS: [EMAIL PROTECTED] > http://bozzetto.blogs.friendster.com/bozzetto > > > > ____________________________________________________________________________________ > Never miss a thing. Make Yahoo your home page. > http://www.yahoo.com/r/hs >