> From: Dirgahayu, Rachman > Akibat petugas / aparat kurang taggung waler ka masyarakatna.
Enya, leres pisan kang, ngan da di urang mah masyarakatna oge sangeunahna. Ceuk beja jeung ningali dina pelem, geuning di nagara batur mah, nagara nu sok disarebut nagara bebas teu boga susila, meuli bir, roko komo miras jeung barang porno mah teu bisa dibeuli ku budak, nu dagangna oge embungeun ngajual kanu acan cukup umur mah, malah diusir ti tokona. Pan di urang mah sabalikna, malah nu jadi sasaran teh barudak rumaja. Kungsi jeung sering kajadian "barang-barang" keur jalma dewasa, dijualan di deukeut sakola SMP/ SMA. Cenah, baheula di jaman Walanda, miras teh diatur ku pamarentah. Lamun dina raramean (tatanggapan siga tayuban, ronggeng jrrd) rek aya mirasna, kudu menta idzin heula ka pulisi. Engke surat rekomendasi ti kantor pulisi teh dibawa ka toko nu ngajual miras. Rekomendasi ti pulisi teh nyebutkeun sababaraha botol nu meunang di beuli. Toko nu ngajual miras kakara daek ngajual, lamun aya rekomendasi ti pulisi. Jadi perdagangan miras teh kakontrol. Hal nu sarua jeung Narkoba, nu baheula mah disebut candu. Perdagangan candu dimonopoli ku pamarentah, umumna nu beuki candu urang Cina. Pamarentah ngangkat pagawe keur ngurus perdagangan candu, disebutna teh Mantri Candu. Mantri Candu, kaasup birokrat jaman baheula (menak). Ramana Kartosuwiryo tokoh DI/TII, cenah mah Mantri Candu di hiji daerah di Jawa Timur. SIgana ngalarang miras, tepi ka euweuh pisan, rada hese. Amerika Serikat di akhir abad ka 19 jeung di awal abad ka 20, kungsi ngalarang perdagangan miras. Tepi ka loba miras nu disulundupkeun ti luar. Malah ceuk cenah mah, "Dinasti" Kenedy jadi beunghar, kulantaran tina selundupan miras ka Amerika. Miras, leuwih hade diatur, teu meunang dijieun jeung dijual sambarangan dimana wae .... Baktos, WALUYA