Keur nambah wawasan, yen sabenerna aliran Wahhabi di Arab Saudi (oge di nagara teluk sejenna) MOAL BISA AKUR jeung ide Kekhalifahan model Turki, ieu kasang tukangna meunang mulungan ti sababaraha sumber (Kanu langkung terang, punten dilereskeun):
Jazirah Arab kaasup Mekkah jeung Madinah, di abad ka 18 (1700'an) asup kakawasan Khalifah Turki Usmani/ Ottoman. 1740 : Muhammad bin Abdul Wahhab nyusun buku kontrovesial, nu nandakeun dimimitianana gerakan Wahhabi. 1744 : Mohammad bin Saud, pangawasa Ad-Dariyah ngalakukeun sumpah aliansi jeung Imam MUhammad bin Abdul Wahhab keur "ngaislamkeun" deui jazirah Arab. Abdul Azis, anak Mohammad bin Saud, dikawinkeun ka anak awewe Imam Muhammad bin Abdul Wahhab. 1802: Pasukan Wahhabi ngawasa Mekah dan Medinah, tapi akhirna ditinggalkeun, rek nundukkeun heula suku-suku Arab nu sejen. 1802: Haji Miskin, Haji Abdur Rahman jeung Haji Muhammad Arief urang Minang balik ka Minangkabau bari mawa paham Wahabi ekstrim di jaman pemerintahan Yang Dipertuan Sultan Muning Alamsyah di Kesultanan Islam Pagarruyung (Tilu Haji ieu nu akhirna mucunghulkeun Perang Paderi). 1804 : Pasukan Wahhabi ngarebut deui Mekkah 1810 : Sultan Turki Ottoman (Khalifah) nitah Pasha Mesir, Muhammad Ali, numpes "gorombolan" Wahhabi di Mekkah 1812: Mekkah direbut deui ku Turki Usmani. Abdullah bin Saud, pamimpin Wahhabi ditewak dibawa ka Istambul. Terus di "diarak" ngurilingan Istambul saencanna dihukum pati di Gerbang Hamayun. Kakara di taun 1920'an *) , kulawarga Saud jeung gerakan Wahhabi bisa "ngusir" kakawasaan Khalifah Turki Usmani ti Arab Saudi, bari dibantuan tantara Inggris nu dipimpin ku "Si Lawrence ti Tanah Arab" (Lawrence of Arabia). *) Di taun-taun eta uyut kuring munggah haji. Salah sahiji dongengna nyaritakeun yen di Mekkah teh dar-der-dor ku sora bedil, loba kaributan. Ngan tangtu we uyut kuring mah teu ngatieun aya kajadian naon. Baktos, WALUYA